ເປີດງານຮູບເງົາສາກົນປັກກິ່ງຄັ້ງທີ 8 ພາກ VR ຜູ້ຊົມເໝືອນຢູ່ໃນຄວາມເປັນຈິງ
ງານຮູບເງົາສາກົນປັກກິ່ງຄັ້ງທີ 8 ພາກ VR(ຮູບແລະສຽງຂອງຄອມພິວເຕີທີ່ຄືກັບຂອງຈິງແທ້ໆຫຼືເກືອບຄືຂອງແທ້)ໄດ້ໄຂຂຶ້ນໃນວັນທີ 14 ເມສານີ້. ນີ້ເປັນຄັ້ງທຳອິດທີ່ງານຮູບເງົາສາກົນປັກກິ່ງຈັດໃຫ້ມີພາກ VR. ນາງຊີລີນ ທຣີຄັດ ຜູ້ກຳກັບການສະແດງຂອງຝະຣັ່ງ, ທ່ານເອຣິກ ດົນເລ ຜູ້ສ້າງຮູບເງົາຂອງອາເມລິກາ, ທ່ານແຊມ ເກຊາຣີ ຜູ້ກຳກັບການສະແດງດ້ານຫົວຄິດປະດິດສ້າງທັງເປັນມືກ້ອງຂອງອາເມລິກາໄດ້ເຂົ້າຮ່ວມພິທີໄຂໃນນາມເປັນແຂກທີ່ສ້າງຮູບເງົາ.
ງານຮູບເງົາສາກົນປັກກິ່ງພາກ VR ໄດ້ສາຍຜົນງານຮູບເງົາທັງໝົດ 8 ເລື່ອງ,ເຊັ່ນ: "ງານລ້ຽງອາຫານຄ່ຳ"(Dinner Party),"ມັກຣິດ"(Magritte),"ທີ່ຮັກອັນເຈລິກາ"(Dear Angelica) ແລະອື່ນໆ, ຄວາມຍາວຂອງຜົນງານລ້ວນແຕ່ຢູ່ລະຫວ່າງ 7 ຫາ 17 ນາທີ. ຜົນງານເຫຼົ່ານີ້ຕ່າງມາຈາກອັງກິດ ອາເມລິກາ ອາເມລິກາແລະໄຕ້ຫວັນຈີນ ອາເມລິກາແລະອີຣັກ.
ການສາຍຮູບເງົາ VR ໄດ້ດຶງດູດຜູ້ຊົມຫຼາຍຄົນມາສຳຜັດໂດຍນຳໃຊ້ອຸປະກອນ, ເຂົາເຈົ້າສະແດງວ່າມັນເໝືອນຢູ່ໃນຄວາມເປັນຈິງ, ຫວັງໃຫ້ຮູບເງົາສື່ໃໝ່ VR ຈະສາມາດເຂົ້າສູ່ຊີວິດຂອງປະຊາຊົນໃນການຊົມຮູບເງົາ.
