ວັນທີ 20 ມີນານີ້ໃນໂອກາດພົບປະກັບນັກຂ່າວຈີນແລະຕ່າງປະເທດ, ທ່ານຫຼີເຄີ້ສຽງ ນາຍົກລັດຖະມົນຕີຈີນກ່າວວ່າ, ຜົນງານການພັດທະນາເສດຖະກິດສັງຄົມຂອງຈີນໃນ 40 ປີຜ່ານມາທີ່ປະຈັກຕາຕໍ່ຄົນທັງຫຼາຍແມ່ນປາສະຈາກການເປີດປະຕູສູ່ພາຍນອກບໍ່ໄດ້, ປະຊາຊົນຈີນໄດ້ຮັບຜົນປະໂຫຍດຈາກການເປີດປະຕູສູ່ພາຍນອກ, ສະນັ້ນການເປີດປະຕູສູ່ພາຍນອກແມ່ນນະໂຍບາຍພື້ນຖານແຫ່ງລັດຂອງຈີນ, ຈີນຈະສືບຕໍ່ຮັກສາການຄ້າເສລີ, ແລະຈະເປີດປະຕູສູ່ພາຍນອກນັບມືນັບກວ້າງຂວາງກວ່າເກົ່າ.
ທ່ານຫຼີເຄີ້ສຽງ ກ່າວຕື່ມວ່າ, ຈີນຍິນດີສືບຕໍ່ຫຼຸດລະດັບພາສີໂດຍລວມຕໍ່ສິນຄ້ານຳເຂົ້າດ້ວຍທ່າທີເປີດປະຕູກວ້າງກວ່າເກົ່າ. ນອກນີ້, ຈີນຈະເປີດຂະແໜງການຜະລິດຢ່າງຮອບດ້ານ, ແລະລະບົບລາຍຊືທາງລົບດ້ານການລົງທຶນຂອງຕ່າງປະເທດກໍຈະປັບຫຼຸດລົງຕື່ມອີກ.