ກອງປະຊຸມເວທີປຶກສາຫາລືການລົງທຶນຢູ່ອາຟຣິກາຄັ້ງທີ 4 ເຊິ່ງແມ່ນກະຊວງການເງິນຈີນ, ທະນາຄານພັດທະນາຈີນ, ອຳນາດການປົກຄອງແຂວງຫູໜານ ສປ ຈີນ ແລະ ທະນາຄານໂລກຮ່ວມເປັນເຈົ້າພາບ ໄດ້ຈັດຂຶ້ນໃນວັນທີ 6 ກັນຍານີ້ຢູ່ນະຄອນສາງຊ່າ ເທດສະບານແຂວງຫູໜານ.
ກອງທຶນພັດທະນາຈີນ-ອາຟຣິກາ ໄດ້ເສີມຂະຫຍາຍບົດບາດເປັນຂົວຕໍ່ລະຫວ່າງວິສາຫະກິດຈີນແລະໂຄງການຕ່າງໆຂອງອາຟຣິກາ ແລະ ໄດ້ເຊັນສັນຍາຮ່ວມມືກັບລັດຖະບານບັນດາປະເທດອາຟຣິກາ, ວິສາຫະກິດຂອງຈີນແລະອາຟຣິກາ ແລະ ອົງການຈັດຕັ້ງສາກົນຫຼາຍສະບັບ ໂດຍໄດ້ກວມເອົາຂົງເຂດຕ່າງໆ ເຊັ່ນ: ການຮ່ວມມືດ້ານຄວາມສາມາດການຜະລິດ, ພື້ນຖານໂຄງລ່າງ, ການປິ່ນປົວພະຍາດ-ຊີວິດການເປັນຢູ່ຂອງປະຊາຊົນ ແລະ ການຮ່ວມມືດ້ານການເງິນ.
ກອງທຶນພັດທະນາຈີນ-ອາຟຣິກາ ແລະ ຫ້ອງການການຮ່ວມມືໃຕ້-ໃຕ້ອົງການສະຫະປະຊາຊາດຍັງໄດ້ເຊັນສັນຍາຮ່ວມມືດ້ານຍຸດທະສາດກ່ຽວກັບການຊຸກຍູ້ການພັດທະນາກະສິກຳແລະການຫຼຸດຜ່ອນຄວາມທຸກຍາກຢູ່ອາຟຣິກາ ໂດຍສອງຝ່າຍຈະເສີມຂະຫຍາຍທ່າແຮງຂອງຕົນ ແລະ ດຳເນີນການຮ່ວມມືໃນ 4 ດ້ານ ຄື: ຊຸກຍູ້ການຫຼຸດຜ່ອນຄວາມທຸກຍາກຢູ່ອາຟຣິກາ, ຮ່ວມກັນຮຽບຮຽງປື້ມບັນທຶກຕົວຢ່າງໂຄງການລົງທຶນໃຕ້-ໃຕ້ທີ່ດີເດັ່ນ, ການຝຶກອົບຮົມຜູ້ນຳຊາວໜຸ່ມ ແລະ ການສ້າງໂຄງການຕ່າງໆ.