ວັນທີ 23 ພຶດສະພານີ້ຢູ່ນະຄອນຫຼວງປັກກິ່ງ ສປ ຈີນ, ທ່ານລູ້ຄ່າງ ໂຄສົກກະຊວງການຕ່າງປະເທດຈີນກ່າວວ່າ, ຫວັງວ່າ ສປປ ເກົາຫຼີແລະອາເມລິກາຈະກຳໂອກາດໃນປັດຈຸບັນ, ແລະໄປຕາມທິດທາງດຽວກັນ, ແກ້ໄຂຄວາມເປັນຫ່ວງຂອງຕົນຢ່າງດຸນດ່ຽງ. ແລະຫວັງວ່າການພົບປະກັນລະຫວ່າງຜູ້ນຳສອງປະເທດຈະຈັດຂຶ້ນຢ່າງສະດວກແລະໄດ້ຮັບໝາກຜົນຢ່າງຕັ້ງໜ້າ.
ຕາມຂ່າວແຈ້ງວ່າ, ທ່ານໂດນັນ ທຣຳ ປະທານາທິບໍດີອາເມລິກາກ່າວໃນວັນທີ 22 ພຶດສະພານີ້ວ່າ, ການພົບປະກັນລະຫວ່າງຕົນແລະທ່ານກິມເຈິງອຸນຜູ້ນຳສູງສຸດ ສປປ ເກົາຫຼີອາດຈະເລື່ອນເວລາອອກໄປຕື່ມອີກ.
ໃນໂອກາດຕອບຄຳຖາມຂອງນັກຂ່າວກ່ຽວກັບເລື່ອງນີ້ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 23 ພຶດສະພານີ້, ທ່ານລູ້ຄ່າງ ກ່າວເນັ້ນວ່າ, ຈີນສົ່ງເສີມແລະສະໜັບສະໜູນ ສປປ ເກົາຫຼີແລະອາເມລິກາເພີ່ມຄວາມໄວ້ເນື້ອເຊື່ອໃຈໂດຍຜ່ານການເຈລະຈາໂດຍກົງ, ຊຸກຍູ້ຂະບວນການແກ້ໄຂທາງການເມືອງກ່ຽວກັບບັນຫາແຫຼມເກົາຫຼີປອດອາວຸດນິວເຄຼຍ, ແລະຈີນຈະສືບຕໍ່ເສີມຂະຫຍາຍບົດບາດຂອງຕົນໃນດ້ານນີ້ຢ່າງເຕັມທີ່.