ດຍຕອບສະໜອງຕາມການເຊື້ອເຊີນຂອງທ່ານ ບອຍໂຄ ໂບຣິຊອຟ ນາຍົກລັດຖະມົນຕີບຸນກາລີ ແລະ ທ່ານນາງ ແອງເກວລາ ເມີແຄວ ນາຍົກລັດຖະມົນຕີເຢຍລະມັນ, ທ່ານ ຫຼີເຄີ້ສຽງ ນາຍົກລັດຖະມົນຕີຈີນໄດ້ອອກເດີນທາງຈາກນະຄອນຫຼວງປັກກິ່ງໂດຍເຮືອບິນພິເສດໃນຕອນເຊົ້າວັນທີ 5 ກໍລະກົດນີ້ ເພື່ອຢ້ຽມຢາມບຸນກາລີຢ່າງເປັນທາງການ ແລະເຂົ້າຮ່ວມການພົບປະລະຫວ່າງຜູ້ນຳຈີນ-ປະເທດເອີຣົບກາງເອີຣົບຕາເວັນອອກຄັ້ງທີ 7, ຈາກນັ້ນ ທ່ານຈະເດີນທາງໄປເຢຍລະມັນເພື່ອເປັນປະທານຮ່ວມຂອງກອງປະຊຸມປຶກສາຫາລືລະຫວ່າງລັດຖະບານຈີນ-ເຢຍລະມັນຄັ້ງທີ 5 ແລະຢ້ຽມຢາມເຢຍລະມັນຢ່າງເປັນທາງການ.
ທ່ານນາງ ເຊີງຮົງ ພັນລະຍາຂອງທ່ານ ຫຼີເຄີ້ສຽງ, ທ່ານ ຊ່ຽວເຈຍ ທີ່ປຶກສາແຫ່ງລັດ ທັງເປັນເລຂາທິການໃຫຍ່ລັດຖະບານຈີນ, ທ່ານ ເຮີລີ້ເຟິ່ງ ຮອງປະທານສະພາປຶກສາການເມືອງປະຊາຊົນແຫ່ງຊາດຈີນ ທັງເປັນປະທານຄະນະກຳມະການພັດທະນາແລະປະຕິຮູບແຫ່ງຊາດຈີນ ໄດ້ຮ່ວມເດີນທາງກັບທ່ານ ຫຼີເຄີ້ສຽງ ໄປຢ້ຽມຢາມປະເທດເຫຼົ່ານັ້ນເຊັ່ນດຽວກັນ.