ທ່ານສີຈິ້ນຜິງພົບປະເຈລະຈາກັບທ່ານກິມເຈິງອຸນ
(ໂດຍຕອບສະໜອງຕາມຄຳເຊີນຂອງທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດ ແຫ່ງ ສປ ຈີນ, ທ່ານກິມເຈິງອຸນ ປະທານຄະນະກຳມະການສູນກາງພັກແຮງງານ ສປປ ເກົາຫຼີ, ປະທານຄະນະກຳມະການລັດຖະກິດ ສປປ ເກົາຫຼີໄດ້ຢ້ຽມຢາມຈີນບໍ່ເປັນທາງການ ແຕ່ວັນທີ 25 ຫາ 28 ມີນານີ້.ກ່ອນພົບປະກັນ, ທ່ານສີຈີ້ນຜິງໄດ້ຈັດພິທີຕ້ອນຮັບທ່ານກິມເຈິງອຸນຢູ່ຫໍສະພາປະຊາຊົນແຫ່ງຊາດຈີນ)
ໂດຍຕອບສະໜອງຕາມຄຳເຊີນຂອງທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດ ແຫ່ງ ສປ ຈີນ, ທ່ານກິມເຈິງອຸນ ປະທານຄະນະກຳມະການສູນກາງພັກແຮງງານ ສປປ ເກົາຫຼີ, ປະທານຄະນະກຳມະການລັດຖະກິດ ສປປ ເກົາຫຼີໄດ້ຢ້ຽມຢາມຈີນບໍ່ເປັນທາງການ ແຕ່ວັນທີ 25 ຫາ 28 ມີນານີ້.
ໃນໄລຍະຢ້ຽມຢາມ, ທ່ານສີຈິ້ນຜິງ ໄດ້ພົບປະເຈລະຈາກັບທ່ານກິມເຈິງອຸນຢູ່ຫໍສະພາປະຊາຊົນແຫ່ງຊາດທີ່ນະຄອນຫຼວງປັກກິ່ງ. ທ່ານສີຈິ້ນຜິງພ້ອມດ້ວຍທ່ານນາງເຜິງລີ້ຢວນ ພັນລະຍາໄດ້ຈັດງານລ້ຽງຕ້ອນຮັບທ່ານກິມເຈິງອຸນພ້ອມທ່ານນນາງລີຊົນຈູພັນລະຍາ ແລະ ຊົມການສະແດງສິລະປະວັນນະຄະດີຮ່ວມກັນ.
ທ່ານຫຼີເຄີ້ສຽງ ກຳມະການປະຈຳກົມການເມືອງສູນກາງພັກກອມມູນິດຈີນ ນາຍົກລັດຖະມົນຕີ ແຫ່ງ ສປ ຈີນ, ທ່ານຫວາງຮູ້ໜິງ ກຳມະການປະຈຳກົມການເມືອງສູນກາງພັກ ເລຂາທິການຄະນະເລຂາສູນກາງພັກ ແລະ ທ່ານຫວາງສີຊານ ຮອງປະທານປະເທດຈີນຕ່າງໄດ້ເຂົ້າຮ່ວມການເຄື່ອນໄຫວທີ່ກ່ຽວຂ້ອງ.
ໃນໄລຍະພົບປະເຈລະຈາ, ທ່ານສີຈິ້ນຜິງໄດ້ຕາງໜ້າສູນກາງພັກກອມມູນິດຈີນສະແດງຄວາມຕ້ອນຮັບຢ່າງອົບອຸ່ນຕໍ່ທ່ານກິມເຈິງອຸນທີ່ໄດ້ມາຢ້ຽມຢາມຈີນເປັນຄັ້ງທຳອິດ ໂດຍກ່າວວ່າ, ຂ້າພະເຈົ້າຂໍສະແດງຄວາມຂອບໃຈຕໍ່ທ່ານທີ່ໄດ້ສົ່ງໂທລະເລກມາຍັງຂ້າພະເຈົ້າ ຫຼັງກອງປະຊຸມໃຫຍ່ຄັ້ງທີ 19 ຂອງພກກອມມູນິດຈີນ ເພື່ອຊົມເຊີຍຂ້າພະເຈົ້າທີ່ໄດ້ຮັບເລືອກຕັ້ງເປັນເລຂາທິການໃຫຍ່ສູນກາງພັກກອມມູນິດຈີນ ແລະ ປະທານຄະນະກຳມະການການທະຫານສູນກາງພັກອີກວາລະໜຶ່ງ ແລະ ຫວ່າງກ່ອນນີ້ບໍ່ດົນກໍໄດ້ສົ່ງໂທລະເລກຊົມເຊີຍໃນເວລາ ທີ່ຂ້າພະເຈົ້າໄດ້ຮັບເລືອກຕັ້ງເປັນປະທານປະເທດ ແຫ່ງ ສປ ຈີນ ແລະ ປະທານຄະນະກຳມະການການທະຫານສູນກາງຈີນ ອີກວາລະໜຶ່ງ. ການທີ່ທ່ານມາຢ້ຽມຢາມຈີນຄັ້ງນີ້ເປັນໂອກາດພິເສດ ແລະ ມີຄວາມໝາຍສຳຄັນ ເຊິ່ງໄດ້ສ່ອງແສງໃຫ້ເຫັນວ່າສະຫາຍ ແລະ ສູນກາງພັກແຮງງານ ສປປ ເກົາຫຼີໄດ້ເອົາໃຈໃສ່ເປັນຢ່າງສູງຕໍ່ການພົວພັນລະຫວ່າງສອງພັກ ແລະ ສອງລັດ ສປ ຈີນ- ສປປ ເກົາຫຼີ, ພວກຂ້າພະເຈົ້າໄດ້ຕີລາຄາສູງຕໍ່ການຢ້ຽມຢາມຄັ້ງນີ້ຢ່າງສຸດອົກສຸດໃຈ.
