ວັນທີ 28 ກັນຍານີ້, ອົງການຄຸ້ມຄອງເງິນຕາຕ່າງປະເທດແຫ່ງຊາດຈີນໄດ້ເປີດເຜີຍວ່າ: ໃນໄຕມາດທີ 2 ປີ 2018, ມູນຄ່າເກີນດຸນຂອງບັນຊີເງິນຝາກກະແສລາຍວັນຈີນບັນລຸເຖິງ 34 ຕື້ຢວນ, ມູນຄ່າເກີນດຸນຂອງບັນຊີກອງທຶນ ແລະການທະນາຄານຈີນບັນລຸເຖິງ 38,2 ຕື້ຢວນ ໃນນັ້ນ, ມູນຄ່າເກີນດຸນຂອງບັນຊີການທະນາຄານທີ່ບໍ່ແມ່ນຄັງສຳຮອງບັນລຸເຖິງ 191,1 ຕື້ຢວນ, ກອງທຶນຄັງສຳຮອງເພີ່ມຂຶ້ນ 152,6 ຕື້ຢວນ.
ໂຄສົກອົງການຄຸ້ມຄອງເງິນຕາຕ່າງປະເທດແຫ່ງຊາດຈີນກ່າວວ່າ: ໃນໄຕມາດທີ 2 ປີ 2018, ໄດ້ມີ “ການເກີນດຸນ 2 ບັນຊີ” ຄື: ບັນຊີເງິນຝາກກະແສລາຍວັນ ແລະບັນຊີການທະນາຄານທີ່ບໍ່ແມ່ນຄັງສຳຮອງຂອງຈີນ, ກອງທຶນຄັງສຳຮອງເພີ່ມຂຶ້ນ, ລາຍຮັບ ແລະລາຍຈ່າຍສາກົນຮັກສາຄວາມດຸນດ່ຽງໂດຍພື້ນຖານ. ໃນມື້ດຽວກັນ, ອົງການດັ່ງກ່າວຍັງໄດ້ເປີດເຜີຍຂໍ້ມູນທີ່ໄດ້ສະແດງໃຫ້ເຫັນວ່າ: ໃນທ້າຍເດືອນມິຖຸນາປີ 2018, ຈີນມີກອງທຶນທະນາຄານຕໍ່ພາຍນອກ 7037,7 ຕື້ໂດລາສະຫະລັດ, ມີໜີ້ສິນຕ່າງປະເທດ 5297,5 ຕື້ໂດລາສະຫະລັດ ແລະມີສິນຊັບຕ່າງປະເທດສຸດທິ 1740,2 ຕື້ໂດລາສະຫະລັດ.