ມໍ່ໆມານີ້່，ທີ່ເຂດເສດຖະກິດພິເສດເມືອງບໍ່ເຕັນປະເທດລາວ, ມີລົດບັນທຸກສິນຄ້າຄັນໃຫຍ່ຈຳນວນຫນຶ່ງທີ່ໄດ້ບັນທຸກໝາກໄມ້ເຕັມຄັນລົດແລ່ນເຂົ້າສູ່ສະຫນາມກວດສິນຄ້າທີ່ຫາກໍ່ເລີ່ມເປີດຂອງບໍລິສັດICDລາວສາກົນຈຳກັດ. ໃນມື້ນັ້ນ, ສະຫນາມກວດສິນຄ້າທີ່ເຕົ້າໂຮມການຂົນເຄື່ອງຂຶ້ນລົງແລະການແຈກຢາຍສິນຄ້າແຫ່ງນີ້ໄດ້ເລີ່ມເປີດນຳໃຊ້ຢ່າງເປັນທາງການ,ການຂົນສົ່ງ,ການໄວ້ສິນຄ້າແລະກິດຈະການຂົນສົ່ງຜ່ານຊາຍແດນອື່ນໆໃນເຂດຮ່ວມມືເສດຖະກິດລະຫວ່າງບໍ່ຫານ-ບໍ່ເຕັນຂອງວິສາຫະກິດລາວແລະຈີນນັ້ນຈະຍິ່ງສະດວກຂຶ້ນກວ່າເກົ່າ，ສາມາດປະຢັດເວລາຂົນສົ່ງໃຫ້ວິສາຫະກິດຈີນຢ່າງໜ້ອຍ 24ຊົ່ວໂມງຂຶ້ນໄປ.
ຕາມການແນະນໍາໄດ້ຮັບຮູ້ວ່າ，ຄຽງຄູ່ກັບຈຳນວນຂອງການຂົນສົ່ງຂອງທາງຫຼວງລະຫວ່າງຄຸນໝິງກັບບາງກອກນັບມື້ນັບຫຼາຍຂຶ້ນ, ເຊິ່ງຄວາມຕ້ອງການຕໍ່ສູນກາງແຈກຢາຍສິນຄ້າໃນທຸລະກິດສາກົນກໍນັບມື້ນັບສູງຂຶ້ນເຊັ່ນດຽວກັນ.“ສະຫນາມກວດກາສິນຄ້າຂອງພວກເຮົາແມ່ນເປັນສູນກາງບໍລິການການເຕົ້າໂຮມແລະກະຈາຍສິນຄ້າ，ບໍ່ພຽງແຕ່ສາມາດຮັບເອົາແລະຂົນສົ່ງສິນຄ້າທີ່ຈາກປະເທດຈີນ,ລາວແລະໄທເທົ່ານັ້ນ，ຍັງສາມາດໃຫ້ບໍລິການຂົນສິນຄ້າຂຶ້ນແລະລົງ, ໃຫ້ບໍລິການສາງໄວ້ສິນຄ້າແລະແຈ້ງຕໍ່ດ່ານພາສີເປັນຕົ້ນ.”ໂດຍຜູ້ບໍລິຫານໃຫຍ່ຂອງບໍລິສັດICDລາວສາກົນຈຳກັດທ່ານທົນສະຫວັນ ສີຈັນທອງ ໄດ້ກ່າວວ່າ，ສະຫນາມນີ້ສາມາດສະໜອງການບໍລິການແບບສະຖານີດຽວໃຫ້ແກ່ສວ່ນຕົວແລະວິສາຫະກິດ.
ອີງຕາມການແນະນໍາ，ດ່ານບໍ່ເຕັນແມ່ນດ່ານປະເພດຫນຶ່ງລະດັບຊາດຂອງລາວແຫ່ງດຽວລະຫວ່າງລາວແລະຈີນ，ກໍເປັນຈຸດຂົນສົ່ງອັນສຳຄັນຂອງທາງຫຼວງຄຸນໝິງ-ບາງກອກ, ເຊິ່ງມີລົດຈຳນວນຫລາຍຜ່ານແຕ່ລະມື້ເພື່ອສັນຈອນໄປມາລະຫວ່າງສອງປະເທດ.ຊຸມປີມານີ້ປະເທດລາວແລະຈີນໄດ້ເຊັນສັນຍາ “ແຜນການກວມລວມຮ່ວມກັນກໍ່ສ້າງເຂດຮ່ວມມືເສດຖະກິດບໍ່ເຕັນ-ບໍ່ຫານ ລາວ-ຈີນ”ແລະ“ແຜນການກວມລວມຮ່ວມກັນພັດທະນາເຂດເສດຖະກິດບໍ່ເຕັນ-ບໍ່ຫານ ລາວ-ຈີນ”，ສະຫນາມສິນຄ້າທີ່ເປີດນຳໃຊ້ຄັ້ງນີ້ໄດ້ກໍ່ສ້າງຕາມມາດຖານສາກົນແລະການພັດທະນາຂະແໜງການຂົນສົ່ງທີ່ທັນສະໄໝ, ເຊິ່ງຈະອຳນວຍຄວາມສະດວກໃຫ້ແກ່ການພັດທະນາຂອງທຸລະກິດການຄ້າລະຫວ່າງປະເທດລຸ່ມແມ່ນໍ້າລ້ານຊ້າງ-ແມ່ນໍ້າຂອງແລະສົ່ງເສີມບົດບາດໃນການຊຸກຍູ້ການພັດທະນາຂອງເສດຖະກິດລາວ.
ນັກຂ່າວ ກວນສີລູຢີ（ເວັບໄຊYunnan Gateway）