ຕ້ອນຮັບໝູ່ເພື່ອນດ້ວຍຊາ ເມືອງຊິນຊ່າງໄດ້ພັດທະນາຂະແໜງຊາໃຫ້ກາຍເປັນວັດທະນະທຳ

ໃນວັນທີ10ເດືອນເມສາ，ຕະຫຼາດຊາຂອງຈີນທີ່ຕັ້ງຢູ່ເມືອງຊິນຊ່າງແຂວງເຈີຈ່ຽງໄດ້ຕ້ອນຮັບລະດູຮຸ່ງເຮືອງຂອງຊາໃນລະດູບານໃໝ່，ພໍ່ຄ້າຂາຍຊາທີ່ໄດ້້ມາຈາກທ້ອງຖິ່ນຕ່າງໆໄດ້ເດີນທາງມາເຖິງເມືອງຊິນຊ່າງຢ່າງຫລວງຫຼາຍ.

ພິທີໄຫວ້ຊາຂອງຈີນ•ເມືອງຊິນຊ່າງຄັ້ງທີ5ໄດ້ຈັດຂຶ້ນໃນຕອນເຊົ້າຂອງວັນທີ10ເດືອນເມສາ，ເຊິ່ງໄດ້ສ່ອງແສງໃຫ້ເຫັນເຖິງປະເພນີອັນເປັນມູນເຊື້ອແລະມີປະຫວັດສາດອັນຍາວນານຂອງບຸນໄຫວ້ຊາເມືອງຊິນຊ່າງ.

ໃນຕອນເຊົ້າຂອງວັນທີ10ເດືອນເມສາ，ງານແຂ່ງຂັນສຸດຍອດຂອງການແຂ່ງຂັນຊາຫຼົງຈິງຕ້າຝໍຂອງເມືອງຊິນຊ່າງປະເທດຈີນຄັ້ງທີ13ໄດ້ຈັດຂຶ້ນທີ່ຕະຫຼາດຊາຂອງຈີນ，ຜູ້ແຂ່ງຂັນຈຳນວນ20ຄົນທີ່ໄດ້ຮັບໄຊຊະນະໃນການແຂ່ງຂັນຮອບຄັດເລືອກທີ່ໂຊສີມືຂົ້ວຊາໃນສະຫນາມແຂ່ງຂັນ.

ໃນມື້ດຽວກັນ，ຍັງໄດ້ຈັດກິດຈະກຳຕ່າງໆທີ່ກ່ຽວພັນເຖິງຊາ，ເປັນຕົ້ນແມ່ນ：ງານວາງສະແດງຮູບພາບຂອງຕະຫຼາດຊາຄົບຮອບສິບປີ，ງານແຂ່ງຂັນຕີຊາ，ງານແຂ່ງຂັນຂົ້ວຊາຂອງເຈົ້າຊາ，ພິທີໄຫວ້ຊາແລະອື່ນໆ.ໃນປີ2017,ເນື້ອທີ່ປູກຊາຂອງທົ່ວເມືອງຊິນຊ່າງໄດ້ຮອດ12ໝື່ນມຸ້，ຍອດມູນຄ່າຂອງໃບຊາໄດ້ທະລຸເຖິງ0,8653ຕື້ຢວນ，ຂະແໜງການຜະລິດຕະພັນໃບຊາມີມູນຄ່າເຖິງ 2,8ຕື້ຢວນ，ຍອດມູນຄ່າການຄ້າຂອງຕະຫຼາດຊາໄດ້ທະລຸຮອດ5ຕື້ຢວນ，ໃນນັ້ນມູນຄ່າຂອງຍີ່ຫໍ້ຕ້າຝໍຫຼົງໄດ້ຮອດ3,494ຢວນແລ້ວ.