ທ່ານສີຈິ້ນຜິງພົບປະກັບປະທານາທິບໍດີຊູດັງ
ວັນທີ 2 ກັນຍານີ້, ທ່ານສິຈິ້ນຜິງ ປະທານປະເທດຈີນໄດ້ພົບປະກັບທ່ານໂອມາຣ ອັນບາຊີຣ ປະທານາທິບໍດີຊູດັງຢູ່ຫໍສະພາປະຊາຊົນທີ່ນະຄອນຫຼວງປັກກິ່ງ.
ທ່ານສີຈິ້ນຜິງກ່າວວ່າ: ຊູດັງເປັນປະເທດທີ່ມີອິດທິພົນທີ່ສຳຄັນໃນທະວີບອາຟຣິກາ ກໍຄືໂລກອາຣັບ. ການຮ່ວມມືຕົວຈິງລະຫວ່າງຈີນ ແລະຊູດັງໄດ້ຊຸກຍູ້ການພັດທະນາເສດຖະກິດຂອງສອງປະເທດຢ່າງແຂງແຮງ ເຊິ່ງເປັນຕົວແບບຂອງການຮ່ວມມືໃຕ້ໃຕ້. ຈີນຍິນດີຕ້ອນຮັບຊູດັງເຂົ້າຮ່ວມການກໍ່ສ້າງ “ໜຶ່ງແລວໜຶ່ງເສັ້ນທາງ”, ຫວັງວ່າຖືໂອກາດນີ້ ຈະສາມາດຊຸກຍູ້ການຮ່ວມມືດ້ານພະລັງງານຂອງສອງຝ່າຍໃຫ້ໄດ້ຮັບຄວາມຄືບໜ້າໃໝ່ ແລະສ້າງຮູບແບບໃໝ່ການຮ່ວມມືດ້ານຂະແໜງການກະສິກຳ.
ທ່ານບາຊີຣກ່າວວ່າ: ຊູດັງ ແລະຈີນມີຄວາມໄວ້ເນື້ອເຊື່ອໃຈກັນດ້ານການເມືອງຢ່າງໜັກແໜ້ນ ແລະມີໄມຕີຈິດມິດຕະພາບອັນເປັນມູນເຊື້ອທີ່ເລິກເຊິ່ງ. ຊູດັງຍ້ອງຍໍ ແລະສະໜັບສະໜູນຂໍ້ລິເລີ່ມ “ໜຶ່ງແລວໜຶ່ງເສັ້ນທາງ”, ສະໜັບສະໜູນຄວາມເຫັນກ່ຽວກັບການກໍ່ສ້າງປະຊາຄົມຮ່ວມຊາຕາກຳຈີນ-ອາຟຣິກາຢ່າງແໜ້ນແຟ້ນຍິ່ງໆຂຶ້ນ, ຂອບອົກຂອບໃຈຈີນທີ່ສະໜັບສະໜູນພາລະກິດສັນຕິພາບ ແລະການພັດທະນາຂອງອາຟຣິກາ ແລະຍິນດີເພີ່ມທະວີການຮ່ວມມືຕົວຈິງລະຫວ່າງສອງຝ່າຍ ກໍຄືການປະສານສົມທົບດ້ານວຽກງານສາກົນ ແລະພາກພື້ນ.