ກອງປະຊຸມລົງທຶນໂລກຄັ້ງທີ 23 ທີ່ຈັດຂຶ້ນໂດຍສະມາຄົມອົງການສົ່ງເສີມການລົງທຶນໂລກ ຫຼື WAIPA ໄດ້ໄຂຂຶ້ນຢູ່ນະຄອນເຊ້ຍເມິນຂອງຈີນໃນວັນທີ 9 ກັນຍານີ້ ເຊິ່ງເປັນຄັ້ງທຳອິດທີ່ WAIPA ຈັດກອງປະຊຸມດັ່ງກ່າວຢູ່ຈີນນັບແຕ່ສ້າງຕັ້ງຂຶ້ນ 23 ປີມານີ້.
ໃນຫຼາຍປີມານີ້, ທ່າອ່ຽງທີ່ປະເທດພັດທະນາແລ້ວເຂົ້າໄປລົງທຶນໂດຍກົງຢູ່ປະເທດພວມພັດທະນານັ້ນ ນັບມື້ນັບຈະແຈ້ງ. ຂະນະດຽວກັນ, ການລົງທຶນເຊິ່ງກັນແລະກັນລະຫວ່າງປະເທດພວມພັດທະນາ ກໍໄດ້ເພີ່ມຂຶ້ນຢ່າງໜັກແໜ້ນ, ເຊິ່ງໄດ້ສ້າງຜົນປະໂຫຍດຢ່າງໃຫຍ່ຫຼວງໃຫ້ກັບເສດຖະກິດໂລກ ໂດຍໄດ້ຊຸກຍູ້ຄວາມຮັ່ງມີແລະຄວາມຈະເລີນຮຸ່ງເຮືອງຂອງໂລກໂດຍກົງ.
ບຸກຄົນທີ່ກ່ຽວຂ້ອງກ່າວວວ່າ, ນີ້ແມ່ນສາເຫດທີ່ WAIPA ຍຶດໝັ້ນຈະສືບຕໍ່ ພັດທະນາສະມາຄົມສົ່ງເສີມການລົງທຶນແລະວິສາຫະກິດ ພາຍໃຕ້ການສະໜັບສະໜູນຈາກອົງການຈັດຕັ້ງສາກົນອື່ນໆແລະປະຊາຄົມໂລກ. ສະນັ້ນ, ກອງປະຊຸມຄັ້ງນີ້ຈຶ່ງໄດ້ໃຫ້ຄວາມສຳຄັນກັບຫົວຂໍ້ທີ່ວ່າ “ຍົກສູງຄວາມສາມາດຂອງສະມາຄົມສົ່ງເສີມການລົງທຶນໃນຍຸກໃໝ່ເພື່ອລົງທຶນໂດຍກົງຢູ່ຕ່າງປະເທດ”.