ວັນທີ 24 ພະຈິກນີ້, ກິດຈະກຳສົນທະນາການສຶກສາ “ໜຶ່ງແລວໜຶ່ງເສັ້ນທາງ” ຄັ້ງທີ 2 ທີ່ໂດຍການເປັນເຈົ້າພາບຂອງສະຖາບັນຄົ້ນຄວ້າວິທະຍາສາດການສຶກສາຈີນໄດ້ຈັດຂຶ້ນຢູ່ນະຄອນຫຼວງປັກກິ່ງ ສປ ຈີນ, ເຈົ້າໜ້າທີ່ການສຶກສາ, ຜູ້ຊ່ຽວຊານ, ນັກວິຊາການແລະບຸກຄົນສຳຄັນອື່ນໆປະມານ 200 ທ່ານທີ່ມາຈາກ 40 ປະເທດລຽບຕາມ “ໜຶ່ງແລວໜຶ່ງເສັ້ນທາງ” ແລະອົງການຈັດຕັ້ງສາກົນຈຳນວນໜຶ່ງໄດ້ຮ່ວມປະຊຸມ.
ຂ່າວແຈ້ງວ່າ, ກອງປະຊຸມຄັ້ງນີ້ໄດ້ເນັ້ນຫົວຂໍ້ “ຄົ້ນຄວ້າ, ວາງແຜນແລະວິໄສທັດ”, ເພື່ອເສີມຂະຫຍາຍທ່າແຮງດ້ານປັນຍາແລະການຈັດຕັ້ງຂອງອົງການຄົ້ນຄວ້າວິທະຍາສາດການສຶກສາຢ່າງເຕັມສ່ວນ, ແນໃສ່ວາງນະໂຍບາຍແລະວາງຍຸດທະສາດພັດທະນາຂອງລັດ, ລົງເລິກຄົ້ນຄວ້າປຶກສາຫາລືການແລກປ່ຽນແລະຮ່ວມມືດ້ານການສຶກສາລະຫວ່າງປະເທດລຽບຕາມ “ໜຶ່ງແລວໜຶ່ງເສັ້ນທາງ” ເພື່ອສ້າງວິໄສທັດປີ 2030, ເສີມຂະຫຍາຍບົດບາດແລະຄວາມຮັບຜິດຊອບການສຶກສາໃນການສ້າງ “ໜຶ່ງແລວໜຶ່ງເສັ້ນທາງ” ໃຫ້ດີກວ່າເກົ່າ, ຄົ້ນຄວ້າປຶກສາຫາລືຂົງເຂດບູລິມະສິດແລະຫາຊ່ອງທາງເພື່ອບັນລຸຜົນເປັນຈິງຂອງການແລກປ່ຽນແລະຮ່ວມມືດ້ານການສຶກສາລະຫວ່າງຊາດ, ເພື່ອຊ່ວຍສ້າງ “ໜຶ່ງແລວໜຶ່ງເສັ້ນທາງ” ຮ່ວມກັນ.