ຂ່າວສານຊິນຮວາລາຍງານວ່າ: ວັນທີ 16 ພຶດສະພານີ້,ທ່ານສີຈິ້ນຜິງ ປະທານປະເທດແຫ່ງ ສປ ຈີນໄດ້ສົ່ງໂທລະເລກສະແດງຄວາມເຫັນໃຈເຖິງທ່ານໂຈໂຄ ວິໂດໂດ ປະທານາທິບໍດີອິນໂດເນເຊຍກ່ຽວກັບເຫດການຫຼອນໂຈມຕີແບບກໍ່ການຮ້າຍທີ່ເກີດຂຶ້ນຢູ່ອິນໂດເນເຊຍ.
ໂທລະເລກຂອງທ່ານສີຈິ້ນຜິງລະບຸວ່າ: ຂ້າພະເຈົ້າຮູ້ສຶກຕື່ນຕົກໃຈທີ່ໄດ້ຍິນຂ່າວກ່ຽວກັບເມືອງຊູຣາບາຢາແຂວງຊາວາຕາເວັນອອກອິນໂດເນເຊຍໄດ້ເກີດເຫດຫຼອນໂຈມຕີແບບກໍ່ການຮ້າຍ, ຂ້າພະເຈົ້າຂໍຕາງໜ້າລັດຖະບານແລະປະຊາຊົນຈີນ ແລະໃນນາມສ່ວນຕົວ ຂໍສະແດງຄວາມໄວ້ອາໄລຢ່າງສຸດຊຶ້ງຕໍ່ຜູ້ເສຍຊີວີດທີ່ບໍ່ມີຄວາມຜິດຫຍັງໃນເຫດການ ທັງສະແດງຄວາມຢື້ຢາມຖາມຂ່າວດ້ວຍຄວາມຈິງໃຈຕໍ່ຜູ້ບາດເຈັບແລະຄອບຄົວຜູ້ເສຍຊີວິດ.
ລັດທິກໍ່ການຮ້າຍເປັນສັດຕູຮ່ວມຂອງມວນມະນຸດ. ຈີນເດັດດ່ຽວຄັດຄ້ານລັດທິກໍ່ການຮ້າຍທຸກຮູບແບບ ແລະຍິນດີຮ່ວມກັບປະຊາຄົມໂລກເຊິ່ງລວມທັງອິນໂດເນເຊຍເພື່ອຕໍ່ຕ້ານລັດທິກໍ່ການຮ້າຍ,ປົກປັກຮັກສາສັນຕິພາບແລະສະເຖຍລະພາບຂອງພາກພື້ນກໍຄືຂອງໂລກ.