ຕົວເລກສະຖິຕິຫຼ້າສຸດທີ່ອົງການພາສີແຫ່ງຊາດຈີນເປີດເຜີຍໃນວັນທີ 8 ກັນຍານີ້ສະແດງໃຫ້ເຫັນວ່າ, ໃນ 8 ເດືອນຕົ້ນປີນີ້, ມູນຄ່າການຄ້າລະຫວ່າງຈີນແລະອາເມຣິກາບັນລຸເຖິງ 2670 ຕື້ຢວນ, ທຽບໃສ່ໄລຍະດຽວກັນຂອງປີຜ່ານມາໄດ້ເພີ່ມຂຶ້ນ 5,9%, ຈັງຫວະການເຕີບໂຕຫຼາຍກວ່າ 7 ເດືອນຜ່ານມາ 0,7%, ແຕ່ຍັງບໍ່ຮອດ 1 ສ່ວນ 3 ຂອງໄລຍະດຽວກັນຂອງປີຜ່ານມາ.
ໃນຄູ່ຄ້າຕົ້ນຕໍຂອງຈີນນັ້ນ, ຈັງຫວະການເຕີບໂຕດ້ານການຄ້າລະຫວ່າງຈີນແລະອາເມຣິກາໃນ 8 ເດືອນຜ່ານມາຕ່ຳກວ່າຈັງຫວະການເຕີບໂຕການຄ້າລະຫວ່າງຈີນແລະເອີລົບ, ແລະກໍຕ່ຳກວ່າລະຫວ່າງຈີນແລະອາຊຽນ. ໃນໄລຍະດຽວກັນຂອງປີຜ່ານມາ, ຈັງຫວະການເຕີບໂຕດ້ານການຄ້າລະຫວ່າງຈີນແລະອາເມຣິກາສູງກວ່າຈັງຫວະການເຕີບໂຕດ້ານການຄ້າລະຫວ່າງຈີນແລະສະຫະພາບເອີລົບ 3%.
ນອກນີ້ຂ່າວແຈ້ງຕື່ມວ່າ, ໃນ 8 ເດືອນຕົ້ນປີນີ້ຍອດມູນຄ່າຂາເຂົ້າຂາອອກຂອງຈີນໄດ້ເພີ່ມຂຶ້ນ 9,1% ທຽບໃສ່ໄລຍະດຽວກັນຂອງປີຜ່ານມາ, ຂະນະທີ່ການຄ້າລະຫວ່າງຈີນແລະອາເມຣິກາຕ່ຳກວ່າລະດັບສະເລ່ຍ. ແຕ່ໃນໄລຍະດຽວກັນຂອງປີຜ່ານມາ, ການຄ້າລະຫວ່າງຈີນແລະອາເມຣິກາໄດ້ເພີ່ມຂຶ້ນສູງກວ່າລະດັບສະເລ່ຍປະມານ 2%.