ກອງປະຊຸມໂຕະມົນຜູ້ນຳກອງປະຊຸມສຸດຍອດປັກກິ່ງເວທີປຶກສາຫາລືການຮ່ວມມືຈີນ-ອາຟຣິກາໄດ້ຈັດຂຶຶ້ນຢູ່ຫໍສະພາປະຊາຊົນນະຄອນຫຼວງປັກກິ່ງໃນວັນທີ 4 ກັນຍານີ້.
ທ່ານສີຈິ້ນຜິງ ປະທານປະເທດຈີນ ແລະ ທ່ານມາຕາເມລາ ຊີຣິນ ຣາມາໂຟຊາ ປະທານາທິບໍດີອາຟຣິກາໃຕ້ ເປັນປະທານຮ່ວມກອງປະຊຸມດັ່ງກ່າວ ເພື່ອຈັດການປຶກສາຫາລືທັງຕອນເຊົ້າ ແລະ ຕອນບ່າຍ, ຜູ້ນຳຈີນ ແລະ ອາຟຣິກາຈະລົງເລິກແລກປ່ຽນຄວາມເຫັນ ກ່ຽວກັບການຂະຫຍາຍການພົວພັນຈີນ-ອາຟຣິກາ ພ້ອມດ້ວຍບັນຫາສາກົນ ແລະ ພາກພື້ນທີ່ມີຄວາມສົນໃຈຮ່ວມກັນ, ກອງປະຊຸມຈະຜ່ານ “ຖະແຫຼງການປັກກິ່ງກ່ຽວກັບການສ້າງປະຊາຄົມຮ່ວມຊາຕາກຳຈີນ-ອາຟຣິກາທີ່ແໜ້ນແຟ້ນກວ່າເກົ່າ” ແລະ “ແຜນການດຳເນີນງານປັກກິ່ງຂອງກອງປະຊຸມເວທີປຶກສາຫາລືການຮ່ວມມືຈີນ-ອາຟຣິກາ ປີ 2019 - 2021”.