ຕອນເຊົ້າວັນທີ 6 ສິງຫານີ້, ພິທີສ້າງຕັ້ງຄະນະຜູ້ແທນກິລາຈີນເພື່ອເຂົ້າຮ່ວມງານມະຫາກຳກິລາອາຊີຫຼືເອຊຽນເກມຄັ້ງທີ 18 ໄດ້ຈັດຂຶ້ນຢູ່ສຳນັກງານອົງການກິລາແຫ່ງຊາດ, ຄະນະຜູ້ແທນດັ່ງກ່າວປະກອບດ້ວຍນັກກິລາ 845 ຄົນຈະເຂົ້າຮ່ວມການແຂ່ງຂັນ 38 ປະເພດກິລາ 376 ລາຍການຂອງເອຊຽນເກມຄັ້ງນີ້.
ຕາມຂ່າວແຈ້ງວ່າ, ເອຊຽນເກມຄັ້ງນີ້ໄດ້ຈັດໃຫ້ມີການແຂ່ງຂັນທັງໝົດ 40 ປະເພດກິລາມີ 465 ລາຍການ, ໃນນີ້, ມີ 32 ປະເພດໃນ 330 ລາຍການເປັນລາຍການທີ່ແຂ່ງຂັນໃນງານກິລາໂອລິມປິກໂຕກຽວ 2020. ຈຸດພິເສດໜຶ່ງຂອງເອຊຽນເກມຄັ້ງນີ້ກໍຄືຈັດໃຫ້ມີລັກສະນະແບບງານກິລາໂອລິມປິກໂຕກຽວໃຫ້ຫຼາຍເທົ່າທີ່ຈະຫຼາຍໄດ້ ຂະນະດຽວກັນ, ລາຍການແຂ່ງຂັນທີ່ບໍ່ແມ່ນລາຍການໂອລິມປິກຂອງເອຊຽນເກມຄັ້ງນີ້ກໍຈະພະຍາຍາມເນັ້ນໃຫ້ເຫັນສີສັນພິເສດຂອງອາຊີ.
ງານມະຫາກຳກິລາອາຊີຄັ້ງທີ 18 ຈະໄຂຂຶ້ນຢູ່ນະຄອນຫຼວງຈາກາຕາ ປະເທດອິນໂດເນເຊຍໃນວັນທີ 18 ສິງຫານີ້, ນະຄອນປາເລັມບັງຈະເປັນຕົວເມືອງປະສານງານຈັດງານຄັ້ງນີ້.