ທ່ານສີຈິ້ນຜິງຮ່ວມກິດຈະກຳປູກໄມ້ຕາມພັນທະຢູ່ນະຄອນຫຼວງປັກກິ່ງ
ຕອນເຊົ້າວັນທີ 2 ເມສານີ້, ຜູ້ນຳພັກ-ລັດ ສປ ຈີນເຊັ່ນ ທ່ານສີຈິ້ນຜິງ, ທ່ານຫຼີເຄີ້ສຽງ, ທ່ານລີ້ຈ້ານຊູ່, ທ່ານວ່າງຢາງ,ທ່ານວາງຮູ້ນິງ, ທ່ານຈ້າວເລີ້ຈີ້, ທ່ານຮານເຈີ້ງ,ທ່ານວາງຊີຊ່ານແລະທ່ານອື່ນໆໄດ້ເດີນທາງໄປເຖິງຕາແສງຈ່າງເຈ່ຍວ່ານ ເມືອງທົ່ງໂຈ່ວ ນະຄອນຫຼວງປັກກິ່ງເພື່ອຮ່ວມກັບປະຊາຊົນນະຄອນຫຼວງປັກກິ່ງເຂົ້າຮ່ວມກິດຈະກຳປູກໄມ້ຕາມພັນທະ.
ໂອກາດນີ້, ທ່ານສີຈິ້ນຜິງໄດ້ໂອ້ລົມກັບພະນັກງານແລະປະຊາຊົນທີ່ຮ່ວມກິດຈະກຳປູກໄມ້ກ່ຽວກັບວຽກງານປູກໄມ້ສ້າງປ່າແລະອະນຸລັກສິ່ງແວດລ້ອມທຳມະຊາດ. ທ່ານເນັ້ນວ່າ: ການປູກຕົ້ນໄມ້ ເພື່ອສ້າງປະເທດຊາດໃຫ້ຂຽວງາມນັ້ນຕ້ອງຍຶດໝັ້ນແນວຄິດພັດທະນາຖືປະຊາຊົນເປັນໃຈກາງ, ດຳເນີນການປູກຕົ້ນໄມ້ ສ້າງປະເທດຊາດໃຫ້ຂຽວງາມຢ່າງເປັນຂະບວນ, ທຸກຄົນຮ່ວມແຮງຮ່ວມໃຈກັນຢ່າງຍາວນານເພື່ອເຮັດໃຫ້ດິນແດນປະເທດຊາດຂຽວງາມຍິ່ງໆຂຶ້ນ.