ເຂື່ອນໄຟຟ້າຢູ່ແຂວງອັດຕະປືພັງທະລາຍ

ວັນທີ 23 ກໍລະກົດ 2018 ຝາຍກັນນໍ້າ D ຂອງໂຄງການເຂື່ອນໄຟຟ້າ ເຊປຽນ-ເຊນໍ້ານ້ອຍ ຕັ້ງຢູ່ເຂດບ້ານລາດສະສິນ ເມືອງປາກຊ່ອງ ແຂວງຈຳປາສັກ ຫຍຸບໂຕ ແລະ ແຕກ, ເຮັດໃຫ້ມວນນໍ້າມະຫາສານໄຫຼລົ້ນຝາຍກັັນນໍ້າ D ປະມານ 2.000 ມ3/ວິນາທີ ແລ້ວໄຫລລົງສູ່ສາຍນໍ້າເຊປຽນ ຖ້ວມບ້ານປະຊາຊົນເຂດລຸ່ມເຂື່ອນ ທີ່ອາໃສຢູ່ໃກ້ແຄມນໍ້າເຊປຽນ ຈໍານວນ 6 ບ້ານ ເມືອງສະໜາມໄຊ ແຂວງອັດຕະປື ໄດ້ຮັບຜົນກະທົບໂດຍກົງເຮັດ ໃຫ້ເຮືອນປະຊາຊົນໄຫຼໄປນໍ້າກະແສນໍ້າຈໍານວນຫລາຍຫຼັງຄ່າເຮືອນ.

ຜົນກະທົບເບື້ອງຕົ້ນ
ປະຊາຊົນຈໍານວນ 6 ບ້ານຄື : ບ້ານແພໃຫຍ່, ບ້ານໃໝ່, ບ້ານຫີນລາດ, ບ້ານທ່າແສງຈັນ, ບ້ານສະໜອງ, ບ້ານ ທ່າຫີນ, ເມືອງສະໜາມໄຊ ແຂວງອັດຕະປື ໄດ້ຮັບຜົນກະທົບໂດຍກົງ, ປະຊາຊົນແມ່ນຕິດຄ້າງຢູ່ກາງນໍ້າ, ຫຼັງຄ່າເຮືອນ,ຕົ້ນໄມ້ ແລະ ໄຫລໄປນໍານໍ້າຈໍານວນຫລວງຫລາຍ ຍ້ອນປະລິມານນໍ້າທີ່ສູງຖ້ວມຮອດຫຼັງຄ່າເຮືອນ. ຄາດວ່າມີປະຊາຊົນ ຈໍານວນ 1.370 ຄອບຄົວ ປະຊາຊົນ ຈໍານວນ 6.630 ຄົນໄດ້ຮັບຜົນກະທົບ, ໃນນີ້ປະຊາຊົນບ້ານໃໝ່ ແລະ ບ້ານຫີນລາດ ເມືອງສະໜາມໄຊ ແຂວງອັດຕະປື ໄດ້ຮັບຜົນກະທົບຫລາຍທີ່ສຸດ.

ມາດຕະການເບື້ອງຕົ້ນ
1)ອຳນາດການປົກຄອງແຂວງຈໍາປາສັກ ແລະ ແຂວງອັດຕະປື ໄດ້ສົມທົບກັບຂະແໜງການກ່ຽວຂ້ອງຂັ້ນສູນກາງ, ຂັ້ນແຂວງ, ເມືອງ ແລະ ບໍລິສັດ ລົງຕິດຕາມກວດກາເຫດການສຸກເສີນ ແລະ ຊ່ວຍເຫລືອເຄື່ອງບໍລິໂພກ ແລະ ອົບພະຍົບເຄື່ອນຍ້າຍປະຊາຊົນທີ່ໄດ້ຮັບຜົນກະທົບໄປບ່ອນທີ່ປອດໄພ ພ້ອມເຝົ້າລະວັງຕະຫລອດ 24 ຊົ່ວໂມງ;
2)ຄຳເຫັນ ກຕຊສ
-ສາເຫດທີ່ເຮັດໃຫ້ຝາຍກັນນຳ້ D (Saddle Dam D) ເກີດອຸປະຕິເຫດຫຍຸບໂຕ ແລະ ແຕກ ອາດເກີດຈາກການກໍ່ສ້າງບໍ່ຖືກຕ້ອງຕາມເຕັກນິກ ແລະ ການຄິດໄລ່ບໍລິມາດເກັບກັກນໍ້າ ເຂົ້າອ່າງເກັບນໍ້າບໍ່ຖືກຕ້ອງ, ເຊິ່ງ ກຕຊສ ຈະໄດ້ສົມທົບກັບຂະແໜງການທີ່ກ່ຽວຂ້ອງເພີ່ມຕື່ມ;

