ຫວ່າງມໍ່ໆມານີ້，ຄະນະກຳມະການພັດທະນາການທ່ອງທ່ຽວຂອງແຂວງຢຸນນານໄດ້ເຊັນສັນຍາການຮ່ວມມືຍຸດທະສາດກັບບໍລິສັດການລົງທຶນລົດຍົນຮວາເສີງ（ນະຄອນຕ້າລຽນ）ທີ່ນະຄອນຄຸນໝິງ，ເຊິ່ງຈະຊຸກຍູ້ສົ່ງເສີມການພັດທະນາການຂັບລົດມາທ່ອງທ່ຽວເອງແລະຂະແໜງການຜະລິດເຄື່ອງອຸປະກອນດ້ານການທ່ອງທ່ຽວຢ່າງຫ້າວຫັນ，ຈະເລັ່ງຊຸກຍູ້ວຽກການຫັນປ່ຽນຮູບແບບແລະຍົກລະດັບຂະແໜງການທ່ອງທ່ຽວຂອງແຂວງຢຸນນານໃຫ້ໄວກວ່າເກົ່າ.
ຕາມກຳນົດຂອງສັນຍາ，ສອງຝ່າຍຈະດຳເນີນການຮ່ວມມືຢ່າງເລິກເຊິ່ງໃນຫຼາຍດ້ານກໍຄື：ດ້ານການບຸກທະລຸບ່ອນທ່ອງທ່ຽວລົດຍົນ，ດ້ານການຜະລິດລົດຕູ້ເຮືອນທ່ອງທ່ຽວ，ການຊ່ວຍເຫຼືອບັນເທົາຄວາມທຸກຍາກດ້ວຍການທ່ອງທ່ຽວ，ການເຊົ່າລົດທ່ອງທ່ຽວຂອງຢຸນນານແລະດ້ານອື່ນໆ，ເຊິ່ງຈະອຳນວຍຜະລິດຕະພັນການທ່ອງທ່ຽວແລະການບໍລິການທີ່ມີປະສິດທິພາບ,ພ້ອມທັງຄວາມສະດວກສະບາຍແລະຄຸນນະພາບສູງໃຫ້ແກ່ນັກທ່ອງທ່ຽວທັງຫຼາຍ.
ຜູ້ຮັບຜິດຊອບຂອງຄະນະກຳມະການພັດທະນາການທ່ອງທ່ຽວຂອງແຂວງຢຸນນານທີ່ກ່ຽວຂ້ອງໄດ້ກ່າວວ່າ，ຄຽງຄູ່ກັບຍຸກສະໄໝຂອງການທ່ອງທ່ຽວເປັນກຸ່ມແລະການທ່ອງທ່ຽວແບບຄົບວົງຈອນໄດ້ມາເຖິງ，ການຮ່ວມມືຍຸດທະສາດລະຫວ່າງສອງຝ່າຍນີ້ຈະເກີດມີຜົນປະໂຫຍດເຂົ້າໃນວຽກງານການບຳລຸງຜົນຜະລິດຕະພັນໃໝ່ຂອງການທ່ອງທ່ຽວແລະສະພາບທາງຂະແໜງການໃໝ່ຂອງແຂວງຢຸນນານ，ຈະຊ່ວຍຊຸກຍູ້ການຫັນປ່ຽນຮູບແບບແລະຍົກລະດັບຂະແໜງການທ່ອງທ່ຽວຂອງແຂວງຢຸນນານຢ່າງຮອບດ້ານ.
ນັກຂ່າວ ຢາງປິ່ງ