ພົບລາຊະໂອງການສີລາຊະວົງໝິງຢູ່ແຂວງເຫີເປີຍ
2018-05-25 16:56:24 |ມາຈາກ: CRI
ໃນຂະນະທີ່ກວດກາວັດຖຸບູຮານຫວ່າງມໍ່ໆມານີ້, ອົງການອະນຸລັກວັດຖຸບູຮານເມືອງໜານກົ່ງ ແຂວງເຫີເປີຍ ໄດ້ພົບລາຊະໂອງການສະໄໝລາຊະການເສິງຮວ້າ ລາຊະວົງໝິງ ສະບັບໜຶ່ງໃນຄອບຄົວຂອງຕະກຸນປາຍ ຢູ່ຕາແສງຈືຈົງ ເມືອງດັ່ງກ່າວ ເຖິງແມ່ນວ່າລາຊະໂອງການສະບັບນີ້ໄດ້ຜ່ານການເວລາມາຕັ້ງ 500 ກວ່າປີແລ້ວກໍຕາມ ແຕ່ກໍຍັງສາມາດຮັກສາໄດ້ດີສົມຄວນ. ນັກວິຊາການກ່າວວ່າ: ລາຊະໂອງການສະບັບນີ້ລ້ຳຄ່າຫຼາຍ ມັນໄດ້ບັນທຶກເຫດການປະຫວັດສາດທີ່ເກີດຂຶ້ນໃນສະໄໝນັ້ນ ເຊິ່ງເປັນຂໍ້ມູນປະກອບການຄົ້ນຄວ້າລະບຽບຂ້າລາຊະການ ແລະ ສັງຄົມ-ວັດທະນະທຳຂອງລາຊະວົງໝິງ ຈຶ່ງມີຄຸນຄ່າສູງໃນການຄົ້ນຄວ້າປະຫວັດສາດ ແລະວັດທະນະທຳຈີນ.
