ການສຳມະນາກ່ຽວກັບການພິມຈຳໜ່າຍປຶ້ມສຳຄັນເພື່ອລະນຶກວັນເກີດຂອງທ່ານມາກຄົບຮອບ 200 ປີ ໄດ້ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 3 ພຶດສະພານີ້ ໂດຍຄະນະໂຄສະນາອົບຮົມສູນກາງພັກ ແລະສະຖາບັນຄົ້ນຄວ້າປະຫວັດສາດແລະເອກະສານດ້ານປະຫວັດສາດສູນກາງພັກກອມມູນິດຈີນເປັນເຈົ້າພາບ.
ໃນການສຳມະນາໄດ້ຊີ້ວ່າ: ປຶ້ມສຳຄັນທີ່ຮຽບຮຽງແລະແປແລ້ວພິມຈຳໜ່າຍເພື່ອລະນຶກວັນເກີດຂອງທ່ານມາກຄົບຮອບ 200 ປີເທື່ອນີ້ ມີຄວາມໝາຍສຳຄັນຫຼາຍຕໍ່ການຊຸກຍູ້ໃຫ້ພະນັກງານ ແລະ ປະຊາຊົນທົ່ວເຂດໄພສານຮ່ຳຮຽນ ແລະໝູນໃຊ້ທິດສະດີພື້ນຖານຂອງລັດທິມາກດ້ວຍທ່າທີທີ່ມີວິທະຍາສາດ, ກຳແໜ້ນເນື້ອໃນພື້ນຖານແລະຈິດໃຈທາດແທ້ຂອງລັດທິມາກຈາກແຫຼ່ງກຳເນີດ, ຮັບຮູ້ຜົນງານອັນສະຫວ່າງສະໄຫວ ແລະ ການປະກອບສ່ວນອັນເລີດລ້ຳຂອງທ່ານມາກຢ່າງເລິກເຊິ່ງ, ຮ່ຳຮຽນ ແລະຜັນຂະຫຍາຍແນວຄິດສີຈິ້ນຜິງກ່ຽວກັບສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ ແລະຈິດໃຈກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 19 ຂອງພັກກອມມູນິດຈີນຢ່າງເລິກເຊິ່ງ, ແລະເດັດດ່ຽວຍຶດໝັ້ນໃນການເຊື່ອຖືລັດທິມາກຢ່າງມີວິທະຍາສາດ, ອຸດົມການກອມມູນິດອັນຍິ່ງໃຫຍ່-ຍາວໄກ ແລະອຸດົມການຮ່ວມສັງຄົມນິຍົມທີ່ມີສີສັນພິເສດຂອງຈີນ.