ການເຊັນສັນຍາວ່າດ້ວຍສຳປະທານໂຄງການກໍ່ສ້າງທາງດ່ວນໄລຍະຈາກນະຄອນຫຼວງວຽງຈັນຫາວັງວຽງ”ລະຫວ່າງກຸ່ມບໍລິສັດການກໍ່ສ້າງແລະການລົງທຶນແຂວງຢຸນນານແລະລັດຖະບານລາວ

　　ໃນຕອນບ່າຍວັນທີ4ເດືອນເມສາຕາມເວລາທ້ອງຖິ່ນຂອງລາວ，ເລຂາຄະນະພັກຂອງກຸ່ມບໍລິສັດການກໍ່ສ້າງແລະການລົງທຶນແຂວງຢຸນນານ，ຜູ້ອຳນວຍການໃຫຍ່ທ່ານເສີນເຫວີນຊານໄດ້ເຊັນ“ສັນຍາວ່າດ້ວຍສຳປະທານໂຄງການກໍ່ສ້າງທາງດ່ວນຈາກນະຄອນຫຼວງວຽງຈັນຫາວັງວຽງ”ກັບ ທ່ານສຸພັນ ແກ້ວມີໄຊ

　　ລັດຖະມົນຕີວ່າການຂອງກະຊວງແຜນການແລະລົງທຶນຂອງລາວ.ຕາມກຳນົດຂອງສັນຍາ，ຈະໃຫ້ບໍລິສັດການພັດທະນາທາງດ່ວນຮ່ວມມືລາວ-ຈີນຈຳກັດເຊິ່ງເປັນບໍລິສັດຮ່ວມທຶນທີ່ສ້່າງຕັ້ງໂດຍລັດຖະບານລາວແລະກຸ່ມບໍລິສັດການກໍ່ສ້າງແລະການລົງທຶນແຂວງຢຸນນານຮັບຜິດຊອບວຽກງານການລົງທຶນ，ການກໍ່ສ້າງ

　　ແລະການບໍລິຫານຂອງທາງຫຼວງໄລຍະຈາກນະຄອນຫຼວງວຽງຈັນຫາວັງວຽງ，ແລະວຽກງານດັ່ງກ່າວຈະປະຕິບັດວຽກງານຕາມຮູບແບບBOT.

ເສັ້ນທາງດ່ວນໄລຍະຈາກນະຄອນຫຼວງວຽງຈັນຫາດ່ານບໍ່ເຕັນເປັນເສັ້ນທາງດ່ວນເສັ້ນທຳອິດຂອງລາວກໍເປັນສ່ວນປະກອບອັນສໍາຄັນຂອງເຄືອຂ່າຍທາງຫຼວງອາຊີAH12ແລະຊ່ອງທາງໃຫຍ່ສາກົນຂອງຄຸນໝິງແລະບາງກອກ.ໂຄງການນີ້ເລີ່ມຈາກນະຄອນຫຼວງວຽງຈັນ，ໄປເຖິງດ່ານບໍ່ເຕັນຂອງລາວ，ໄລຍະທັງໝົດປະມານ460ກິໂລເມັດ.ທາງຫຼວງ“ສອງວຽງ”（ວຽງຈັນແລະວັງວຽງ）ທີ່ຈະລົງມືປະຕິບັດກ່ອນນັ້ນມີໄລຍະຍາວທັງຫມົດແມ່ນ109.1ກິໂລເມັດ，ການລົງທຶນທັງໝົດປະມານ 8900ລ້ານຢວນ.ການອອກແບບຂອງໂຄງການທັງສອງທິດແມ່ນມີເບື້ອງລະສີ່ເລັນ，ເວລາການກໍ່ສ້າງໃຊ້ເວລາປະມານສາມປີ.ຫຼັງຈາກສຳເລັດການກໍ່ສ້າງແລ້ວ，ການເດີນທາງຈາກນະຄອນຫລວງວຽງຈັນໄປເຖິງວັງວຽງໃຊ້ເວລາພຽງ1,5ຊົ່ວໂມງເຊິ່ງ, ປະຢັດເວລາໄປໄດ້ 2,5ຊົ່ວໂມງເມື່ອທຽບກັບເວລາທີ່ໃຊ້ໃນປັດຈຸບັນ. ການກໍ່ສ້າງຂອງໂຄງການນີ້，ມີຄວາມໝາຍອັນສຳຄັນໃນການຍົກລະດັບຊີວິການເປັນຢູ່ຂອງປະຊາຊົນຕາມເສັ້ນທາງ,ແລະສົ່ງເສີມຂະຫຍາຍການພັດທະນາໃນທຸລະກິດການຄ້າແລະການແລກປ່ຽນວັດທະນະທຳລະຫວ່າງສອງຊາດໃຫ້ເລິກເຊິ່ງກວ່າເກົ່າ.

　　ປະເທດຈີນກັບລາວໄດ້ເຊັນ“ສັນຍາການຮ່ວມທຶນ”ຂອງທາງດ່ວນຈາກວຽງຈັນຫາວັງວຽງໃນເດືອນພະຈິກປີແລ້ວນີ້.ເສັ້ນທາງຫຼວງເສັ້ນນີ້ຈະປະກອບສ່ວນເຂົ້າໃນການກໍ່ສ້າງເສັ້ນທາງໄມຕີຈິດ,ເສັ້ນທາງສີຂຽວ,ເສັ້ນທາງທີ່ທີຄວາມສຸກ，ແລະຊຸກຍູ້ສົ່ງເສີມຄວາມຢູ່ດີມີສຸກຂອງປະຊາຊົນສອງຊາດ，ປະກອບສ່ວນເຂົ້າໃນການກໍ່ສ້າງຂໍ້ລິເລີ່ມ“ໜຶ່ງແລວທາງ ໜຶ່ງເສັ້ນທາງ”ຢ່າງຫ້າວຫັນ.