ເສັ້ນທາງລົດໄຟຄວາມໄວສູງຄຸນໝິງ-ສູ້ສົງ-ຕ້າລີຈະເປີດການບໍລິການໃນວັນທີ1ເດືອນກໍລະກົດປີ2018ຢ່າງເປັນທາງການ

ໃນວັນທີ28,ບໍລິສັດກໍ່ສ້າງທາງລົດໄຟປະເທດຈີນຈຳກັດສາຂາຄຸນໝິງໄດ້ຈັດງານຖະແຫລງຂ່າວຂຶ້ນແລະຖະແຫລງວ່າ,ເສັ້ນທາງລົດໄຟຄວາມໄວສູງຄຸນໝິງ-ສູ້ສົງ-ຕ້າລີຈະເປີດການບໍລິການໃນວັນທີ1ເດືອນກໍລະກົດປີ2018ຢ່າງເປັນທາງການ,ຄຸນໝິງແລະຕ້າລີຈະກາຍເປັນວົງຈອນການຄົມມະນາຄົມທີ່ໃຊ້ເວລາພຽງແຕ່ສອງຊົ່ວໂມງ.ເສັ້ນທາງລົດໄຟນີ້ເລີ່ມແຕ່ສະຖານີລົດໄຟຄຸນໝິງ,ສິ້ນສຸດທີ່ສະຖານີລົດໄຟຕ້າລີ,ໄລຍະຄວາມຍາວທັງຫມົດຂອງເສັ້ນທາງແມ່ນ280ກິໂລແມັດ,ຄວາມໄວທີ່ກຳນົດແມ່ນ200KM/H.

ສະຖານີທີ່ຈະແລ່ນຜ່ານ:

ຄຸນໝິງ,ພາກເໜືອຂອງເມືອງກວາງທົງ,ສູ້ສົງ,ນານຮວາ,ຢຸນນານຢີ້,ສຽງຢຸນ,ຕ້າລີແລະອື່ນໆ.ເນື່ອງຈາກວ່າແຂວງຢຸນນານຕັ້ງຢູ່ເຂດພູພຽງ,ດັ່ງນັ້ນຄວາມໄວຂອງລົດໄຟຄວາມໄວສູງຈາກຄຸນໝິງຫາຕ້າລີທີ່ໄວທີ່ສຸດແມ່ນ200ກິໂລແມັດຕໍ່ຊົ່ວໂມງ.

ລາຄາປີ້ລົດໄຟ:
ຄຸນໝິງ-ສູ້ສົງ:71ຢວນ
ຄຸນໝິງ-ຕ້າລີ:145ຢວນ
ລົດໄຟຄວາມໄວສູງຄຸນໝິງ-ສູ້ສົງ-ຕ້າລີຈະເລີ່ມຂາຍປີ້ລົດໄຟໃນເວລາ 18ໂມງຂອງວັນທີ29ເດືອນມິຖຸນາ.

ຄວາມຖີ່ຂອງການອອກລົດ:
ຕາມປົກກະຕິແລ້ວ,ຄວາມຖີ່ຂອງການອອກລົດໄຟຄວາມໄວສູງຄຸນໝິງ-ຕ້າລີແມ່ນ21,5ຂະບວນໃນແຕ່ລະມື້, ສະເລ່ຍ25ນາທີອອກລົດຫນຶ່ງຂະບວນ, ໄວສຸດແມ່ນ12ນາທີກໍ່ມີການອອກຫນຶ່ງຂະບວນ.
ເມືອງຕ້າລີຕັ້ງຢູ່ພາກຕາເວັນຕົກຂອງແຂວງຢຸນນານ,ເປັນເມືອງທ່ອງທ່ຽວທີ່ມີຊື່ສຽງພາຍໃນແຂວງຢຸນນານແລະທົ່ວປະເທດ.