ເຂື່ອນໄຟຟ້າຢູ່ແຂວງອັດຕະປືພັງທະລາຍ ລັດຖະບານລາວແຈ້ງທິດຊີ້ນຳແລະຕົກລົງທັນທີ

ເຂື່ອນໄຟຟ້າແຫ່ງໜຶ່ງຢູ່ແຂວງອັດຕະປືພັງທະລາຍ ເຊິ່ງເຮັດໃຫ້ປະຊາຊົນຫຼາຍຄົນຢູ່ທ້ອງຖິ່ນດັ່ງກ່າວເສຍຊີວິດ, ອີກຫຼາຍຮ້ອຍຄົນຫາຍສາບສູນ, ຈີນຂໍສະແດງຄວາມໄວ້ອາໄລຢ່າງເລິກເຊິ່ງຕໍ່ຜູ້ປະສົບເຄາະຮ້າຍ ແລະຫວັງວ່າເຂດແລະປະຊາຊົນທີ່ປະສົບໄພຈົ່ງຟື້ນຟູປົກກະຕິໂດຍໄວ. ວັນທີ 24 ກໍລະກົດນີ້, ຫ້ອງວ່າການສຳນັກງານນາຍົກລັດຖະມົນຕີສ ປ ປ ລາວໄດ້ແຈ້ງທິດຊີ້ນຳແລະຕົກລົງຂອງກອງປະຊຸມລັດຖະບານມາຍັງບັນດາທ່ານຊາບດັ່ງນີ້:(ແຫລງຂ່າວຈາກ:CRI-FM93)

ທ່ານນາຍົກລັດຖະມົນຕີ ພ້ອມດ້ວຍຄະນະ ໄດ້ບິນດ່ວນໃນເຊົ້າວັນ 24 ກໍລະກົດ 2018ນີ້, ເພື່ອເດີນທາງລົງໄປແຂວງອັດຕະປື, ເພື່ອຮ່ວມແຮງຮ່ວມຈິດເປັນໜຶ່ງທົ່ວປວງຊົນລາວທັງຊາດ ຊ່ວຍເຫຼືອປະຊາຊົນຍົກຍ້າຍຈາກບ້ານຫີນລາດ, ບ້ານໃໝ່, ບ້ານສະໝອງ, ບ້ານທ່າແສງຈັນ, ບ້ານທ່າຫີນ, ບ້ານໂຄກກ່ອງ ແລະ ບັນດາບ້ານລຽບຕາມສາຍເຊປຽນ ເມືອງສະໜາມໄຊ ແຂວງອັດຕະປື.(ແຫລງຂ່າວຈາກ Mahason Magazine)

ຕອນເຊົ້າວັນທີ 25 ກໍລະກົດ 2018ນີ້, ທີມງານນັກຂ່າວ CRI ປະຈຳລາວ ໄດ້ເດີນທາງດ້ວຍເຮືອບິນ QV305

ຈາກນະຄອນຫວງວຽງຈັນລົງສູ່ສະຫມານບິນນະຄອນຈຳປາສັກ. ຫລັງຈາກນັ້ນ, ໄດ້ຂີ່ລົດເດີນທາງມຸ້ງໜ້າສູ່ເມືອງສະໜາມໄຊ ແຂວງອັດຕະປື ເພື່ອລາຍງານສະພາບນໍ້າຖ້ວມ ຈາກສາເຫດຄູກັ້ນນໍ້າເຂື່ອນເຊປຽນ-ເຊນໍ້ານ້ອຍ, ເມືອງສະໜາມໄຊ, ແຂວງອັດຕະປືແຕກ ໃນຄືນວັນທີ 23 ກໍລະກົດ2018 ແລະປະຊາຊົນຫລາຍບ້ານ, ສັດລ້ຽງ, ເຄື່ອງປູກ ແລະອື່ນໆຮັບຜົນເສຍຫາຍຈາກເຫດການດັ່ງກ່າວ.
ສ່ວນສະຖານະການຈະເປັນແນວໃດນັ້ນ ທີມງານນັກຂ່າວ CRI ປະຈໍາລາວ ຈະລາຍງານໃຫ້ຮູ້ທຸກໄລຍະ ຢ່າລືມຕິດຕາມ.(ແຫລງຂ່າວຈາກ:CRI-FM93)

ທີມນັກຂ່າວCRI ປະຈໍາລາວກຽມເຂົ້າສານ,​ອາຫານແຫ້ງ, ຢາປົວພະຍາດ ແລະເຄື່ອງໃຊ້ທີ່ຈຳເພື່ອໄປສົມທົບຊ່ວຍເຫລືອຜູ້ປະສົບໄພທີ່ແຂວງອັດຕະປື.​(ແຫລງຂ່າວຈາກ:CRI-FM93)

  

ພາບບັນຍາກາດການເຄືອນຍ້າຍ ພໍ່ແມ່ປະຊາຊົນ ເມືອງສະຫນາມໄຊ ແຂວງອັດຕະປື ທີ່ລໍຖ້າຄວາມຊ່ວຍເຫລືອຈາກພີ່ນ້ອງປະຊາຊົນລາວທຸກທົ່ວຫນ້າ.​(ແຫລງຂ່າວຈາກ:CRI-FM93)

  

ພົບຜູ້ເສຍຊີວິດແລ້ວ 26 ລາຍຈາກເຫດການໄຟນໍ້າຖ້ວມເມືອງສະໜາມໄຊ ສ່ວນຕົວເລກຜູ້ສູນຫາຍຍັງລະບຸຈຳນວນບໍ່ໄດ້.(ແຫລງຂ່າວຈາກ:ABC Lao news)

ຄຣິບຂອງຍົນ Ma-60 ຂອງບໍລິສັດລາວເດີນອາກາດ Lao skyway ກະກຽມ ບິນໄປແຂວງອັດຕະປື ໃນເວລາ 14:00 ໂມງ ຂອງວັນທີ່ 25/07/2018 ເພື່ອນຳສົ່ງຊ່ຽວຊານຈີນ ຫນ່ວຍກູ້ໄພທະຫານ ແລະອຸປະກອນການແພດ ອຸປະກອນສື່ສານຂອງບໍລິສັດລາວໂທລະຄົມ ທີ່ສະຫນາມບິນວັດໄຕ .