ບັນຍາກາດບຸນກຸດຈີນໃນບຸນວັດຫໍໄຫວ້ແຜ່ນດິນປັກກິ່ງ

　　ວັນທີ 19 ກຸມພານີ້ກົງກັບວັນຂຶ້ນ 4 ຄ່ຳຕາມຈັນຕະຄະຕິຈີນ, ໃນບຸນວັດຫໍໄຫວ້ແຜ່ນດິນຢູ່ນະຄອນຫຼວງປັກກິ່ງມີນັກທ່ອງທ່ຽວຈຳນວນຫຼວງຫຼາຍແລະມີບັນຍາກາດຄຶກຄື້ນມ່ວນຊື່ນທີ່ສຸດ.

　　ບຸນວັດຫໍໄຫວ້ແຜ່ນດິນປີນີ້ມີການສະແດງຕ່າງໆ 6 ປະເທດເກືອບຮ້ອຍເທື່ອເຊິ່ງລວມທັງ 6 ປະເພດນີ້ຄື, ການສະແດງຮຽນແບບພິທີໄຫວ້ແຜ່ນດິນໃນສະໄໝລາຊະວົງຊີ່ງ, ການສະແດງພື້ນບ້ານພື້ນເມືອງທີ່ດີເດັ່ນ, ການສະແດງຟ້ອນລຳທຳເພງ, ງີ້ວທຽນສິນ, ການສະແດງຮີດຄອງປະເພນີໄຕ້ຫວັນແລະກາຍະສິນແຂວງເຮີເປີຍເຊິ່ງເປັນການເຕົ້າໂຮມເຄື່ອງສິລະປະຫັດຖະກຳທີ່ເປັນມໍລະດົກທາງດ້ານວັດທະນະທຳທີ່ບໍ່ແມ່ນວັດຖຸ, ອາຫານທ້ອງຖິ່ນແລະສິນຄ້າໃຊ້ສອນໃນປີໃໝ່ປະເພດຕ່າງໆຈາກທົ່ວປະເທດ.　　

　　ບຸນວັດຫໍໄຫວ້ແຜ່ນດິນປີນີ້ໄດ້ເນັ້ນຫົວຂໍ້“ຮ້ອງເພງສະຫຼອງປີໃໝ່ຮ່ວມກັນກ້າວເຂົ້າສູ່ຍຸກໃໝ່”,ໂດຍສຸມໃສ່ສ້າງບັນຍາກາດວັດທະນະທຳເມືອງຫຼວງທີ່ເກົ່າແກ່,ທັງເຊື່ອມໂຍງກັບທັດສະນະໃໝ່ແຫ່ງການພັດທະນາໃນຍຸກໃໝ່ບົນພື້ນຖານເນັ້ນໜັກຮີດປັກກິ່ງ.ບຸນວັດດັ່ງກ່າວດຳເນີນເປັນເວລາ5ວັນຄື,ເລິ່ມແຕ່ມື້ຂຶ້ນ1ຄ່ຳຮອດມື້ຂຶ້ນ5ຄ່ຳ.