ກອງປະຊຸມໜ່ວຍງານການພົວພັນຄູ່ຮ່ວມປະກອບທຸລະກິດແລະການປະດິດສ້າງໃໝ່ທາງວິທະຍາສາດເຕັກນິກປະເທດບຣິກສ໌ຄັ້ງທີ 2 ໄດ້ຈັດຂຶ້ນຢູ່ນະຄອນຄຸນໝິງແຂວງຢຸນນານ ສປ ຈີນໃນວັນທີ 10 ກັນຍານີ້, ຜູ້ຕາງໜ້າຈາກປະເທດບຣິກສ໌ໄດ້ຖອດຖອນບົດຮຽນນຳກັນກ່ຽວກັບຫົວຂໍ້ຕ່າງໆເຊັ່ນ:“ການສ້າງຄັງບຸກຄະລາກອນປະເທດບຣິກສ໌” ແລະຫົວຂໍ້ອື່ນໆ, ພ້ອມທັງໄດ້ເປັນສັກຂີພິຍານການເປີດປ້າຍສູນໂອນຖ່າຍເຕັກໂນໂລຊີປະເທດບຣິກສ໌.
ໜ່ວຍງານການພົວພັນຄູ່ຮ່ວມປະກອບທຸລະກິດແລະການປະດິດສ້າງໃໝ່ທາງວິທະຍາສາດເຕັກນິກປະເທດບຣິກສ໌ໄດ້ຮັບການສະເໜີໃຫ້ສ້າງຕັ້ງຂຶ້ນໃນປີ 2016,ແລະໃນປີ 2017 ໄດ້ຮັບການສ້າງຕັ້ງຢ່າງເປັນທາງການ,ພ້ອມທັງໄດ້ຈັດກອງປະຊຸມໜ່ວຍງານຄັ້ງທຳອິດຢູ່ນະຄອນບັງກາໂລປະເທດອິນເດຍໃນວັນທີ 9 ເມສາປີ 2017. ມາຮອດປັດຈຸບັນ,ໜ່ວຍງານດັ່ງກ່າວໄດ້ເອົາໃຈໃສ່ຊຸກຍູ້ການພັດທະນາການພົວພັນຄູ່ຮ່ວມປະກອບທຸລະກິດແລະການປະດິດສ້າງໃໝ່ທາງວິທະຍາສາດເຕັກນິກຂອງປະເທດບຣິກສ໌ຢ່າງສະເໝີຕົ້ນສະເໝີປາຍ,ຊ່ວຍຊູຍູ້ໜູນກັນໃນການປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ,ຊຸກຍູ້ການພັດທະນາທີ່ຍືນຍົງ ແລະໄດ້ຮັບຜົນສຳເລັດຢ່າງຕັ້ງໜ້າ.