【ງານວາງສະແດງສິນຄ້ານຳເຂົ້າສາກົນປະເທດຈີນ】
ກາເຟ Starbucks: ຫວັງວ່າສາມາດພັດທະນາຍີ່ຫໍ້ “ເມັດກາເຟຢຸນນານ”ໃຫ້ໂດ່ງດັງໃນທົ່ວໂລກ

2018-11-09 15:30:03 |ມາຈາກ: Yunnan Gateway

ຈາກສວນກາເຟທີ່ເມືອງພູເອີ,ໄປຈົນເຖິງການເລືອກຮ້ານກາເຟທີ່ຕັ້ງຢູ່ໃຈກາງເມືອງຄຸນໝິງ,ທີ່ແຂວງຢຸນນານ Starbucks ໄດ້ບັນລຸຂັ້ນຕອນທັງໝົດຕັ້ງແຕ່ເມັດກາເຟຈົນຮອດຈອກກາເຟ.ໃນປັດຈຸບັນ, Starbucks ໄດ້ດໍາເນີນການປູກຝັງ ການແປຮູບກາເຟແລະການຮ່ວມມືດ້ານອື່ນໆທີ່ແຂວງຢຸນນານ,ລວມທັງໄດ້ເປີດຮ້ານກາເຟຂອງຕົນຈຳນວນ 28 ແຫ່ງໃນທົ່ວແຂວງ,ຍີ່ຫໍ້ Starbucks ໄດ້ກາຍເປັນຍີ່ຫໍ້ທີ່ໄດ້ຮັບຄວາມໄວ້ເນື້ອເຊື່ອໃຈຈາກຊາວສວນຜູ້ປູກຕົ້ນກາເຟແລະໄດ້ຮັບຄວາມນິຍົມຈາກຜູ້ບໍລິໂພກ.

ສຳລັບການຮ່ວມມືກັບແຂວງຢຸນນານໃນອະນາຄົດ,ທ່ານ ຊຸຍຟູ້ຊິວ ຮອງຜູ້ອຳນວຍການສາຂາປະເທດຈີນຂອງບໍລິສັດ Starbucks(ຈີນ)ໄດ້ສະແດງຄວາມຄາດຫວັງເປັນຢ່າງຍິ່ງ.ທ່ານໄດ້ກ່າວວ່າ,ຫລັງຈາກ 20 ປີທີ່ບໍລິສັດ Starbucks ໄດ້ເຂົ້າມາປະເທດຈີນ, ໄດ້ເປີດຮ້ານກາເຟ Starbucks ທັງຫມົດ 3500 ກວ່າແຫ່ງໃນທົ່ວປະເທດແລ້ວ,ໃນໄລຍະນີ້ວິສາຫະກິດໄດ້ເຂົ້າສູ່ໄລຍະການພັດທະນາຢ່າງວ່ອງໄວແລະໃນປີ 2019 ມີແຜນການຈະເພີ່ມສາຂາອີກ 600 ກວ່າແຫ່ງ.

ແຂວງຢຸນນານເປັນສະຖານທີ່ຜະລິດກາເຟທີ່ໃຫຍ່ທີ່ສຸດໃນປະເທດຈີນ,ການເພີ່ມສາຂາຂອງຮ້ານກາເຟ Starbucks ທີ່ນັບມື້ນັບຫຼາຍຂຶ້ນນັ້ນໄດ້ນໍາໂອກາດດ້ານການຮ່ວມມືທີ່ຫຼາຍຂຶ້ນມາສູ່ແຂວງຢຸນນານ. Starbucks ໄດ້ກໍ່ສ້າງສູນກາງສະໜັບສະໜູນຜູ້ປູກຕົ້ນກາເຟທີ່ເມືອງພູເອີແຂວງຢຸນນານ,ເຊິ່ງມີຈຸດປະສົງຊ່ວຍເຫຼືອຊາວສວນຜູ້ປູກຕົ້ນກາເຟຍົກສູງຍອດຜະລິດຕະພັນຂອງກາເຟແລະຮັກສາຄຸນນະພາບຂອງກາເຟໃຫ້ຄົງທີ່.

滇ICP备 09002441号
中华人民共和国国务院新闻办公室 支持指导
云南省人民政府新闻办公室 主办
云南日报报业集团 承办
本网站由云桥网版权所有,未经授权禁止复制或建立镜像
Copyright ©yunnangateway.com All Rights Reserved since 2006