ເພື່ອລະນຶກຈີນແລະຟີລິບປີນສ້າງຕັ້ງສາຍພົວພັນທາງການທູດຄົບຮອບ 43 ປີ, ອົງການສະຖານີວິທະຍຸໂທລະພາບແຫ່ງຊາດຈີນ, ສະຖານີວິທະຍຸໂທລະພາບສູນກາງຈີນ ແລະສະຖານີໂທລະພາບແຫ່ງຊາດຟີລິບປີນໄດ້ຈັດພິທີອອກອາກາດຂອງລາຍການ “ໂຮງລະຄອນຈີນ” ຢູ່ນະຄອນຫຼວງມະນີລາປະເທດຟີລິບປີນໃນວັນທີ 13 ມິຖຸນານີ້. ລະຄອນໂທລະພາບຈີນສີ່ເລື່ອງເຊັ່ນ “ຂົນໄກ່ບິວຂຶ້ນທ້ອງຟ້າ”, “ຄວາມຮັກຢູ່ປັກກິ່ງ” ແລະອື່ນໆເປັນພາສາຟີລິບປິນອອກອາກາດຢູ່ສະຖານີໂທລະພາບແຫ່ງຊາດຟີລິບປີນ, ນີ້ແມ່ນລະຄອນໂທລະພາບແລະຮູບເງົາຈີນອອກອາກາດຢູ່ຟີລິບປີນຫຼັງພາກເປັນພາສາຟີລິບປີນເປັນຄັ້ງທຳອິດ.