ພິທີເປີດງານວາງສະແດງການປະຕິຮູບທີ່ຍິ່ງໃຫຍ່ ເພື່ອລະນຶກຈີນປະຕິຮູບແລະເປີດປະຕູສູ່ພາຍນອກຄົບຮອບ 40 ປີຈັດຂຶ້ນຢູ່ຫໍພິພິທະພັນແຫ່ງຊາດຈີນທີ່ນະຄອນຫຼວງປັກກິ່ງໃນຕອນເຊົ້າວັນທີ 13 ພະຈິກນີ້ ໂດຍມີທ່ານວາງຮູນິງ ກຳມະການປະຈຳກົມການເມືອງ, ເລຂາທິການສູນກາງພັກກອມມູນິດຈີນໄດ້ເຂົ້າຮ່ວມແລະກ່າວຄຳປາໄສສຳຄັນ.
ງານວາງສະແດງໄດ້ຈັດໃຫ້ມີຫຼາຍຫົວຂໍ້ເຊັ່ນ: ການເລືອກເຟັ້ນເສັ້ນທາງເດີນຂອງປະເທດຊາດ, ພາລະກິດທີ່ສະຫງ່າຜ່າເຜີຍ, ການປ່ຽນແປງອັນຍິ່ງໃຫຍ່ໃນປະຫວັດສາດ, ສະພາບການຂອງປະເທດໃຫຍ່, ການມຸ່ງໜ້າສູ່ອະນາຄົດ ແລະ ອື່ນໆ ໂດຍໄດ້ໃຊ້ຮູບພາບໃນປະຫວັດສາດ, ຕົວໜັງສື, ວິດີໂອ ແລະ ວິທີອື່ນໆ ເພື່ອສ່ອງແສງໃຫ້ເຫັນການປ່ຽນແປງອັນຍິ່ງໃຫຍ່ໃນການຜະລິດ ແລະ ຊີວິດການເປັນຢູ່ຂອງປະຊາຊົນ ນັບແຕ່ຈີນປະຕິຮູບ ແລະ ເປີດປະຕູສູ່ພາຍນອກເປັນເວລາ 40 ປີມານີ້ ໂດຍສະເພາະແມ່ນນັບແຕ່ກອງປະຊຸມໃຫຍ່ຄັ້ງທີ 18 ຂອງພັກກອມມູນິດຈີນຈົນມາຮອດປັດຈຸບັນ ເຊິ່ງໄດ້ສະແດງໃຫ້ເຫັນສະພາບເບື້ອງຕົ້ນໃນພາລະກິດສ້າງສາປະເທດຊາດຈົນມາເຖິງສະພາບຮັ່ງມີຂຶ້ນ ແລະ ສະພາບເຂັ້ມແຂງທີ່ສຸດໃນປັດຈຸບັນ.