ເລີ່ມແຕ່ວັນທີ 1 ກໍລະກົດນີ້ເປັນຕົ້ນໄປ, ຈີນຈະຫຼຸດພາສີນຳເຂົ້າຂອງຜະລິດຕະພັນຈຳນວນໜຶ່ງ ເຊັ່ນລົດຍົນແລະເຄື່ອງບໍລິໂພກປະຈຳວັນເປັນຕົ້ນໃຫ້ໜ້ອຍລົງຢ່າງຫຼວງຫຼາຍ. ຜູ້ຊ່ຽວຊານກ່າວວ່າ, ຫຼຸດພາສີອາກອນ ບໍ່ພຽງແຕ່ເຮັດໃຫ້ປະຊາຊົນໄດ້ຮັບຜົນປະໂຫຍດຕົວຈິງຫຼາຍກວ່າເກົ່າເທົ່ານັ້ນ, ຍັງສາມາດຊຸກຍູ້ວິສາຫະກິດຫັນປ່ຽນຮູບແບບແລະຍົກລະດັບການຜະລິດ, ພ້ອມທັງເຮັດໃຫ້ຕະຫຼາດທົ່ວໂລກໄດ້ຮັບຜົນປະໂຫຍດເຊັ່ນດຽວກັນອີກ.
ນັບແຕ່ວັນທີ 1 ກໍລະກົດປີນີ້ເປັນຕົ້ນໄປ, ຈີນຈະຫຼຸດພາສີນຳເຂົ້າຂອງລົດຍົນໃຫ້ໜ້ອຍລົງຢ່າງຫຼວງຫຼາຍ ຄືຈາກ 25% ແລະ 20% ຫຼຸດລົງເຖິງ 15%; ອັດຕານຳເຂົ້າຂອງເຄື່ອງອາໄລ່ລົດຫຼຸດລົງເປັນ 6% ເຊິ່ງສະເລ່ຍແລ້ວໄດ້ຫຼຸດລົງ 46%. ມື້ດຽວກັນ, ຈີນຍັງຈະຫຼຸດພາສີນຳເຂົ້າຂອງເຄື່ອງບໍລິໂພກປະຈຳວັນໃຫ້ໜ້ອຍລົງຢ່າງຫຼວງຫຼາຍ, ເພື່ອຕອບສະໜອງຄວາມຮຽກຮ້ອງຕ້ອງການທາງບໍລິໂພກແບບມີຫຼາຍສີສັນຂອງປະຊາຊົນໃຫ້ດີກວ່າເກົ່າ.
ກ່ອນໜ້ານີ້ ຈີນເຄີຍກ່າວຫຼາຍເທື່ອມາແລ້ວວ່າ, ຈະເປີດປະຕູກວ້າງກວ່າເກົ່າ,ເຊິ່ງບໍ່ພຽງແຕ່ຈະສ້າງຜົນປະໂຫຍດໃຫ້ປະຊາຊົນຈີນເທົ່ານັ້ນ, ຍັງຈະສ້າງໂອກາດຫຼາຍກວ່າເກົ່າໃຫ້ແກ່ວິສາຫະກິດຂອງປະເທດອື່ນໃນໂລກອີກດ້ວຍ.