ເວທີສົນທະນາສຸດຍອດອາຊີປາຊີຟິກ（ແຂວງຢຸນນານ）ວ່າດ້ວຍການຂາຍຍ່ອຍແບບໃໝ່ໃນການທ່ອງທ່ຽວສາກົນຄັ້ງທຳອິດໄດ້ຈັດຂຶ້ນຢູ່ນະຄອນຄຸນໝິງ

ຫວ່າງມໍ່ໆມານີ້，ເວທີສົນທະນາສຸດຍອດອາຊີປາຊີຟິກ（ແຂວງຢຸນນານ）ວ່າດ້ວຍການຂາຍຍ່ອຍແບບໃໝ່ໃນການທ່ອງທ່ຽວສາກົນຄັ້ງທຳອິດຂອງປີ2018ໄດ້ຈັດຂຶ້ນຢູ່ນະຄອນຄຸນໝິງແຂວງຢຸນນານເຊິ່ງມີຫົວຂໍ້ວ່າ“ເບິ່ງຊົມອະນາຄົດດ້ວຍການທ່ອງທ່ຽວ”.ເວທີສົນທະນາໄດ້ດຳເນີນໄປຕາມການພິຈາລະນາກ່ຽວກັບການຜະລິດສິນຄ້າຂອງຂວັນຂອງການທ່ອງທ່ຽວທີ່ມີມາດຖານ，ການຈັດຕັ້ງຮູບແບບການຊື້ສິນຄ້າການທ່ອງທ່ຽວຮູບແບບໃໝ່，ການຊຸກຍູ້ການຫັນປ່ຽນແລະຍົກລະດັບການທ່ອງທ່ຽວຂອງຢຸນນານ，ການຈັດຕັ້ງຮູບຊົງແບບໃໝ່ຂອງການທ່ອງທ່ຽວແຂວງຢຸນນານແລະອື່ນໆ.

ເວທີສົນທະນາຄັ້ງນີ້ຍັງໄດ້ຖະແຫຼງຮູບແບບການຂາຍຍ່ອຍແບບໃໝ່ຂອງສິນຄ້າການທ່ອງທ່ຽວທີ່ວ່າ“ຂອງຂວັນທີ່ດີຂາຍຍ່ອຍແບບໃໝ່”，ຮູບແບບນີ້ປະກອບດ້ວຍພາກສ່ວນຂອງຂວັນການທ່ອງທ່ຽວອັນມາດຖານ，ການຊົມໃຊ້ເວທີການຄ້າອີເລັກໂຕນິກນຳກັນ(shared E-commerce platform)，ການມອບປ້າຍໃຫ້ແກ່ຮ້ານຂາຍສິນຄ້າແລະຕູ້ຂາຍສິນຄ້າອັດຕະໂນມັດ，ໂດຍອີງໃສ່ເຕັກນິກທີ່ກ້າວໜ້າກໍຄື:ອິນເຕີເນັດ， ການຂາຍເຄື່ອງທາງເນັດ，ເຕັກນິກAI，ຄັງຂໍ້ມູນຂະຫນາດໃຫຍ່，ການຈ່າຍເງິນແບບອອນລາຍເປັນຕົ້ນ，ເອົາໃຈໃສ່ໃນການແກ້ໄຂບັນຫາໃນການຫັນປ່ຽນຮູບແບບແລະຍົກລະດັບຂອງການຊື້ສິນຄ້າຂອງການທ່ອງທ່ຽວທັງຍີ່ຫໍ້ສິນຄ້າ，ມາດຖານ，ເອກະລັກ，ຄວາມສະດວກສະບາຍໃນການຊື້ສິນຄ້າ，ວ່ອງໄວທັນເວລາ，ການທົດລອງໃຫ້ເຂົ້າກັບສະພາບຕົວຈິງ,，ເພື່ອໃຫ້ເໝາະສົມກັບຍຸກໃໝ່，ຕະຫຼາດໃໝ່ແລະຊຸມຊົນຜູ້ບໍລິໂພກໃໝ່, ເຊິ່ງຈະນຳພາການຫັນປ່ຽນແລະຍົກລະດັບຕະຫຼາດຊື້ຂາຍສິນຄ້າໃນການທ່ອງທ່ຽວຂອງແຂວງຢຸນນານ.

ນອກຈາກນີ້，ໃນວັນທີ17ເວທີສົນທະນາຍັງໄຂກິດຈະກຳການຝຶກອົບຮົມເພື່ອຍົກສູງລະດັບຂອງພະນັກງານທີ່ເຮັດວຽກຢູ່ໃນຂະແໜງການຊື້ຂາຍສິນຄ້າທ່ອງທ່ຽວອີກດ້ວຍ.