ທ່ານກິມເຈິງອຸນ ກ່າວວ່າ: ໃນຊຸມປີຜ່ານມາ, ຈີນມີເຫດການສຳຄັນທີ່ເປັນເລື່ອງດີຫຼາຍເທື່ອ ປີຜ່ານມາ, ພັກກອມມູນິດຈີນໄດ້ໄຂກອງປະຊຸມຜູ້ແທນທົ່ວປະເທດຄັ້ງທີ 19 ແລະໄດ້ຮັບຜົນສຳເລັດຢ່າງຈົບງາມ ແລະ ເມື່ອບໍ່ດົນມານີ້ ກໍໄດ້ໄຂກອງປະຊຸມສອງສະພາຢ່າງປະສົບຜົນສຳເລັດ ສະຫາຍສີຈິ້ນຜິງ ກາຍເປັນແກນນຳທີ່ໄດ້ຮັບການສະໜັບສະໜູນຈາກທົ່ວພັກ ແລະ ປະຊາຊົນທົ່ວປະເທດ ທັງໄດ້ຮັບເລືອກຕັ້ງເປັນປະທານປະເທດ, ປະທານຄະນະກຳມະການການທະຫານສູນກາງຈີນອີກວາລະໜຶ່ງ ແລະຕາມມູນເຊື້ອໄມຕີຈິດມິດຕະພາບລະຫວ່າງ ສປປ ເກົາຫຼີ-ຈີນແລ້ວ, ຂ້າພະເຈົ້າຄວນເດີນທາງໄປຈີນເພື່ອສະແດງຄວາມຊົມເຊີຍຕໍ່ທ່ານແບບເຊິ່ງໜ້າ. ປັດຈຸບັນ, ສະຖານະການແຫຼມເກົາຫຼີໄດ້ຄືບໜ້າຢ່າງວ່ອງໄວ ແລະ ມີການປ່ຽນແປງສຳຄັນຢ່າງຫຼວງຫຼາຍ ແລະເມື່ອເວົ້າຈາກນ້ຳໃຈມິດຕະພາບ, ສິນທຳ ແລະຄວາມຍຸດຕິທຳແລ້ວ ຂ້າພະເຈົ້າກໍຄວນແຈ້ງໃຫ້ສະຫາຍເລຂາທິການໃຫຍ່ສີຈິ້ນຜິງ ຊາບແບບເຊິ່ງໜ້າຢ່າງທັນການ.
ທ່ານສີຈິ້ນຜິງ ຊີ້ວ່າ: ໄມຕີຈິດມິດຕະພາບອັນເປັນມູນເຊື້ອລະຫວ່າງຈີນ-ສປປ ເກົາຫຼີ ໄດ້ກໍ່ສ້າງ ແລະ ຕັ້ງໃຈບົ່ມເພາະໂດຍຜູ້ນຳຮຸ່ນກ່ອນຂອງສອງພັກ-ສອງລັດ ແມ່ນຊັບສິນອັນລ້ຳຄ່າຮ່ວມຂອງສອງຝ່າຍ. ໃນສະໄໝນັ້ນ, ຜູ້ນຳຮຸ່ນກ່ອນຂອງພວກເຮົາທີ່ມີອຸດົມຄະຕິຮ່ວມ ແລະມິດຕະພາບປະຕິວັດອັນເລິກເຊິ່ງ ສອງຝ່າຍໄວ້ເນື້ອເຊື່ອໃຈ ແລະສະໜັບສະໜູນເຊິ່ງກັນແລະກັນ ເຊິ່ງໄດ້ຂຽນເລື່ອງທີ່ດີງາມໃນປະຫວັດການພົວພັນສາກົນ ຈາກນັ້ນ, ຜູ້ນຳຫຼາຍຮຸ່ນຂອງສອງປະເທດກໍໄດ້ຮັກສາການໄປມາຫາສູ່ກັນຢ່າງສະໜິດແໜ້ນໂດຍຕະຫຼອດ ເຊິ່ງໄປມາຫາສູ່ກັນເລື້ອຍໆເໝືອນດັ່ງຍາດຕິພີ່ນ້ອງ. ການປະຕິບັດຕົວຈິງທີ່ເປັນໄລຍະຍາວຜ່ານມາ, ສອງພັກແລະສອງລັດ ໄດ້ສະໜັບສະໜູນແລະປະສານສົມທົບກັນ ແລະໄດ້ປະກອບສ່ວນອັນສຳຄັນຕໍ່ການພັດທະນາພາລະກິດສັງຄົມນິຍົມ. ຂ້າພະເຈົ້າ ແລະ ສະຫາຍປະທານຄະນະກຳມະການສູນກາງພັກກິມເຈິງອຸນ ຕ່າງກໍເປັນຜູ້ປະສົບ ແລະ ເປັນພິຍານຕໍ່ການພັດທະນາສາຍພົວພັນລະຫວ່າງສອງປະເທດ. ສອງຝ່າຍພວກເຮົາຕ່າງກໍໄດ້ຢືນຢັນຫຼາຍເທື່ອແລ້ວວ່າ ຈະຕ້ອງສືບທອດໄມຕີຈິດມິດຕະພາບອັນເປັນມູນເຊື້ອລະຫວ່າງສອງປະເທດໃຫ້ຕໍ່ໆກັນໄປ ແລະ ໃຫ້ມີການພັດທະນາດີຍິ່ງຂຶ້ນ ນີ້ເປັນທາງເລືອກດ້ານຍຸດທະສາດຂອງສອງຝ່າຍ ບົນພື້ນຖານປະຫວັດສາດ ແລະ ສະພາບຄວາມເປັນຈິງ ທັງຍຶດໝັ້ນໃນສະຖານະການສາກົນໃນພາກພື້ນ ແລະສະພາບທັງປວງຂອງສາຍພົວພັນລະຫວ່າງສອງປະເທດ ແລະກໍເປັນທາງເລືອກທີ່ຖືກຕ້ອງພຽງໜຶ່ງດຽວ ເຊິ່ງບໍ່ຄວນ ແລະກໍຈະບໍ່ມີການປ່ຽນແປງໄປຕາມເຫດການໃດໜຶ່ງທີ່ເກີດຂຶ້ນຊົ່ວຄາວ.
ທ່ານກິມເຈິງອຸນ ກ່າວວ່າ: ໃນຊຸມປີຜ່ານມາ, ຈີນມີເຫດການສຳຄັນທີ່ເປັນເລື່ອງດີຫຼາຍເທື່ອ. ປີຜ່ານມາ, ພັກກອມມູນິດຈີນໄດ້ໄຂກອງປະຊຸມຜູ້ແທນທົ່ວປະເທດຄັ້ງທີ 19 ແລະໄດ້ຮັບຜົນສຳເລັດຢ່າງຈົບງາມ ແລະ ເມື່ອບໍ່ດົນມານີ້ ກໍໄດ້ໄຂກອງປະຊຸມສອງສະພາຢ່າງປະສົບຜົນສຳເລັດ ສະຫາຍສີຈິ້ນຜິງ ກາຍເປັນແກນນຳທີ່ໄດ້ຮັບການສະໜັບສະໜູນຈາກທົ່ວພັກ ແລະ ປະຊາຊົນທົ່ວປະເທດ ທັງໄດ້ຮັບເລືອກຕັ້ງເປັນປະທານປະເທດ, ປະທານຄະນະກຳມະການການທະຫານສູນກາງຈີນອີກວາລະໜຶ່ງ ແລະຕາມມູນເຊື້ອໄມຕີຈິດມິດຕະພາບລະຫວ່າງ ສປປ ເກົາຫຼີ-ຈີນແລ້ວ, ຂ້າພະເຈົ້າຄວນເດີນທາງໄປຈີນເພື່ອສະແດງຄວາມຊົມເຊີຍຕໍ່ທ່ານແບບເຊິ່ງໜ້າ. ປັດຈຸບັນ, ສະຖານະການແຫຼມເກົາຫຼີໄດ້ຄືບໜ້າຢ່າງວ່ອງໄວ ແລະ ມີການປ່ຽນແປງສຳຄັນຢ່າງຫຼວງຫຼາຍ ແລະເມື່ອເວົ້າຈາກນ້ຳໃຈມິດຕະພາບ, ສິນທຳ ແລະຄວາມຍຸດຕິທຳແລ້ວ ຂ້າພະເຈົ້າກໍຄວນແຈ້ງໃຫ້ສະຫາຍເລຂາທິການໃຫຍ່ສີຈິ້ນຜິງ ຊາບແບບເຊິ່ງໜ້າຢ່າງທັນການ.
