ວັນທີ 19 ມິຖຸນານີ້, ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນໄດ້ພົບປະກັບທ່ານກິມເຈິງອູນ ປະທານຄະນະກຳມະການພັກແຮງງານ ປະທານຄະນະກຳມະການແຫ່ງລັດ ສປປ ເກົາຫຼີໂອກາດເດີນທາງຮອດນະຄອນຫຼວງປັກກິ່ງແລະຢ້ຽມຢາມຈີນທາງລັດຖະກິດ.
ຜູ້ນຳສອງປະເທດໄດ້ແລກປ່ຽນຄວາມເຫັນກ່ຽວກັບການຂະຫຍາຍສາຍພົວພັນລະຫວ່າງຈີນແລະ ສປປ ເກົາຫຼີແລະສະຖານະການແຫຼມເກົາຫຼີຢ່າງກົງໄປກົງມາແລະເລິກເຊິ່ງ, ແລະພ້ອມກັນສະແດງຄວາມເຫັນວ່າຈະຮັກສາ, ປັບປຸງແລະຂະຫຍາຍສາຍພົວພັນລະຫວ່າງສອງປະເທດໃຫ້ດີຂຶ້ນ, ຮ່ວມກັນຊຸກຍູ້ທ່ວງທ່າສັນຕິພາບແລະສະຖຽນລະພາບຂອງແຫຼມເກົາຫຼີໃຫ້ພັດທະນາໄປຂ້າງໜ້າ, ປະກອບສ່ວນເຂົ້າໃນສັນຕິພາບ, ສະຖຽນລະພາບແລະຄວາມຈະເລີນຮຸ່ງເຮືອງຂອງພາກພື້ນກໍຄືຂອງໂລກຢ່າງແທ້ຈິງ.