ວັນທີ 23 ຕຸລານີ້, ຈີນແລະຫວຽດນາມໄດ້ຈັດພິທີເລີ່ມຕົ້ນການລາດຕະເວນຮ່ວມຕາມຊາຍແດນສອງປະເທດຢູ່ຫຼັກໝາຍຊາຍແດນເລກ 87(1) ຕາແສງໝ໋າອ່ານຕີ ເມືອງຈິ່ນຜິງ ກິ່ງແຂວງຫົງເຫີ ແຂວງຢຸນນານ ໂດຍແຂວງຢຸນນານ ສປ ຈີນ ແລະ ແຂວງລາວກາຍຈະໃຊ້ເວລາ 2 ວັນເພື່ອລາດຕະເວນຮ່ວມຕາມຫຼັກໝາຍຊາຍແດນຫຼາຍແຫ່ງ ທັງຄົ້ນຄວ້າແລະປຶກສາຫາລືການຮ່ວມມືເຂດຊາຍແດນສອງປະເທດ.
ການລາດຕະເວນຮ່ວມເທື່ອນີ້ໄດ້ເລີ່ມຕົ້ນຢູ່ຫຼັກໝາຍຊາຍແດນເລກ 87(1) ແລະ ຕາມຫຼັກໝາຍຊາຍແດນຫຼາຍແຫ່ງ ເຊັ່ນ: ຫຼາກໝາຍຊາຍແດນເລກ 88(1), 90(1) ແລະອື່ນໆ ຈົນເຖິງເລກ 103(1) ເພື່ອກວດເບິ່ງຄວາມສົມບູນຂອງຫຼັກໝາຍຕ່າງໆແລະຄວາມຊັດເຈນຂອງເສັ້ນຊາຍແດນ ທັງປຶກສາຫາລືບັນຫາຕ່າງໆລະຫວ່າງສອງຝ່າຍ ເຊັ່ນ: ການພັດທະນາການຂັບລົດທ່ອງທ່ຽວ, ການທ່ຽວເກາະດອນຕ່າງໆ ແລະ ການສ້າງເຂດຮ່ວມມືດ້ານເສດຖະກິດຕາມຊາຍແດນ.