ທ່ານສີຈິ້ນຜິງ ຊີ້ວ່າ: ໄມຕີຈິດມິດຕະພາບອັນເປັນມູນເຊື້ອລະຫວ່າງຈີນ-ສປປ ເກົາຫຼີ ໄດ້ກໍ່ຕັ້ງແລະ ຕັ້ງໃຈບົ່ມເພາະໂດຍຜູ້ນຳຮຸ່ນກ່ອນຂອງສອງພັກ-ສອງລັດ ແມ່ນຊັບສິນອັນລ້ຳຄ່າຮ່ວມຂອງສອງຝ່າຍ. ໃນສະໄໝນັ້ນ, ຜູ້ນຳຮຸ່ນກ່ອນຂອງພວກເຮົາທີ່ມີອຸດົມຄະຕິຮ່ວມ ແລະມິດຕະພາບປະຕິວັດອັນເລິກເຊິ່ງ ສອງຝ່າຍໄວ້ເນື້ອເຊື່ອໃຈ ແລະສະໜັບສະໜູນເຊິ່ງກັນແລະກັນ ເຊິ່ງໄດ້ຂຽນເລື່ອງທີ່ດີງາມໃນປະຫວັດການພົວພັນສາກົນ ຈາກນັ້ນ, ຜູ້ນຳຫຼາຍຮຸ່ນຂອງສອງປະເທດກໍໄດ້ຮັກສາການໄປມາຫາສູ່ກັນຢ່າງສະໜິດແໜ້ນໂດຍຕະຫຼອດ ເຊິ່ງໄປມາຫາສູ່ກັນເລື້ອຍໆເໝືອນດັ່ງຍາດຕິພີ່ນ້ອງ. ການປະຕິບັດຕົວຈິງທີ່ເປັນໄລຍະຍາວຜ່ານມາ, ສອງພັກແລະສອງລັດ ໄດ້ສະໜັບສະໜູນແລະປະສານສົມທົບກັນ ແລະໄດ້ປະກອບສ່ວນອັນສຳຄັນຕໍ່ການພັດທະນາພາລະກິດສັງຄົມນິຍົມ. ຂ້າພະເຈົ້າ ແລະ ສະຫາຍປະທານຄະນະກຳມະການສູນກາງພັກກິມເຈິງອຸນ ຕ່າງກໍເປັນຜູ້ປະສົບ ແລະ ເປັນພິຍານຕໍ່ການພັດທະນາສາຍພົວພັນລະຫວ່າງສອງປະເທດ. ສອງຝ່າຍພວກເຮົາຕ່າງກໍໄດ້ຢືນຢັນຫຼາຍເທື່ອແລ້ວວ່າ ຈະຕ້ອງສືບທອດໄມຕີຈິດມິດຕະພາບອັນເປັນມູນເຊື້ອລະຫວ່າງສອງປະເທດໃຫ້ຕໍ່ໆກັນໄປ ແລະ ໃຫ້ມີການພັດທະນາດີຍິ່ງຂຶ້ນ ນີ້ເປັນທາງເລືອກດ້ານຍຸດທະສາດຂອງສອງຝ່າຍ ບົນພື້ນຖານປະຫວັດສາດ ແລະ ສະພາບຄວາມເປັນຈິງ ທັງຍຶດໝັ້ນໃນສະຖານະການສາກົນໃນພາກພື້ນ ແລະສະພາບທັງປວງຂອງສາຍພົວພັນລະຫວ່າງສອງປະເທດ ແລະກໍເປັນທາງເລືອກທີ່ຖືກຕ້ອງພຽງໜຶ່ງດຽວ ເຊິ່ງບໍ່ຄວນ ແລະກໍຈະບໍ່ມີການປ່ຽນແປງໄປຕາມເຫດການໃດໜຶ່ງທີ່ເກີດຂຶ້ນຊົ່ວຄາວ.
ທ່ານສີຈິ້ນຜິງ ກ່າວເນັ້ນວ່າ, ພັກແລະລັດຖະບານຈີນເອົາໃຈໃສ່ຢ່າງສູງຕໍ່ສາຍພົວພັນຮ່ວມມືມິດຕະພາບລະຫວ່າງຈີນ-ສປປ ເກົາຫຼີ, ຮັກສາ, ປັບປຸງແລະຂະຫຍາຍສາຍພົວພັນລະຫວ່າງສອງປະເທດໃຫ້ດີຂຶ້ນແມ່ນທິດທາງທີ່ພັກແລະເສີມລັດຖະບານຈີນປະຕິບັດຢ່າງເດັດດ່ຽວແລະບໍ່ມີການປ່ຽນແປງ. ຈີນຍິນດີຮ່ວມກັບສະຫາຍ ສປປ ເກົາຫຼີ, ບໍ່ລືມອຸດົມການແຕ່ຫົວທີ, ຮ່ວມກັນກ້າວໄປໜ້າ, ຊຸກຍູ້ສາຍພົວພັນຈີນແລະ ສປປ ເກົາຫຼີຂະຫຍາຍຕົວຢ່າງໝັ້ນທ່ຽງແລະປອດໃສເປັນໄລຍະຍາວນານ, ສ້າງຄວາມຜາສຸກໃຫ້ແກ່ສອງປະເທດແລະປະຊາຊົນສອງຊາດ, ປະກອບສ່ວນໃໝ່ເຂົ້າໃນສັນຕິພາບແລະສະຖຽນລະພາບຂອງພາກພື້ນ. ໜຶ່ງ, ສືບຕໍ່ເສີມຂະຫຍາຍບົດບາດນຳພາແລະຊຸກຍູ້ທີ່ສຳຄັນທີ່ສຸດຂອງການໄປມາຫາສູ່ກັນຂອງການນຳ. ການໄປມາຫາສູ່ກັນໃນລະຫວ່າງການນຳຂັ້ນສູງໄດ້ເສີມຂະຫຍາຍບົດບາດນຳພາແລະຊຸກຍູ້ທີ່ສຳຄັນທີ່ສຸດຕະຫຼອດມາໃນການເສີມຂະຫຍາຍສາຍພົວພັນລະຫວ່າງຈີນແລະ ສປປ ເກົາຫຼີ. ພາຍໃຕ້ສະຖານະການໃໝ່, ຂ້າພະເຈົ້າຍິນດີຮັກສາການພົວພັນເປັນປະຈຳດ້ວຍຮູບການຕ່າງໆເຊັ່ນການຢ້ຽມຢາມເຊິ່ງກັນແລະກັນ, ແຕ່ງຕັ້ງທູດພິເສດເຊິ່ງກັນແລະກັນ, ສົ່ງໂທລະເລກແລະຈົດໝາຍເຊິ່ງກັນແລະອື່ນໆ. ສອງ, ນຳໃຊ້ວິທີການແລກປ່ຽນຍຸດທະສາດທີ່ມີມູນເຊື້ອໃຫ້ໄດ້ຮັບປະສິດທິຜົນຫຼາຍທີ່ສຸດ. ແລກປ່ຽນຄວາມເຫັນຢ່າງເລິກເຊິ່ງກ່ຽວກັບບັນຫາສຳຄັນຕ່າງໆເປັນປະຈຳເຊິ່ງເປັນມູນເຊື້ອທີ່ມີກຽດສະຫງ່າຂອງພັກທັງສອງປະເທດ. ຄວນເສີມຂະຫຍາຍບົດບາດສຳຄັນຂອງການໄປມາຫາສູ່ກັນລະຫວ່າງສອງພັກ, ຊຸກຍູ້ການແລກປ່ຽນຮ່ວມມືໃນຂົງເຂດຕ່າງໆ, ແລະເພີ່ມທະວີການແລກປ່ຽນແລະຄວາມໄວ້ເນື້ອເຊື່ອໃຈກັນລະຫວ່າງສອງປະເທດ. ສາມ, ຕັ້ງໜ້າສົ່ງເສີມສັນຕິພາບແລະການພັດທະນາ. ປັດຈຸບັນ, ສັງຄົມນິຍົມທີ່ມີສີສັນພິເສດຂອງຈີນໄດ້ກ້າວເຂົ້າສູ່ຍຸກໃໝ່, ການກໍ່ສ້າງສັງຄົມນິຍົມຂອງ ສປປ ເກົາຫຼີກໍໄດ້ກ້າວເຂົ້າສູ່ໄລຍະປະຫວັດສາດໃໝ່. ຈີນຍິນດີທຳຄວາມພະຍາຍາມຮ່ວມກັບ ສປປ ເກົາຫຼີ, ກ້າວໜ້າໄປຕາມຍຸກສະໄໝ, ຊູຄັນທຸງສັນຕິພາບ, ການພັດທະນາ, ການຮ່ວມມືແລະຕ່າງຝ່າຍຕ່າງມີຜົນປະໂຫຍດ, ເພີ່ມຄວາມຜາສຸກໃຫ້ແກ່ປະຊາຊົນທັງສອງປະເທດໃຫ້ຫຼາຍຂຶ້ນຢ່າງບໍ່ຢຸດຢັ້ງ, ປະກອບສ່ວນອັນຕັ້ງໜ້າໃຫ້ແກ່ສັນຕິພາບ, ສະຖຽນລະພາບແລະການພັດທະນາຂອງພາກພື້ນ. ສີ່, ຮັດແໜ້ນພື້ນຖານປະຊາຊົນມະຕິຂອງມິດຕະພາບສອງປະເທດໃຫ້. ສອງຝ່າຍຄວນເພີ່ມທະວີແລກປ່ຽນແລະການໄປມາຫາສູ່ກັນລະຫວ່າງປະຊາຊົນສອງປະເທດດ້ວຍຮູບການຕ່າງໆ, ປັບປຸງພື້ນຖານປະຊາຊົນມະຕິຂອງມິດຕະພາບສອງປະເທດໃຫ້ໝັ້ນທ່ຽງ, ໂດຍສະເພາະແມ່ນເພີ່ມທະວີການແລກປ່ຽນລະຫວ່າງຊາວໜຸ່ມຂອງສອງປະເທດ, ສືບທອດແລະເສີມຂະຫຍາຍມິດຕະພາບລະຫວ່າງຈີນ-ສປປ ເກົາຫຼີທີ່ມີມູນເຊື້ອດີງາມໃຫ້ແຕກດອກອອກຜົນຍິ່ງໆຂຶ້ນ.
ທ່ານກິມເຈິງອຸນກ່າວວ່າ, ເລຂາທິການໃຫຍ່ສີຈິ້ນຜິງໄດ້ປະກອບຄຳເຫັນທີ່ສຳຄັນກ່ຽວກັບມິດຕະພາບລະຫວ່າງສປປເກົາຫຼີ ກັບຈີນ ແລະການຂະຫຍາຍສາຍພົວພັນລະຫວ່າງສອງພັກ ສອງລັດຂອງສປປເກົາຫຼີ ກັບຈີນ, ເຮັດໃຫ້ຂ້າພະເຈົ້າຮູ້ສຶກມີກຳລັງໃຈ ແລະແຮງບັນດານໃຈຢ່າງຫຼວງຫຼາຍ. ມິດຕະພາບສອງປະເທດທີ່ຜູ້ນຳຮຸ່ນເກົ່າສອງຝ່າຍຮ່ວມກັນບຳລຸງກໍ່ສ້າງຂຶ້ນນັ້ນແມ່ນບໍ່ມີສິ່ງໃດສາມາດມາກະທົບໄດ້. ການສືບທອດ ແລະເສີມຂະຫຍາຍມິດຕະພາບລະຫວ່າງສປປເກົາຫຼີກັບຈີນພາຍໃຕ້ສະຖານະການໃໝ່, ເປັນທາງເລືອກຍຸດທະສາດຂອງສປປເກົາຫຼີ, ຈະບໍ່ມີການປ່ຽນແປງພາຍໃຕ້ສະພາບການໃດໆ. ຂ້າພະເຈົ້າມາຢ້ຽມຢາມຄັ້ງນີ້, ຫວັງວ່າການພົບປະກັບສະຫາຍຈີນຈະເພີ່ມທະວີການແລກປ່ຽນດ້ານຍຸດທະສາດ, ແລະເພີ່ມພູມຄູນສ້າງມິດຕະພາບອັນເປັນມູນເຊື້ອ. ຫວັງວ່າໃນຕໍ່ໜ້ານີ້ຈະມີໂອກາດພົບປະກັບສະຫາຍເລຂາທິການໃຫຍ່ເລື້ອຍໆ, ແລະຮັກສາການແລກປ່ຽນຢ່າງໃກ້ຊິດ ໂດຍການສົ່ງທູດພິເສດ, ສົ່ງຈົດໝາຍຫາກັນແລະຮູບການອື່ນໆ, ເພື່ອເສີມຂະຫຍາຍບົດບາດນຳພາຂອງການພົບປະລະຫວ່າງການນຳຂັ້ນສູງຕໍ່ສາຍພົວພັນສອງພັກສອງລັດນັ້ນຂຶ້ນສູ່ລະດັບໃໝ່.