ວັນທີ 8 ພຶດສະພານີ້, ທ່ານສີຈິ້ນຜິງ ປະທານປະເທດຈີນໄດ້ສົນທະນາກັບທ່ານໂດນັນ ທຣຳ ປະທານາບໍດີອາເມລິກາທາງໂທລະສັບ.
ທ່ານສີຈິ້ນຜິງ ຊີ້ໃຫ້ເຫັນວ່າ, ປັດຈຸບັນ, ການຂະຫຍາຍສາຍພົວພັນລະຫວ່າງຈີນແລະອາເມລິກາພວມຢູ່ໃນໄລຍະສຳຄັນ, ຂ້າພະເຈົ້າໃຫ້ຄວາມສຳຄັນຢ່າງສູງຕໍ່ການຂະຫຍາຍສາຍພົວພັນລະຫວ່າງສອງປະເທດ, ແລະຖືເປັນສຳຄັນຕໍ່ການພົວພັນວຽກງານທີ່ດີງາມກັບທ່ານປະທານາທິບໍດີ. ຫວັງວ່າສອງຝ່າຍຈະຕັ້ງໃຈປະຕິບັດຕາມຄວາມຮັບຮູ້ທີ່ເປັນເອກະສັນກັນທີ່ຂ້າພະເຈົ້າແລະທ່ານໄດ້ຕົກລົງກັນຢູ່ນະຄອນຫຼວງປັກກິ່ງ, ຮັກສາການໄປມາຫາສູ່ກັນລະຫວ່າງຂັ້ນສູງແລະທຸກຂັ້ນ, ເຄົາລົບນັບຖືເຊິ່ງກັນແລະກັນ, ຕ່າງຝ່າຍຕ່າງມີຜົນປະໂຫຍດ, ສຸມໃສ່ການຮ່ວມມື, ຄວບຄຸມຄວາມຂັດແຍ້ງກັນແລະຊຸກຍູ້ໃຫ້ການພົວພັນລະຫວ່າງສອງປະເທດໃຫ້ຂະຫຍາຍຕົວກ້າວໄປໜ້າຢ່າງແຂງແຮງ.
ທ່ານໂດນັນ ທຣຳ ກ່າວວ່າ, ປະເທດຕົນໃຫ້ຄວາມສຳຄັນຢ່າງສູງຕໍ່ການພົວພັນລະຫວ່າງສອງປະເທດ, ຂ້າພະເຈົ້າຄ່ອງຄອຍຮັກສາການພົວພັນຢ່າງໃກ້ຊິດກັບທ່ານສີຈິ້ນຜິງ. ອາເມລິກາຍິນດີພະຍາຍາມຮ່ວມກັບຈີນ, ເພີ່ມທະວີການຮ່ວມມືແທ້ຈິງໃນຂົງເຂດຕ່າງໆ, ແກ້ໄຂບັນຫາເສດຖະກິດການຄ້າຢ່າງເໝາະສົມ, ຊຸກຍູ້ໃຫ້ສາຍພົວພັນລະຫວ່າງອາເມລິກາແລະຈີນຂະຫຍາຍຕົວໃຫ້ດີກວ່າເກົ່າ, ແລະສ້າງຄວາມຜາສຸກໃຫ້ແກ່ປະຊາຊົນສອງປະເທດ.
ນອກນີ້, ປະມຸກລັດສອງປະເທດຍັງໄດ້ແລກປ່ຽນຄວາມເຫັນກ່ຽວກັບສະຖານະການແຫຼມເກົາຫຼີຕື່ມອີກ.