【ເມືອງຕີຊິ້ງມີຜູ້ສືບທອດວັດທະນະທຳ】ຈໍມະ ຫຍິບເຄື່ອງນຸ່ງເຜົ່າທິເບດເມືອງປົນຈືລານ

2018-09-13 16:01:44 |ມາຈາກ: Yunnan Gateway

“ຄອບຄົວຂ້າພະເຈົ້າບໍ່ໃຫ້ຂ້າພະເຈົ້າເຮັດວຽກບ້ານຕັ້ງແຕ່ນ້ອຍແລ້ວ,ການທີ່ເປັນລູກສາວຜູ້ທຳອິດໃນບັນດາລູກສາວ 5 ຄົນຂອງຄອບຄົວ,ຄອບຄົວມີພຽງແຕ່ເງື່ອນໄຂດຽວສໍາລັບຂ້າພະເຈົ້າ:ເຮັດວຽກຕັດຫຍິບ,ຕັດເຄື່ອງນຸ່ງເຜົ່າທິເບດ,ແລະນີ້ແມ່ນສິ່ງທີ່ຂ້ອຍມັກເຮັດທີ່ສຸດ.”ນີ້ແມ່ນຄວາມໃນໃຈຂອງ ຈໍມະ,ຕົວແທນຜູ້ສືບທອດ ຫັດຖະກຳຕັດຍິບເຄື່ອງນຸ່ງເຜົ່າທິເບດໃນໂຄງການມໍລະດົກວັດທະນະທຳນາມມະທຳລະດັບແຂວງຢຸນນານ.

ໃນຖານະເປັນເອື້ອຍໃຫຍ່ຂອງຫ້າເອື້ອຍນ້ອງ, ຈໍມະ ໄດ້ແບກຮັບຄວາມຄາດຫວັງຂອງຄອບຄົວຕັ້ງແຕ່ໄວຫນຸ່ມ.ຕັ້ງແຕ່ອາຍຸ 15 ປີ,ເມື່ອພໍ່ກໍາລັງເຮັດເຄື່ອງນຸ່ງຫົ່ມ, ຈໍມະ ກໍຢືນຢູ່ທາງຂ້າງແລະຮຽນນຳພໍ່.

ເຄື່ອງນຸ່ງເຜົ່າທິເບດເມືອງປົນຈືລານມີສີສັນທີ່ສົດງາມ, ເໝາະສົມກັນດີ,ຄຽງຄູ່ກັບການຮັກສາຮູບແບບຂອງເຄື່ອງນຸ່ງເຜົ່າທິເບດດັ້ງເດີມໄດ້ດີນັ້ນ,ການຄຽນຫົວແລະສິ້ນກໍມີສີສັນພິເສດຂອງທ້ອງຖິ່ນຫຼາຍ.ເຄື່ອງນຸ່ງເຜົ່າທິເບດມີບົດບາດທີ່ສໍາຄັນໃນຊີວິດຂອງຊາວທິເບດທ້ອງຖິ່ນອີ່ຫຼີ,ເກືອບທຸກຄົນມີຫນຶ່ງຊຸດເປັນຢ່າງໜ້ອຍ,ເມື່ອແຕ່ງງານແລະສົ່ງສະການ,ບຸນງານ,ເຕັ້ນຟ້ອນກໍຈວງ,ກໍຕ້ອງໄດ້ນຸ່ງ.ແຕ່ຢູ່ໃນທ້ອງຖິ່ນ,ການຕັດຍິບເຄື່ອງນຸ່ງເຜົ່າທິເບດເຄີຍປະເຊີນໜ້າກັບການສູນຫາຍ. “ເມື່ອພໍ່ຂອງຂ້າພະເຈົ້າ ຈ່າງເຊິງ ໄດ້ຮັບການເຊື້ອເຊີນໄປຜະລິດຊຸດໃສ່ຟ້ອນທີ່ວັດຕົ່ງຈູຫຼີນນັ້ນ,ເພິ່ນເປັນພຽງຄົນດຽວໃນເຂດທ້ອງຖິ່ນທີ່ຮູ້ຜະລິດເຄື່ອງນຸ່ງເຜົ່າທິເບດດັ້ງເດີມ.”ຈໍມະ ເວົ້າວ່າ.

ນາງ ຈໍມະ ບໍ່ພຽງແຕ່ໄດ້ສືບທອດສືມືຂອງລຸ້ນພໍ່ຢ່າງຄົບຖ້ວນເທົ່ານັ້ນ,ກໍໄດ້ຄ່ອຍໆສານຕໍ່ອອກໄປໃຫ້ຄອບຄົວທັງໝົດມີຊີວິດການເປັນຢູ່ທີ່ດີງາມ.ໃນປັດຈຸບັນ, ໂຮງງານຕັດຫຍິບໄດ້ເພີ່ມຂຶ້ນເຖິງ 5 ແຫ່ງ,ລູກໃພ້ຂອງຕົນກໍໄດ້ເລີ່ມຮໍ່າຮຽນນຳລາວ, ຜະລິດຕະພັນຂອງເຂົາເຈົ້າຍິ່ງໄດ້ຮັບຄວາມນິຍົມຈາກປວງຊົນຫຼາຍ.

滇ICP备 09002441号
中华人民共和国国务院新闻办公室 支持指导
云南省人民政府新闻办公室 主办
云南日报报业集团 承办
本网站由云桥网版权所有,未经授权禁止复制或建立镜像
Copyright ©yunnangateway.com All Rights Reserved since 2006