ສອງຝ່າຍໄດ້ແຈ້ງສະພາບການພາຍໃນປະເທດຂອງຕົນໃຫ້ກັນຊາບ. ທ່ານສີຈິ້ນຜິງກ່າວວ່າ, ກອງປະຊຸມໃຫຍ່ຄັ້ງທີ 19 ຂອງພັກກອມມູນິດຈີນໄດ້ກຳນົດແຜນແມ່ບົດອັນຍິ່ງໃຫຍ່ທີ່ສ້າງສາປະເທດສັງຄົມນິຍົມທັນສະໄໝທີ່ເຂັ້ມແຂງຢ່າງຮອບດ້ານ, ຮອດປີ 2020 ຈະສ້າງສັງຄົມອິ່ມໜຳສຳລານໃຫ້ສຳເລັດຢ່າງຮອບດ້ານ, ຮອດປີ 2035 ຈະບັນລຸສັງຄົມນິຍົມທັນສະໄໝໂດຍພື້ນຖານ, ຮອດກາງສະຕະວັດນີ້ຈະສ້າງປະເທດຈີນໃຫ້ເປັນປະເທດດສັງຄົມນິຍົມທັນສະໄໝເຂັ້ມແຂງທີ່ຮັ່ງມີ ປະຊາທິປະໄຕ ສິວິໄລ ກົມກຽວປອງດອງ ແລະສວຍງາມ. ພັກເຮົາຈະນຳພາປະຊາຊົນບັນດາເຜົ່າທົ່ວປະເທດບາກບັ່ນສູ້ຊົນຢ່າງກ້າຫານ, ແລະເຮັດວຽກຢ່າງດຸໝັ່ນ, ສືບຕໍ່ພະຍາຍາມສູ້ຊົນເພື່ອບັນລຸຄວາມຝັນຈີນທີ່ຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນ. ພວກຂ້າພະເຈົ້າສັງເກດເຫັນວ່າ, ໃນຊຸມປີມໍ່ໆມານີ້, ສະຫາຍປະທານໄດ້ນຳພາພັກ ແລະປະຊາຊົນສປປເກົາຫຼີ, ນຳໃຊ້ມາດຕະການທີ່ຕັ້ງໜ້າຕ່າງໆໃນການພັດທະນາເສດຖະກິດ ແລະປັບປຸງຊີວິດການເປັນຢູ່ຂອງປະຊາຊົນ, ແລະໄດ້ຮັບໝາກຜົນຢ່າງຫຼວງຫຼາຍ. ພວກຂ້າພະເຈົ້າຫວັງວ່າສປປເກົາຫຼີມີຄວາມໝັ້ນຄົງດ້ານການເມືອງ, ເສດຖະກິດພັດທະນາ, ປະຊາຊົນມີຄວາມຜາສຸກ, ສະໜັບສະໜູນພັກແຮງງານເກົາຫຼີທີ່ມີສະຫາຍເປັນປະທານນັ້ນນຳພາປະຊາຊົນສປປເກົາຫຼີກ້າວໄປໜ້າຢ່າງບໍ່ຢຸດຢັ້ງຕາມເສັ້ນທາງສັງຄົມນິຍົມ, ທັງສະໜັບສະໜູນຄວາມພະຍາຍາມຂອງສະຫາຍສປປເກົາຫຼີເພື່ອພັດທະນາເສດຖະກິດ ແລະປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນເທື່ອລະກ້າວ.
ທ່ານກິມເຈິງອຸນກ່າວວ່າ, ນັບແຕ່ໄດ້ໄຂກອງປະຊຸມໃຫຍ່ຄັ້ງທີ 18 ຂອງພັກກອມມູນິດຈີນເປັນຕົ້ນມາ, ສູນກາງພັກກອມມູນິດຈີນທີ່ມີສະຫາຍສີຈິ້ນຜິງເປັນແກນນຳນັ້ນໄດ້ເສີມຂະຫຍາຍຄວາມອາດຫານດ້ານການເມືອງຢ່າງມະຫາສານແລະມີທ່າທີຮັບຜິດຊອບຢ່າງສູງ, ໄດ້ສະເໜີແນວຄິດໃໝ່ ແລະທັດສະນະໃໝ່ອອກມາ ທັງໄດ້ຜັນຂະຫຍາຍຕົວຈິງ, ອັນໄດ້ແກ້ໄຂບັນຫາຍາກ ແລະບັນຫາໃຫຍ່ຈຳນວນຫຼວງຫຼາຍທີ່ຊຳເຮື້ອມາເປັນເວລາດົນນານ, ໄດ້ຢັ້ງຢັນຢ່າງເຕັມສ່ວນວ່າເສັ້ນທາງຂອງພັກຈີນແມ່ນເສັ້ນທາງຖືກຕ້ອງທີ່ສອດຄ່ອງກັບສະພາບຕົວຈິງແຫ່ງຊາດຈີນ, ໂດຍສະເພາະແມ່ນສະຫາຍເລຂາທິການໃຫຍ່ໄດ້ສະເໜີອອກວ່າຕ້ອງຄຸ້ມຄອງພັກ, ແລະຄຸ້ມຄອງຢ່າງເຂັ້ມງວດຮອບດ້ານ, ອັນໄດ້ເພີ່ມທະວີການກໍ່ສ້າງພັກຢ່າງແຂງແຮງ, ບັນລຸໃຫ້ພັກນຳພາວຽກງານທຸກດ້ານຢ່າງຮອບດ້ານ. ໃນສະເພາະໜ້ານີ້ ພັກພວກເຮົາກໍພວມເພີ່ມທະວີການຕໍ່ສູ້ກັບການກະທຳທີ່ອວດອິດທິພົນ ອາດຍະສິດ ແລະສໍ້ລາດບັງຫຼວງເຊັ່ນກັນ. ຂໍອວຍພອນຢ່າງຈິງໃຈໃຫ້ຈີນໄດ້ຮັບຜົນສຳເລັດຍິ່ງໃຫຍ່ອັນໃໝ່ເລື້ອຍໆໃນການສ້າງສັງຄົມທີ່ອີ່ມໜຳສຳລານໃຫ້ສຳເລັດຢ່າງຮອບດ້ານແລະສ້າງສ້າປະເທດສັງຄົມນິຍົມທັນສະໄໝທີ່ເຂັ້ມແຂງ.
ການນຳສອງຝ່າຍຍັງໄດ້ແລກປ່ຽນຄຳເຫັນຢ່າງເລິກເຊິ່ງກ່ຽວກັບສະຖານະການສາກົນແລະສະຖານະການແຫຼມເກົາຫຼີ.
