ວັນທີ 24 ຕຸລານີ້, ການຝຶກຊ້ອມຮ່ວມທາງທະເລຄັ້ງທຳອິດລະຫວ່າງຈີນກັບອາຊຽນໄດ້ກ້າວເຂົ້າສູ່ມື້ສຸດທ້າຍຂອງກິດຈະກຳທ່າເຮືອ-ທາງບົກ, ກຳປັ່ນ 8 ລຳຂອງຈີນ, ບຣູໄນ, ສິງກະໂປ, ໄທ, ຫວຽດນາມ ແລະຟິລິບປິນທີ່ເຂົ້າຮ່ວມການຝຶກຊ້ອມໄດ້ເປີດໂອກາດໃຫ້ຜູ້ເຂົ້າຮ່ວມການຝຶກຊ້ອມທ່ຽວຊົມກຳປັ່ນຂອງປະເທດຕົນເພື່ອ ແລກປ່ຽນບົດຮຽນເຊິ່ງກັນແລະກັນ.
ຫຼັງຈາກກິດຈະກຳທ່າເຮືອ-ທາງບົກສິ້ນສຸດລົງແລ້ວ, ການຝຶກຊ້ອມຮ່ວມທາງທະເລຈີນ-ອາຊຽນ2018 ໄດ້ເຂົ້າສູ່ໄລຍະການຝຶກຊ້ອມທາງທະເລໃນວັນທີ 25 ຕຸລານີ້ ໂດຍເວລາ 6 ໂມງເຊົ້າຂອງມື້ດຽວກັນ, ກຳປັ່ນ 8 ລຳຂອງ 6 ປະເທດດັ່ງກ່າວເລີ່ມເດີນທາງໄປສູ່ເຂດທະເລຝຶກຊ້ອມຈາມເປົ້າໝາຍກຳນົດ ແລະໃນ 2 ມື້ຕໍ່ໜ້ານີ້, ກຳປັ່ນຂອງບັນດາປະເທດຈະຈັດການຝຶກຊ້ອມຕ່າງໆ ເຊັ່ນ ຕັ້ງຂະບວນແລະອອກຈາກທ່າເຮືອ, ການສື່ສານລະຫວ່າງກຳປັ່ນ, ການກູ້ໄພຮ່ວມແລະອື່ນໆຢູ່ເຂດທະເລເມືອງຈ້ານຈ່ຽງໃນທິດຕາເວັນອອກຂອງຈີນ.