ໜັງສືພິມເສດຖະກິດລາຍວັນຂອງຈີນໄດ້ລາຍງານຮູ້ວ່າ: ກອງປະຊຸມ ການພັດທະນາສາຍການບິນໂລກປີ 2018 ພາຍໃຕ້ຫົວຂໍ້ “ເຊື່ອມກວາງໂຈ່ວ ເຂົ້າໂລກ” ໄດ້ໄຂຂຶ້ນຢູ່ນະຄອນກວາງໂຈ່ວແຂວງກວາງຕຸ້ງ ສປຈີນ ໃນວັນທີ 16 ກັນຍານີ້ ທັງເປັນກອງປະຊຸມທີ່ມີຂະໜາດໃຫຍ່ທີ່ສຸດໃນປະຫວັດສາດ,ໄດ້ມີບໍລິສັດການບິນ300 ກວ່າແຫ່ງຈາກ 110 ກວ່າປະເທດ ເຂົ້າຮ່ວມ.
ກອງປະຊຸມການພັດທະນາສາຍການບິນໂລກຖືກເອີ້ນວ່າເປັນງານວາງສະແດງໂລກແລະງານໂອລິມປິກຂອງວົງການການບິນໂລກ. ໃນວັນທີ 16 ຫາວັນທີ 17 ກັນຍານີ້, ພາຍໃນກອງປະຊຸມໄດ້ຈັດເວທີປຶກສາຫາລື 3 ຮອບຄື: “ເວທີປຶກສາຫາລືຍຸດທະສາດສູນກາງການບິນສາກົນແລະປະດິດສ້າງໃໝ່ຂອງຕົວເມືອງ” “ເວທີປຶກສາຫາລືເສດຖະກິດອຸດສາຫະກຳທາງອາກາດ” ແລະ “ເວທີປຶກສາຫາລືຕົວເມືອງສະມາດແລະສະໜາມບິນສະມາດ”.