ທ່ານສີຈິ້ນຜິງຊີ້ອອກວ່າ, ແຕ່ປີນີ້ເປັນຕົ້ນມາ, ສະຖານະການແຫຼມເກົາຫຼີ່ໄດ້ເກີດມີການປ່ຽນແປງຢ່າງຕັ້ງໜ້າ. ສປປ ເກົາຫຼີໄດ້ທຳຄວາມພະຍະຍາມຢ່າງສຳຄັນ, ພວກຂ້າພະເຈົ້າຂໍສະແດງຄວາມຊົມເຊີຍ. ກ່ຽວກັບບັນຫາແຫຼມເກົາຫຼີ, ພວກຂ້າພະເຈົ້າຍຶດໝັ້ນເພື່ອໃຫ້ບັນລຸເປົ້າໝາຍປອດນິວເຄລຍ, ຮັກສາສັນຕິພາບແລະສະຖຽນລະພາບຂອງແຫຼມເກົາຫຼີ, ແກ້ໄຂບັນຫາດ້ວຍການປຶກສາຫາລືກັນ. ພວກຂ້າພະເຈົ້າຮຽກຮ້ອງໃຫ້ທຸກຝ່າຍຈົ່ງສະໜັບສະໜຸນໃຫ້ສອງຝ່າຍເໜືອໃຕ້ຢູ່ແຫຼມເກົາຫຼີປັບປຸງການພົວພັນໃຫ້ດີຂຶ້ນ, ທຳຄວາມພະຍາຍາມຢ່າງແທ້ຈິງໃນການຊຸກຍູ້ການເຈລະຈາສັນຕິພາບ. ຈີນຍິນດີສືບຕໍ່ເສີມຂະຫຍາຍບົດບາດທີ່ມີລັກສະນະສ້າງສັນໃນບັນຫາແຫຼມເກົາຫຼີ, ຮ່ວມມືກັບຝ່າຍຕ່າງໆ ເຊິ່ງລວມທັງ ສປປ ເກົາຫຼີທຳຄວາມພະຍາຍາມ ເພື່ອຮ່ວມກັນຊຸກຍູ້ໃຫ້ສະຖານະການແຫຼມເກົາຫຼີຜ່ອນຄາຍລົງ.ທ່ານກິມເຈິງອຸນກ່າວວ່າ, ປັດຈຸບັນ ສະຖານະການແຫຼມເກົາຫຼີໄດ້ຂະຫຍາຍຕົວໄປທາງດີ. ພວກຂ້າພະເຈົ້າໄດ້ເປັນເຈົ້າການໃຊ້ມາດຕະຖານເພື່ອຜ່ອນຄາຍສະຖານະການທີ່ເຄັ່ງຕຶງ, ແລະໄດ້ສະເໜີໃຫ້ຈັດການສົນທະນາສັນຕິພາບ. ການສຸມໃສ່ການບັນລຸໃຫ້ແຫຼມເກົາຫຼີປອດນິວເຄລຍ ໂດຍອີງຕາມຄຳສັ່ງສອນຂອງທ່ານປະທານກິມອິນຊຸງ ແລະທ່ານເລຂາທິການໃຫຍ່ກິມເຈິງອິນ ແມ່ນຫຼັກໝັ້ນຂອງພວກຂ້າພະເຈົ້າທີ່ບໍ່ມີການປ່ຽນແປງຕະຫຼອດໄປ.ພວກຂ້າພະເຈົ້າຕັດສິນໃຈຫັນປ່ຽນການພົວພັນເໜືອໃຕ້ໃຫ້ເປັນການພົວພັນທີ່ປອງດອງແລະຮ່ວມມືກັນ, ຈັດການພົບປະ ສຸດຍອດລະຫວ່າງເໜືອໃຕ້, ຍິນດີສົນທະນາກັບອາເມລິກາ, ແລະຈັດການພົບປະສຸດຍອດລະຫວ່າງ ສປປ ເກົາຫຼີ-ອາເມລິກາ. ຖ້າວ່າ ເກົາຫຼີໃຕ້ ແລະອາເມລິຕອບຮັບຄວາມພະຍາຍາມຂອງພວກຂ້າພະເຈົ້າາດ້ວຍເຈດຕະນາດີ, ສ້າງບັນຍາກາດທີ່ມີສັນຕິພາບແລະສະຖຽນລະພາບ, ໃຊ້ມາດຕະການທີ່ມີລັກສະນະເປັນຂັ້ນຕອນແລະຢູ່ໃນຈັງຫວະດຽວກັນເພື່ອບັນລຸສັນຕິພາບ, ບັນຫາປອດນິວເຄລຍຂອງແຫຼມເກົາຫຼີແມ່ນສາມາດແກ້ໄຂໄດ້ ເຊິ່ງຢູ່ໃນຕະຫຼອດຂະບວນນີ້ ພວກຂ້າພະເຈົ້າຫວັງຈະເພີ່ມທະວີການແລກປ່ຽນດ້ານຍຸດທະສາດກັບຈີນ, ຮ່ວມກັນປົກປັກຮັກສາທ່ວງທ່າທີ່ຈະຈັດການປຶກສາຫາລືກັນ ຮັກສາສັນຕິພາບແລະສະຖຽນລະພາບຂອງແຫຼມເກົາຫຼີ.
ກ່ອນການພົບປະເຈລະຈາ, ທ່ານ ສີຈິ້ນຜິງ ໄດ້ຈັດພິທີເພື່ອເປັນກຽດໃຫ້ແກ່ທ່ານ ກິມເຈິງອຸນ ຢູ່ຫໍສະພາປະຊາຊົນ.
ຫຼັງການພົບປະເຈລະຈາ, ທ່ານ ສີຈິ້ນຜິງ ພ້ອມດ້ວຍທ່ານນາງ ເພີງລີ້ຢ໊ວນ ພັນລະຍາ ໄດ້ຈັດງານລ້ຽງຕ້ອນຮັບທ່ານ ກິມເຈິງອຸນ ພ້ອມດ້ວຍທ່ານນາງ ລີຊົນຈູ ພັນລະຍາຂອງທ່ານ. ທ່ານ ສີຈິ້ນຜິງ ກ່າວປາໄສໃນງານລ້ຽງດັ່ງກ່າວວ່າ, ເນື່ອງໃນວາລະດິຖີອັນສວຍງາມທີ່ລະດູບານໃໝ່ກັບຄືນມາຮອດ ແລະທຸກສິ່ງທຸກຢ່າງຟື້ນຟູຄວາມມີຊີວິດຊີວານີ້, ສະຫາຍ ກິມເຈິງອຸນ ພ້ອມດ້ວຍທ່ານນາງ ລີຊົນຈູ ໄດ້ມາຢ້ຽມຢາມຈີນຢ່າງບໍ່ເປັນທາງການ, ເຊິ່ງມີຄວາມໝາຍສຳຄັນທີ່ສຸດຕໍ່ສອງຝ່າຍໃນການລົງເລິກການແລກປ່ຽນກັນ, ເພີ່ມທະວີການປະສານງານກັນ ແລະຊຸກຍູ້ການຮ່ວມມືກັນ, ແລະຈະຊຸກຍູ້ສາຍພົວພັນລະຫວ່າງສອງພັກສອງລັດໃຫ້ກ້າວຂຶ້ນສູ່ລະດັບໃໝ່ໃນຍຸກປະຫວັດສາດໃໝ່, ທັງປະກອບສ່ວນອັນສຳຄັນເພື່ອຊຸກຍູ້ສັນຕິພາບ, ສະຖຽນລະພາບ ແລະການພັດທະນາຂອງພາກພື້ນຕົນ. ເມື່ອກີ້ນີ້, ຂ້າພະເຈົ້າໄດ້ພົບປະເຈລະຈາກັບທ່ານປະທານ ກິມເຈິງອຸນ ຢ່າງກົງໄປກົງມາແລະມີໄມຕີຈິດ. ພວກຂ້າພະເຈົ້າມີຄວາມເຫັນເປັນເອກະພາບກັນວ່າ, ການສືບທອດແລະເສີມຂະຫຍາຍມິດຕະພາບອັນເປັນມູນເຊື້ອລະຫວ່າງຈີນ-ສປປເກົາຫຼີນັ້ນ ສອດຄ່ອງກັບຜົນປະໂຫຍດຮ່ວມຂອງສອງຝ່າຍ ແລະແມ່ນທາງເລືອກ ຍຸດທະສາດຮ່ວມກັນຂອງສອງຝ່າຍ. ບໍ່ວ່າສະຖານະການສາກົນແລະພາກພື້ນຈະປ່ຽນແປງແນວໃດກໍຕາມ, ສອງຝ່າຍພວກເຮົາລ້ວນແຕ່ຈະກຳແໜ້ນສະຖານະການລວມແຫ່ງການພັດທະນາຂອງໂລກ ແລະສະພາບລວມຂອງການພົວພັນຈີນ-ສປປເກົາຫຼີ, ເພີ່ມທະວີການໄປມາຫາສູ່ກັນລະຫວ່າງການນຳຂັ້ນສູງ, ລົງເລິກການແລກປ່ຽນທາງຍຸດທະສາດ, ເປີດກວ້າງການຮ່ວມມືກັນ, ສ້າງຄວາມສຸກໃຫ້ແກ່ປະຊາຊົນສອງຊາດແລະບັນດາປະເທດ.
