ສວນສາທິດດອກໄມ້ຂອງແຂວງຢຸນນານສ້າງສະພາບແວດລ້ອມທີ່ດີເພື່ອດຶງດູດນັກລົງທຶນ

　　ຮູບພາບດັ່ງກ່າວແມ່ນເຂດສວນທີ່ເປັນຖານການຜະລິດດອກໄມ້ຂອງບໍລິສັດສວນດອກໄມ້ ຫົງຈືຮວາຂອງເມືອງຄຸນໝິງ.

　　ສວນສາທິດດອກໄມ້ຂອງແຂວງຢຸນນານເປັນສວນສາທິດທີ່ມີເຕັກນິກສູງໃນຂະແຫນງກະສິກຳທັນສະໄໝ, ທີ່ຖືເອົາການປູກດ້ວຍເຕັກນິກວິທະຍາສາດ, ການບົ່ມເພາະພືດ, ການປູກຝັງທີ່ບໍ່ຕ້ອງໃຊ້ດິນແລະການນຳໃຊ້ເຕັກນິກໃໝ່ອື່ນໆເປັນຕົວນຳພາ. ໂດຍການເອົາເມັດ, ເບ້ຍຕົ້ນໄມ້ແລະແກ່ນເປັນຫລັກ, ມີການນຳເອົາດອກໄມ້ຕັດສົດ, ດອກໄມ້ທີ່ປູກຢູ່ໃນໂຖ, ດອກໄມ້ແຫ້ງ, ຜັກອິນຊີ, ເຫັດທີ່ກິນໄດ້ແລະການຜະລິດອື່ນໆມາເພີ່ມເຕີມໃນສວນສາທິດ. ສວນນີ້ພະຍາຍາມກໍ່ສ້າງສະພາບແວດລ້ອມທີ່ດີເພື່ອດຶງດູດນັກລົງທຶນ，ມາເຖິງປັດຈຸບັນໄດ້ມີບໍລິສັດບໍເອີຂອງອາເມລິກາ, ອ່ານຈູຂອງໂຮນລັງ, ໄຮເສິງຂອງອັງກິດແລະວິສາຫະກິດອື່ນໆຈຳນວນທັງໝົດ63ແຫ່ງທັງພາຍໃນແລະຕ່າງປະເທດໄດ້ເຂົ້າມາຈັດຕັ້ງບໍລິສັດຂອງຕົນຢູ່ທີ່ນີ້ແລ້ວ. ໃນນັ້ນ,ມີວິສາຫະກິດທຶນຕ່າງປະເທດ12ແຫ່ງ，ຜົນຜະລິດດອກໄມ້ຕັດສົດໃນປີມີຈຳນວນ640ລ້ານຕົ້ນ，ດອກໄມ້ປູກໃນໂຖ 10ລ້ານໂຖຕໍ່ປີ，ຍອດມູນຄ່າຜະລິດຕະພັນ815ລ້ານຢວນ，ມູນຄ່າສົ່ງອອກ 45ລ້ານໂດລາຕໍ່ປີ，ໄດ້ສ້າງອາຊີບໃຫ້ໃຫ້ປະຊາຊົນເຂດອ້ອມຂ້າງປະມານ8000ຄົນ，ລາຍຮັບປະຈຳປີຂອງກະສິກອນ 200ລ້ານຢວນ.ດອກໄມ້ແລະຜັກອິນຊີຂອງສວນສາທິດນີ້ໄດ້ສົ່ງອອກໄປຈຳໜ່າຍເຖິງຕ່າງປະເທດແລະທ້ອງຖິ່ນຕ່າງໆກວ່າ10ປະເທດ, ເປັນຕົ້ນແມ່ນ ປະເທດຍີ່ປຸ່ນ, ເກົາຫຼີໃຕ້, ພາກຕາເວັນອອກແລະພາກກາງເອີລົບ ແລະອື່ນໆ.

　　ນັກຂ່າວ：ຈ່າງຖົງ