ນາຂັ້ນໄດຊະມະປ້າຂອງເມືອງຫົງເຫີແຂວງຢຸນນານໄດ້ຮັບການຢັ້ງຢືນຈາກ Ginis ຊ່ຽງໄຮ ເປັນ“ນາຂັ້ນໄດເຜົ່າຮານີທີ່ມີເນື້ອທີ່ໃຫຍ່ທີ່ສຸດໃນຈີນ”

ໃນວັນທີ21ເດືອນເມສາ，ການເຊັ່ນໄຫວ້“ເປີດປະຕູດຳນາ”ແລະກິດຈະກຳສະເຫຼີມສະຫຼອງປະເພນີຂະໜາດໃຫຍ່ຂອງເມືອງຫົງເຫີແຂວງຢຸນນານໄດ້ຈັດຂຶ້ນທີ່ນາຂັ້ນໄດຊະມະປ້າທີ່ເຊື່ອມຕໍ່ກັນເປັນແຜ່ນດິນທີ່ກວ້າງໃຫຍ່ໄພສານ。ໃນມື້ດຽວກັນ， ນາຂັ້ນໄດຜືນນີ້ຍັງໄດ້ຮັບໃບຢັ້ງຢືນຈາກ Ginis ຊ່ຽງໄຮວ່າເປັນ“ນາຂັ້ນໄດເຜົ່າຮານີທີ່ມີເນື້ອທີ່ໃຫຍ່ທີ່ສຸດຂອງຈີນ

ເນື້ອທີ່ທັງໝົດຂອງນາຂັ້ນໄດຊະມະປ້າເກີນກວ່າໝື່ນມຸ້ແລະໄດ້ຕັ້ງຢູ່ຕາແສງເປົາຮວາເມືອງຫົງເຫີ，ຫ່າງກັບຕົວເມືອງຫົງເຫີ37ກິໂລແມັດ，ເນື້ອທີ່ແຜ່ນດິນທີ່ຕິດຕໍ່ກັນຂອງນາຂັ້ນໄດນີ້ສາມາດຈັດຢູ່ໃນອັນດັບທີ່ໜຶ່ງຂອງປະເທດຈີນໄດ້ເລີຍ.ມີຄຳເວົ້າສຸພາສິດໜຶ່ງຂອງທ້ອງຖິ່ນໄດ້ເວົ້າວ່າ“ບໍ່ເຄີຍມາເຖິງຊະມະປ້າ,ຈະບໍ່ຮູ້ຄວາມກວ້າງໃຫຍ່ໄພສານຂອງນາຂັ້ນໄດ.”ເຊິ່ງນີ້ເປັນການພັນລະນາໃຫ້ເຫັນຄວາມຈິງຂອງນາຂັ້ນໄດຊະມະປ້າທີ່ມີປະຫວັດສາດຍາວນານກວ່າ1000 ປີຂອງເມືອງຫົງເຫີ.

ນາຂັ້ນໄດຊະມະປ້າເຕົ້າໂຮມແລະຕິດຈອດກັນເປັນແຜ່ນເປັນແຜ່ນ， ມີຂັ້ນໄດທັງຫມົດ4300ຂັ້ນເຊື່ອມຕໍ່ກັນແຕ່ຫົວຮອດທ້າຍ，ຄວາມສູງຈາກລະດັບໜ້ານໍ້າທະເລແຕ່600ແມັດຫາ1800ແມັດ，ເຊິ່ງໄດ້ບຸກເບີກໄປຕາມພູແລະເຮັດນາໄປຕາມຄວາມອຽງ，ຮູບຊົງແລະເນື້ອທີ່ແລະຄວາມໜາແໜ້ນຂອງນາແຕ່ລະຜືນແມ່ນແຕກຕ່າງກັນ，ຕອນໃຫຍ່ມີເນື້ອທີ່ເຖິງ3ຫາ4ມຸ້，ຕອນນ້ອຍມີຂະຫນາດໃຫຍ່ຊ່ຳກັບໂຕງົວຄວາຍເທົ່ານັ້ນ，ຢູ່ທີ່ເຂດທີ່ສູງຊັນ，ຜືນນາເໝືອນຂັ້ນໄດສູ່ເຂດສະຫວັນ, ງາມເໝືອນກັບສັນຫຼັງຂອງໂຕມັງກອນ.

ຊາວບ້ານທ້ອງຖິ່ນໄດ້ເວົ້າວ່າ，ຮູບຮ່າງຂອງນາຂັ້ນໄດຈະປ່ຽນແປງໄປຕາມການປ່ຽນແປງຂອງລະດູ，“ລະດູບານໃໝ່ເໝືອນທົ່ງຫຍ້າ，ລະດູຮ້ອນເໝືອນພົມສີຂຽວ，ລະດູໃບໄມ້ຫຼົ່ນເໝືອນພູສີຄຳແລະລະດູໜາວເໝືອນແວ່ນແຈ້ງ”.ມັນສະຫງ່າງາມຕາຫຼາຍ,ເຊິ່ງໄດ້ສະແດງຄວາມກົມກຽວລະຫວ່າງມະນຸດກັບທຳມະຊາດຢ່າງສູງ,ແລະໄດ້ສະແດງໃຫ້ເຫັນເຖິງລະບົບນິເວດກະສິກຳທີ່ປະກອບດ້ວຍສີ່ປັດໃຈກໍຄື：“ປ່າໄມ້—ກຸ່ມບ້ານ—ນາຂັ້ນໄດ—ລະບົບນໍ້າ”，ເຊິ່ງເປັນຕົວແບບຂອງວັດທະນະທຳນາຂັ້ນໄດຂອງປະເທດຈີນແລະເປັນຕົວຢ່າງຕົ້ນແບບຂອງຄວາມສີວິໄລໃນການເຮັດໄຮ່ໄຖນາ.