ທ່ານ ກິມເຈິງອຸນ ກ່າວປາໄສວ່າ, ພາຍໃຕ້ສະພາບການທີ່ສະຖານະການແຫຼມເກົາຫຼີເກີດມີການປ່ຽນແປງຢ່າງໃຫຍ່ຫຼວງ, ຂ້າພະເຈົ້າໄດ້ຢ້ຽມຢາມຈີນເປັນເວລາສັ້ນໂດຍອີງຕາມຄວາມປາຖະໜາອັນດີງາມໃນການຊຸກຍູ້ສັນຕິພາບ, ສະຖຽນລະພາບຂອງແຫຼມເກົາຫຼີ, ສືບທອດແລະຂະຫຍາຍມິດຕະພາບລະຫວ່າງສປປເກົາຫຼີ-ຈີນ. ຂ້າພະເຈົ້າຢ້ຽມຢາມຕ່າງປະເທດເທື່ອທຳອິດ ກໍໄດ້ຢ້ຽມຢາມຈີນ ເຊິ່ງໄດ້ສະແດງໃຫ້ເຫັນເຖິງຈິດໃຈຂອງຂ້າພະເຈົ້າໃນການສືບທອດມິດຕະພາບອັນເປັນມູນເຊື້ອລະຫວ່າງສປປເກົາຫຼີ-ຈີນ ທັງທະນຸຖະໜອມມິດຕະພາບສປປເກົາຫຼີ-ຈີນ. ຂ້າພະເຈົ້າໄດ້ພົບປະເຈລະຈາກັບທ່ານເລຂາທິການໃຫຍ່ ສີຈິ້ນຜິງ ກ່ຽວກັບການເສີມຂະຫຍາຍການພົວພັນສອງພັກສອງລັດສປປເກົາຫຼີ-ຈີນ, ສະຖານະການຂອງແຕ່ລະປະເທດ, ການປົກປັກຮັກສາສັນຕິພາບແລະສະຖຽນລະພາບຂອງແຫຼມເກົາຫຼີ ແລະບັນຫາອື່ນໆ. ຂ້າພະເຈົ້າເຊື່ອໝັ້ນວ່າ, ການພົບປະກັບທ່ານເລຂາທິການໃຫຍ່ ສີຈິ້ນຜິງ ເປັນຄັ້ງທຳອິດໃນລະດູບານໃໝ່ທີ່ເຕັມໄປດ້ວຍຄວາມເບີກບານມ່ວນຊື່ນແລະຄວາມຫວັງນັ້ນ ຈະໄດ້ຮັບໝາກຜົນອັນອຸດົມສົມບູນແຫ່ງມິດຕະພາບສປປເກົາຫຼີ-ຈີນ ແລະຊຸກຍູ້ສັນຕິພາບແລະສະຖຽນລະພາບຂອງແຫຼມເກົາຫຼີຢ່າງແນ່ນອນ.
ໃນໄລຍະຢ້ຽມຢາມ, ທ່ານ ສີຈິ້ນຜິງ ກັບ ທ່ານນາງ ເຜິງລີ້ຢວນ ພັນລະຍາ ຍັງໄດ້ຈັດງານລ້ຽງອາຫານທ່ຽງ ເພື່ອເປັນກຽດໃຫ້ທ່ານກິມເຈິງອຸນ ພ້ອມ ທ່ານນາງ ລີຊົນຈູ ພັນລະຍາທີ່ຫໍຢຽງຢວນຈ່າຍ ຫໍຮັບແຂກເມືອງຕ້ຽວຢີທາຍ. ທ່ານສີຈິ້ນຜິງກ່າວວ່າ, ຫໍຮັບແຂກເມືອງຕ້ຽວຢີທາຍ ໄດ້ເປັນສັກຂີພິຍານໃຫ້ແກ່ການຂະຫຍາຍຕົວແຫ່ງມິດຕະພາບທີ່ມີມູນເຊື້ອລະຫວ່າງ ຈີນ ກັບ ສປປ ເກົາຫຼີ, ການພົວພັນສະໜິດສະໜົມກັນລະຫວ່າງຜູ້ນຳສອງພັກສອງລັດຮຸ່ນເກົ່າໄດ້ເປັນແບບຢ່າງໃຫ້ແກ່ພວກເຮົາ. ພວກຂ້າພະເຈົ້າຍິນດີຕ້ອນຮັບ ປະທານທ່ານກິມເຈິງອຸນ ກັບທ່ານນາງ ລີຊົນຈູ ມາຢ້ຽມຢາມຈີນເລື້ອຍໆ.
ທ່ານ ກິມເຈິງອຸນ ກ່າວວ່າ, ມິດຕະພາບລະຫວ່າງ ສປປ ເກົາຫຼີ ກັບ ຈີນ ລ້ຳຄ່າຫຼາຍ. ຂ້າພະເຈົ້າຍິນດີຮ່ວມກັນກັບສະຫາຍເລຂາທິການໃຫຍ່ ສີຈິ້ນຜິງ, ເຄົາລົບແລະປະຕິບັດຕາມແນວຄິດສູງສົ່ງຂອງຜູ້ນຳຮຸ່ນເກົ່າ, ສືບທອດແລະພັດທະນາການພົວພັນມິດຕະພາບລະຫວ່າງ ສປປ ເກົາຫຼີ ກັບຈີນ ທີ່ໄດ້ຜ່ານຜ່າຟ້າຝົນລົມແຮງ ແຕ່ຍັງໄດ້ຮັກສາທາດແທ້ຄືເກົ່າ, ແລະໄດ້ຂະຫຍາຍຕົວຮອດລະດັບສູງໃໝ່ພາຍໃຕ້ສະຖານະການໃໝ່.
