ວັນທີ 29 ພຶດສະພານີ້, ທຳນຽບຂາວອາເມລິກາອອກຖະແຫຼງການວ່າ, ອາເມລິກາຍັງຈະເກັບພາສີ 25% ຕໍ່ສິນຄ້າຈີນທີ່ມີມູນຄ່າ 50 ຕື້ໂດລາສະຫະລັດ, ບັນຊີລາຍຊື່ສິນຄ້າລະອຽດຈະປະກາດໃນວັນທີ 15 ມິຖຸນາໜ້ານີ້, ແລະຈະເລີ່ມເກັບພາສີຫຼັງການປະກາດບັນຊີລາຍຊື່ສິນຄ້າບໍ່ດົນ.
ໂດຍແນໃສ່ຖະແຫຼງການທີ່ທຳນຽບຂາວປະກາດໃນວັນທີ 29 ພຶດສະພານີ້, ໂຄສົກກະຊວງການຄ້າຈີນໄດ້ຕອບຄືນຢ່າງວ່ອງໄວວ່າ, ຈີນຮູ້ສຶກໄດ້ວ່າຖະແຫຼງການທີ່ມີລັກສະນະຍຸດໂທບາຍການຄ້າທີ່ທຳນຽບຂາວປະກາດນັ້ນແມ່ນເກີນຄວາມຄາດຄິດ, ແຕ່ກໍຍັງຢູ່ໃນຂອບຄວາມຄິດການຮັບມືຂອງຈີນ, ເນື້ອໃນຂອງຖະແຫຼງການດັ່ງກ່າວໄດ້ລະເມີດຄວາມຮັບຮູ້ເປັນເອກະພາບກັນທີ່ຈີນແລະອາເມລິກາຕົກລົງກັນຢູ່ວໍຊິງຕັນໃນມໍ່ໆມານີ້. ບໍ່ວ່າອາເມລິກາຈະອອກມາດຕະການໃດໆມາ, ຈີນກໍຍັງມີຄວາມໝັ້ນໃຈ, ມີຄວາມສາມາດແລະມີປະສົບການປົກປ້ອງຜົນປະໂຫຍດໃຈກາງຂອງຊາດແລະຜົນປະໂຫຍດຂອງປະຊາຊົນຈີນ. ຂະນະດຽວກັນຈີນເຕືອນໃຫ້ອາເມລິກາຈົ່ງຮັກສາການເດີນຕາມທາງເສັ້ນດຽວຕາມຈິດໃຈຖະແຫຼງການຮ່ວມຂອງສອງຝ່າຍ.