ທ່ານເສີນຫາວ ພົບປະທ່ານບຸນຍັງ ວໍລະຈິດ, ເລຂາທິການໃຫຍ່ສູນກາງພັກປະຊາຊົນປະຕິວັດລາວ ປະທານປະເທດ ແຫ່ງ ສປປລາວ

ໃນວັນທີ 3,ເລຂາຄະນະພັກແຂວງຢຸນນານ ທ່ານເສີນຫາວ ໄດ້ພົບປະທ່ານບຸນຍັງ ວໍລະຈິດເລຂາທິການໃຫຍ່ສູນກາງພັກປະຕິວັດປະຊາຊົນລາວ ປະທານປະເທດແຫ່ງສປປລາວ ທີ່ມາຢ້ຽມຢາມປະເທດຈີນທີ່ນະຄອນຄຸນໝິງ.

ທ່ານ ຊົ້ງທ່າວ ຫົວຫນ້າຄະນະພົວພັນຕ່າງປະເທດສູນກາງພັກກອມມູນິດຈີນ ໄດ້ເຂົ້າຮ່ວມໃນການພົບປະ ຄັ້ງນີ້.

ທ່ານເສີນຫາວ ໄດ້ສະແດງຄວາມຍິນດີຕ້ອນຮັບຕໍ່ ທ່ານບຸນຍັງ ທີ່ໄດ້ມາຢ້ຽມຢາມປະເທດຈີນ ແລະ ກໍໄດ້ຊົມເຊີຍການຢ້ຽມຢາມໃນຄັ້ງນີ້ໄດ້ຮັບຜົນສໍາເລັດອັນຈົບງາມ.ທ່ານໄດ້ກ່າວວ່າ,ໂດຍການນຳພາຮ່ວມກັນຂອງຜູ້ນຳພາປະເທດສອງພັກແລະລັດ,ການກໍ່ສ້າງປະຊາຄົມຮ່ວມຊາຕາກຳລະຫວ່າງປະເທດຈີນກັບລາວໄດ້ຮັບຜົນສຳເລັດອັນຍິ່ງໃຫຍ່ຢ່າງຕໍ່ເນື່ອງ.ແຂວງຢຸນນານຈະປະຕິບັດໃຫ້ເປັນຈິງການຕົກລົງທີ່ສຳຄັນທີ່ສອງປະມຸກລັດໄດ້ບັນລຸນຳກັນ,ດຳເນີນວຽກງານການກໍ່ສ້າງປະຊາຄົມຮ່ວມຊາຕາກຳຕ່າງໆຢ່າງເປັນເຈົ້າການ,ຂະຫຍາຍກຳລັງການເປີດປະຕູສູ່ໂລກພາຍນອກແລະການປະຕິຮູບໃຫ້ໃຫຍ່ກວ່າເກົ່າ,ເພີ່ມທະວີການຝຶກອົບຮົມແລະການແລກປ່ຽນຂອງລັດຖະກອນລະຫວ່າງສອງຝ່າຍໃຫ້ເຂັ້ມແຂງ,ຊຸກຍູ້ການຮ່ວມມືດ້ານເສດຖະກິດການຄ້າ,ປັບປຸງການແລກປ່ຽນຂອງປະຊາຊົນສອງຊາດຢ່າງຫ້າວຫັນ,ຈະແລກປ່ຽນປະສົບການແລະຮໍ່າຮຽນເຊິ່ງກັນແລະກັນໃນພາລະກິດເລັ່ງການກໍ່ສ້າງເສດຖະກິດສັງຄົມແລະໃນພາລະກິດຫຼຸດຄວາມທຸກຍາກແລະສ້າງສາຄວາມສຸກໃຫ້ແກ່ປະຊາຊົນຂອງສອງປະເທດຮ່ວມກັນ,ຊຸກຍູ້ສົ່ງເສີມການຮ່ວມມືລະຫວ່າງແຂວງຢຸນນານແລະປະເທດລາວໃຫ້ໄດ້ຮັບການພັດທະນາຢ່າງບໍ່ຢຸດຢັ້ງ，ຂະຫຍາຍສົ່ງເສີມມິດຕະພາບອັນໜາແໜ້ນຂອງສອງພັກສອງລັດໄດ້ກໍ່ສ້າງມານັ້ນໃຫ້ກວ້າງຂວາງ.

ທ່ານບຸນຍັງ ໄດ້ກ່າວວ່າ,ການຢ້ຽມຢາມປະເທດຈີນຂອງຕົນໃນຄັ້ງນີ້ ໄດ້ເຫັນເຖິງຜົນສຳເລັດອັນຍິ່ງໃຫຍ່ໃນການພັດທະນາເສດຖະກິດຂອງຈີນໂດຍສະເພາະໃນການຕໍ່ຕ້ານຄວາມທຸກຍາກຂອງຈີນ,ເຊິ່ງໄດ້ຮັບປະສົບການທີ່ລໍ້າຄ່າ,ກໍໄດ້ປຸກລະດົມຂົນຂວາຍຄວາມເຊື່ອໝັ້ນໃຫ້ແກ່ປະເທດລາວໃນການບັນລຸເປົ້າໝາຍຫຼຸດອັດຕາຄວາມທຸກຍາກໃນປີ 2020 ຂອງລາວ.ປະເທດລາວແລະແຂວງຢຸນນານມີສາຍພູສາຍນໍ້າຕິດຈອດກັນ,ວັດທະນະທຳສັງຄົມກໍເຊື່ອມໂຍງກັນ,ແຂວງຢຸນນານໄດ້ອຳນວຍການສະໜັບສະໜູນອັນໃຫຍ່ຫຼວງເຂົ້າໃນການພັດທະນາເສດຖະກິດສັງຄົມຂອງປະເທດລາວເປັນເວລາດົນນານມາແລ້ວ,ໄດ້ປະກອບສ່ວນຢ່າງຫ້າວຫັນໃຫ້ແກ່ການພັດທະນາສາຍພົວພັນລາວ-ຈີນ.ຄຽງຄູ່ການກໍ່ສ້າງເຊື່ອມຕໍ່ກັນແລະການເຊື່ອມໂຍງກັນຂອງປະເທດລາວ-ຈີນໄດ້ຮັບການເລັ່ງຊຸກຍູ້,ການຄົມມະນາຄົມລະຫວ່າງປະເທດລາວກັບແຂວງຢຸນນານກໍນັບມື້ນັບສະດວກຂຶ້ນ,ຫວັງວ່າສອງຝ່າຍສາມາດປະຕິບັດຕາມຈິດໃຈ“ສີ່ດີ”,ເພີ່ມທະວີການຮ່ວມມືໃນຂົງເຂດຕ່າງໆໃຫ້ມີຜົນປະໂຫຍດຮວ່ມກັນ,ຮໍ່າຮຽນແລະແລກປ່ຽນປະສົບການຕ່າງໆ ໂດຍສະເພາະແມ່ນຮ່ຳຮຽນເອົາປະສົບການທີ່ດີເດັ່ນໃນການຫຼຸດອັດຕາຄວາມທຸກຍາກຈາກກັນແລະກັນ.ປະເທດລາວຈະສືບຕໍ່ສະໜັບສະໜູນແລະຊຸກຍູ້ການຮ່ວມມືລະຫວ່າງປະເທດລາວກັບແຂວງຢຸນນານໃຫ້ມີລະດັບສູງກວ່າ,ບັນລຸການພັດທະນາຮ່ວມກັນ.