ໂອກາດນີ້, ທ່ານກິມເຈິງອຸນ ໄດ້ຊົມງານວາງສະແດງ ໝາກຜົນປະດິດສ້າງໃໝ່ຂອງສະຖາບັນວິທະຍາສາດຈີນນັບແຕ່ກອງປະຊຸມໃຫຍ່ຄັ້ງທີ 18 ຂອງພັກກອມມູນິດຈີນເປັນຕົ້ນມາ ທີ່ມີຫົວຂໍ້ວ່າ "ເຄື່ອນໄຫວກ່ອນໝູ່ ບຸກບືນກ້າວໄປໜ້າ". ທ່ານໄດ້ສະແດງຄວາມເຄົາລົບນັບຖືຕໍ່ໝາກຜົນທີ່ຈີນໄດ້ຮັບໃນການພັດທະນາວິທະຍາສາດເຕັກນິກແລະການປະດິດສ້າງໃໝ່, ແລະໄດ້ຂຽນຄວາມເຫັນໃຫ້ງານວາງສະແດງຫຼັງການຊົມເພື່ອໄວ້ເປັນທີ່ລະລຶກ.
ໂດຍທ່ານ ຕິ່ງຊຸ່ຍຊຽງ ກຳມະການກົມການເມືອງສູນກາງພັກກອມມູນິດຈີນ, ເລຂາທິການຄະນະເລຂາສູນກາງພັກກອມມູນິດຈີນ,ຫົວໜ້າຫ້ອງການສູນກາງພັກກອມມູນິດຈີນ, ທ່ານ ຢາງເຈສື ກຳມະການກົມການເມືອງສູນກາງພັກກອມມູນິດຈີນ, ທ່ານ ໂກ່ເຊິ່ງຄຸ່ນ ກຳມະການກົມການເມືອງສູນກາງພັກກອມມູນິດຈີນ,ເລຂາທິການຄະນະເລຂາສູນກາງພັກກອມມູນິດຈີນ,ເລຂາຄະນະກຳມະການກົດໝາຍແລະການເມືອງສູນກາງພັກກອມມູນິດຈີນ, ທ່ານ ຫວງຄຸ່ນມິງ ກຳມະການກົມການເມືອງສູນກາງພັກອມມູນິດຈີນ, ເລຂາທິການຄະນະເລຂາສູນກາງພັກ,ຫົວໜ້າຄະນະໂຄສະນາອົບຮົມສູນກາງພັກກອມມູນິດຈີນ, ທ່ານ ໄຊ້ຊີ ກຳມະການກົມການເມືອງສູນກາງພັກກອມມູນິດຈີນ,ເລຂາພັກນະຄອນຫຼວງປັກກິ່ງ, ທ່ານ ວາງຢີ້ ທີ່ປຶກສາແຫ່ງລັດຈີນ, ລັດຖະມົນຕີກະຊວງການຕ່າງປະເທດຈີນແລະຜູ້ນຳທ່ານອື່ນໆໄດ້ເຂົ້າຮ່ວມກິດຈະກຳທີ່ກ່ຽວຂ້ອງ.ທ່ານ ໂຈຢົງແຮ ຮອງປະທານຄະນະກຳມະການສູນກາງພັກແຮງງານ ສປປ ເກົາຫຼີ ຫົວໜ້າຄະນະຈັດຕັ້ງແລະຊີ້ນຳສູນກາງພັກແຮງງານ ສປປ ເກົາຫຼີ, ທ່ານ ປັກກວາງໂຮ ຮອງປະທານຄະນະກຳມະການສູນກາງພັກແຮງງານ ສປປ ເກົາຫຼີ, ຫົວໜ້າຄະນະໂຄສະນາລະດົມສູນກາງພັກແຮງງານ ສປປ ເກົາຫຼີ , ທ່ານ ລີຊູຢົງ ຮອງປະທານຄະນະກຳມະການສູນກາງພັກແຮງງານ ສປປ ເກົາຫຼີ, ຫົວໜ້າຄະນະວຽກງານສາກົນສູນກາງພັກແຮງງານ ສປປ ເກົາຫຼີ , ທ່ານ ກິມຢົງໂຈນ ຮອງປະທານຄະນະກຳມະການສູນກາງພັກແຮງງານ ສປປ ເກົາຫຼີ, ປະທານແນວໂຮມສູນກາງພັກແຮງງານ ສປປ ເກົາຫຼີ, ທ່ານ ລີຢົງໂຮ ລັດຖະມົນຕີກະຊວງການຕ່າງປະເທດ ສປປ ເກົາຫຼີ ແລະຜູ້ນຳທ່ານອື່ນໄດ້ຢ້ຽມຢາມແລະເຂົ້າຮ່ວມກິດຈະກຳທີ່ກ່ຽວຂ້ອງພາຍໃຕ້ການນຳພາຂອງທ່ານ ກິມເຈິງອຸນ.
(ໂດຍຕອບສະໜອງຕາມຄຳເຊີນຂອງທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດ ແຫ່ງ ສປ ຈີນ, ທ່ານກິມເຈິງອຸນ ປະທານຄະນະກຳມະການສູນກາງພັກແຮງງານ ສປປ ເກົາຫຼີ, ປະທານຄະນະກຳມະການລັດຖະກິດ ສປປ ເກົາຫຼີໄດ້ຢ້ຽມຢາມຈີນບໍ່ເປັນທາງການ ແຕ່ວັນທີ 25 ຫາ 28 ມີນານີ້.ທ່ານສີຈິ້ນຜິງພ້ອມພັນລະຍາຖ່າຍຮູບຮ່ວມກັນກັບທ່ານກິມເຈິງອຸນພ້ອມພັນລະຍາ.)
(ໂດຍຕອບສະໜອງຕາມຄຳເຊີນຂອງທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດ ແຫ່ງ ສປ ຈີນ, ທ່ານກິມເຈິງອຸນ ປະທານຄະນະກຳມະການສູນກາງພັກແຮງງານ ສປປ ເກົາຫຼີ, ປະທານຄະນະກຳມະການລັດຖະກິດ ສປປ ເກົາຫຼີໄດ້ຢ້ຽມຢາມຈີນບໍ່ເປັນທາງການ ແຕ່ວັນທີ 25 ຫາ 28 ມີນານີ້.ທ່ານສີຈິ້ນຜິງເຈລະຈາກັບທ່ານກິມເຈິງອຸນຢູ່ຫໍສະພາປະຊາຊົນແຫ່ງຊາດຈີນ.)