ວັນທີ 27 ຕຸລານີ້, ກອງປະຊຸມໃຫຍ່ວິທະຍາທາງຊີວິດຂອງໂລກ 2018 ຈັດຂຶ້ນຢູ່ປັກກິ່ງ, ທ່ານຫຼີເຄີ້ສຽງ ກຳມະການປະຈຳກົມການເມືອງສູນກາງພັກກອມມູນິດຈີນ ນາຍົກລັດຖະມົນຕີຈີນໄດ້ອອກຄຳຊີ້ແຈ້ງອັນສຳຄັນ, ໂດຍກ່າວວ່າ: ວິທະຍາສາດທາງຊີວິດກ່ຽວພັນເຖິງສຸຂະພາບແລະພັດທະນາຂອງມະນຸດ, ໄດ້ກາຍເປັນຂົງເຂດອັນສຳຄັນຂອງການປະດິດສ້າງໃໝ່ດ້ານວິທະຍາສາດເຕັກນິກຂອງຫຼາຍປະເທດ, ວິທະຍາສາດທາງຊີວິດທົ່ວໂລກໄດ້ຜະເຊີນໜ້າກັບໂອກາດການພັດທະນາທີ່ບໍ່ເຄີຍມີມາກ່ອນ. ຈີນພວມປະຕິບັດຍຸດທະສາດທີ່ເອົາການປະດິດສ້າງໃໝ່ມາຊຸກຍູ້ການພັດທະນາແລະຍຸດທະສາດປະເທດຈີນທີ່ມີສຸຂະພາບຢ່າງຮອບດ້ານ, ໄດ້ເພີ່ມທະວີການຄົ້ນຄວ້າວິທະຍາສາດທາງຊີວິດຢ່າງບໍ່ຢຸດຢັ້ງ, ເນັ້ນໜັກພັດທະນາເຕັກນິກໃໝ່ແລະຜະລິດຕະກຳໃໝ່ໃນຂົງເຂດວິທະຍາສາດທາງຊີວິດ, ເລັ່ງລັດບຳລຸງສ້າງພະລັງແຮງໃໝ່ເພື່ອການພັດທະນາ, ຕັ້ງໜ້າຊຸກຍູ້ການແລກປ່ຽນແລະຮ່ວມມືສາກົນ. ຫວັງໃຫ້ແຂກທີ່ເຂົ້າຮ່ວມກອງປະຊຸມຄັງນີ້ຈົ່ງລົງເລິກການແລກປ່ຽນກ່ຽວກັບຫົວຂໍ້ຫຼັກຂອງກອງປະຊຸມ, ເຕົ້າໂຮມຄວາມຮັບຮູ້ຄືກັນ, ເພີ່ມທະວີການຮ່ວມມືຢ່າງບໍ່ຢຸດຢັ້ງ, ຊຸກຍູ້ການຄົ້ວຄວ້າແລະການປະດິດສ້າງເຕັກນິກໃໝ່ໃນວິທະຍາສາດທາງຊີວິດໃຫ້ໄດ້ຮັບການບຸກທະລຸຫຼາຍກວ່າເກົ່າ, ຮ່ວມກັນຮັບມືກັບສິ່ງທ້າທາຍຕ່າງໆຄືພະຍາດຮ້າຍແຮງ, ປະຊາກອນຫັນເປັນຜູ້ເຖົ້າ, ການເຊື່ອມພິດສິ່ງແວດລ້ອມ, ຂາດຊັບພະຍາກອນແລະອື່ນໆ, ຊຸກຍູ້ສັງໂຄມເສດຖະກິດໂລກໃຫ້ພັດທະນາແບບຍຶນຍົງ, ສ້າງຄວາມສຸກໃຫ້ປະຊາຊົນບັນດາປະເທດຫຼາຍກວ່າເກົ່າ.