“ແນວຄິດວ່າດ້ວຍການຍຶດໝັ້ນການຊຸກຍູ້ການສ້າງປະຊາຄົມຮ່ວມຊາຕາກຳຂອງມວນມະນຸດ” ຂອງທ່ານສີຈິ້ນຜິງ ທີ່ຮຽບຮຽງໂດຍສະຖາບັນຄົ້ນຄວ້າປະຫວັດສາດພັກກອມມູນິດຈີນແລະເອກະສານ-ວິທະຍານິພົນດ້ານປະຫວັດສາດສູນກາງພັກກອມມູນິດຈີນ ໄດ້ເລີ່ມພິມຈຳໜ່າຍໃນທົ່ວປະເທດໂດຍສຳນັກພິມຈຳໜ່າຍເອກະສານ-ວິທະຍານິພົນດ້ານປະຫວັດສາດສູນກາງໃນວັນທີ 14 ຕຸລານີ້.
ປື້ມປະມວນຫົວຂໍ້ສະເພາະດັ່ງກ່າວໄດ້ຮວບຮວມບົດຄວາມສຳຄັນຂອງທ່ານສີຈິ້ນຜິງ ທີ່ມີເນື້ອໃນເວົ້າເຖິງແນວຄິດການຍຶດໝັ້ນການຊຸກຍູ້ການສ້າງປະຊາຄົມຮ່ວມຊາຕາກຳຂອງມວນມະນຸດ 85 ບົດ, ປະມານ 320.000 ຕົວໜັງສື.
ການຍຶດໝັ້ນການຊຸກຍູ້ການສ້າງປະຊາຄົມຮ່ວມຊາຕາກຳຂອງມວນມະນຸດ ແມ່ນເນື້ອໃນໃຈຄວາມທີ່ສຳຄັນຂອງແນວຄິດສີຈິ້ນຜິງວ່າດ້ວຍນະໂຍບາຍການຕ່າງປະເທດສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່, ແມ່ນພາກສ່ວນປະກອບທີ່ສຳຄັນຂອງແນວຄິດສີຈິ້ນຜິງ ວ່າດ້ວຍສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ ຈຶ່ງມີຄວາມໝາຍເປັນທິດຊີ້ນຳທີ່ສຳຄັນຢ່າງຍິ່ງຕໍ່ການວາງແຜນໃນສອງສະພາບການລວມທັງພາຍໃນແລະຕ່າງປະເທດຢ່າງເປັນເອກະພາບ, ຍຶດໝັ້ນເດີນໄປຕາມເສັ້ນທາງການພັດທະນາໂດຍສັນຕິຢ່າງສະເໝີຕົ້ນສະເໝີປາຍ, ປະຕິບັດຍຸດທະສາດເປີດປະຕູສູ່ພາຍນອກແບບຕ່າງຝ່າຍຕ່າງມີຜົນປະໂຫຍດ, ຍຶດໝັ້ນທັດສະນະແຫ່ງຄວາມເປັນທຳແລະຜົນປະໂຫຍດທີ່ຖືກຕ້ອງ, ເປັນຜູ້ສ້າງສັນຕິພາບໂລກ, ເປັນຜູ້ປະກອບສ່ວນໃນການພັດທະນາທົ່ວໂລກ ແລະ ເປັນຜູ້ຮັກສາລະບຽບສາກົນຢ່າງສະເໝີຕົ້ນສະເໝີປາຍ ແລະ ສ້າງສະພາບແວດລ້ອມສາກົນທີ່ມີຜົນດີຢ່າງຍິ່ງຕໍ່ການບັນລຸເປົ້າໝາຍສູ້ຊົນ “100 ປີສອງເຫດການ” ແລະ ຄວາມໄຝ່ຝັນຂອງຈີນໃນການຟື້ນຟູຄວາມຈະເລີນຮຸ່ງເຮືອງທີ່ຍິ່ງໃຫຍ່ຂອງຊົນຊາດຈີນ.