ເວທີປຶກສາຫາລືການພັດທະນາຊາວໜຸ່ມສອງຝັ່ງຊ່ອງແຄບໄຕ້ຫວັນຄັ້ງທຳອິດທີ່ອົງການກອງທຶນການສຶກສາສັນຕິພາບຊິ່ງຢ້ຽນຈົ່ງຮວາໄຕ້ຫວັນແລະອົງການຈັດຕັ້ງທາງສັງຄົມທີ່ກ່ຽວຂ້ອງຂອງແຜ່ນດິນໃຫຍ່ຈີນຮ່ວມກັນເປັນເຈົ້າພາບໄດ້ຈັດຂຶ້ນຢູ່ນະຄອນຫັງໂຈ່ວໃນວັນທີ 8 ກໍລະກົດນີ້.
ຫົວຂໍ້ຂອງເວທີປຶກສາຫາລືຄັ້ງນີ້ແມ່ນ “ຮ່ວມມືກັນສ້າງຍຸກໃໝ່”,ເພື່ອສ້າງເວທີແຫ່ງການແລກປ່ຽນໃຫ້ແກ່ຊາວໜຸ່ມຂອງສອງຝັ່ງຊ່ອງແຄບໄຕ້ຫວັນ. ໃນເວທີປຶກສາຫາລື, ແຂກຜູ້ມີກຽດຈາກສອງຝັ່ງຊ່ອງແຄບ 8 ທ່ານໄດ້ກ່າວປາໄສທີ່ສຳຄັນໂດຍປິ່ນອ້ອມຫົວຂໍ້ຊາວໜຸ່ມແລະຍຸກໃໝ່ຂອງສອງຝັ່ງຊ່ອງແຄບໄຕ້ຫວັນ, ວິໄສທັດແລະຊ່ອງທາງຂອງການພັດທະນາຊາວໜຸ່ມ. ຊາວໜຸ່ມຈາກສອງຝັ່ງຊ່ອງແຄບໄຕ້ຫວັນ 500 ກວ່າຄົນໄດ້ເຂົ້າຮ່ວມເວທີປຶກສາຫາລື,ພ້ອມທັງຈະທັດສະນະຢ້ຽມຢາມເມືອງເຈ່ຍຊິ່ງ,ເມືອງຫູໂຈ່ວ,ເມືອງຊ້າວຊິ່ງແລະອື່ນໆໂດຍແບ່ງເປັນຈຸຫຼັງຈາກສິ້ນສຸດເວທີປຶກສາຫາລືແລ້ວ.