ຜ​ະ​ລິດ​ຕະ​ພັນກົນ​ຈັກ ແລະ​ເຄື່ອງ​ຜະ​ລິດ​ໄຟ​ຟ້າ​ຂອງ​ຈີນ​ໄດ້​ຮັບ​ຄວາມ​ນິ​ຍົມ​​ຢູ່​ຟິ​ລິບ​ປິນ

2018-08-17 12:07:44 |ມາຈາກ: CRI

ວັນ​ທີ 16 ສິງ​ຫາ​ນີ້, ງານ​ວາງ​ສະ​ແດງ​ຜະ​ລິດ​ຕະ​ພັນກົນ​ຈັກ ແລະ​ເຄື່ອງ​ຜະ​ລິດ​ໄຟ​ຟ້າ​​ຈີນ​ຄັ້ງ​ທີ 14 ທີ່​ກະ​ຊວງ​ການ​ຄ້າ​ຈີນ​ເປັນ​ເຈົ້າ​ພາບ, ກົມ​ພັດ​ທະ​ນາ​ການ​ຄ້າ​ກັບ​ຕ່າງ​ປະ​ເທດ ແລະ​ສະ​ພາ​ການ​ຄ້າ​ຂາ​ເຂົ້າ​ຂາ​ອອກ​ຜ​ະ​ລິດ​ຕະ​ພັນ​ເຄື່ອງ​ຈັກ ແລະ​ເຄື່ອງ​ຜະ​ລິດ​ໄຟ​ຟ້າຈີນ​ຮ່ວມ​ກັນ​ປະ​ຕິ​ບັດ​ການ​ນັ້ນ​​ໄດ້ຈັດ​ຂຶ້ນ​ຢູ່​ຫໍ​ປະ​ຊຸມSMX ​ທີ່​ນະ​ຄອນຫຼວງ​ມະ​ນີ​ລາ​ປະ​ເທດ​ຟິ​ລິບ​ປິນ, ມີ​ຜ​ະ​ລິດ​ຕະ​ພັນ 72 ຍິ່​ຫໍ້​ຊື່​ດັງ​ຂອງ​ຈີນ​ໄດ້​ເຂົ້າ​ຮ່ວມ​ງານ​ວາງ​ສະ​ແດງ​ຄັ້ງ​ນີ້, ເຊິ່ງ​ມີ​ເນື້ອ​ທີ່​ການ​ວາງ​ສະ​ແດງ 3000 ກວ່າ​ຕາ​ແມັດ, ແລະ​ຈະ​ຈັດ​ການ​ວາງ​ສະ​ແດງ​ເປັນ​ເວ​ລາ 3 ມື້.

ທ່ານ​ຫວາງ​ກຸ້ຍ​ຊິ່ງ, ຮອງ​ປະ​ທານສະ​ພາ​ການ​ຄ້າ​ຂາ​ເຂົ້າ​ຂາ​ອອກ​ຜ​ະ​ລິດ​ຕະ​ພັນກົນ​ຈັກ ແລະ​ເຄື່ອງ​ຜະ​ລິດ​ໄຟ​ຟ້າຈີນ​ແຈ້ງ​ໃຫ້​ຊາບ​ວ່າ, ງາ​ນ​ວາງ​ສະ​ແດງ​ດັ່ງ​ກ່າວ​ໄດ້ຈັດ​ຂຶ້ນຢູ່​ຟິ​ລິບ​ປິນ​ເປັນ​ຄັ້ງ​ທຳ​ອິດ​ເມື່ອ​ປີ 2005, ມາ​ຮອດ​ປະ​ຈຸ​ບັນໄດ້​ຈັດ 13 ຄັ້ງ​ລຽນ​ຕິດ.

ຕາມ​ຂ່າວ​ແຈ້ງວ່າ, ຜະ​ລິ​ດ​ຕະ​ພັນ​ຕ່າງໆ​ຂອງ​ຈີນ, ເຊັ່ນ, ກົ​ນ​ຈັກ​ສຳ​ລັບ​ບໍ່​ແຮ່, ຈັກ​ໄຟ​ຟ້າ, ລົດ​ບັນ​ທຸກ​ນ້ຳ​ໜັກ​ຂະ​ໜາດ​ນ້ອຍ, ລົດ​ໃຊ້​ທາງ​ກະ​ສິ​ກຳ, ​ກົນ​ຈັກ​ກະ​ສິ​ກຳ, ​ກົ​ນ​ຈັກ​ວິ​ສະ​ວະ​ກຳ​ແລະ​ອື່ນໆ, ຍ້ອນ​​ເປັນ​ຜະ​ລິດ​ຕະ​ພັນ​ທີ່ແລະ​ຄຸນ​ນະ​ພາບ​​ດີ​ແຕ່​ລາ​ຄ​າ​ບໍ່​ແພງ, ​ທັງສອດ​ຄ່ອງ​ກັບ​ຄວາມ​ຕ້ອງ​ການ​ຂອງ​ຕະຫຼາດ​ຟິ​ລິບ​ປິນ, ຈຶ່ງ​ໄດ້​ຮັບ​ຄວາມ​ນິ​ຍົມ​ຊົມ​ຊອບ​ຈາກ​ລູກ​ຄ້າ​ຢູ່​ຟິ​ລິບ​ປິນ.