ໂດຍຕອບສະໜອງຕາມການເຊື້ອເຊີນທ່ານສົມເດັດ ເຟລິເປ ເຈົ້າຊີວິດແອສປາຍລາຊະການທີ 6, ທ່ານ ມໍຣີຊີໂອ ມາຄຣີ ປະທານາທິບໍດີສາທາລະນະລັດອາກຊັງຕິນ, ທ່ານ ຮູອັນ ຄາລອສ ວາເຣລາ ປະທານາທິບໍດີສາທາລະນະລັດປານາມາ ແລະ ທ່ານ ມາເຊໂລ ເຣເບໂຣ ເດີ ໂຊຊາ ປະທານາທິບໍດີສາທາລະນະລັດປອກຕຸຍການ, ວັນທີ 27 ພະຈິກນີ້ ທ່ານ ສີຈິ້ນຜິງ ປະທານປະເທດຈີນໄດ້ອອກເດີນທາງຈາກປັກກິ່ງເພື່ອຢ້ຽມຢາມ 4 ປະເທດດັ່ງກ່າວທາງລັດຖະກິດ; ຂະນະດຽວກັນ, ຍັງຈະເຂົ້າຮ່ວມກອງປະຊຸມສຸດຍອດກຸ່ມ 20 ປະເທດຄັ້ງທີ 13 ທີ່ຈັດຂຶ້ນຢູ່ນະຄອນຫຼວງບູໂນສໄອເຣສປະເທດອາກຊັງຕິນ ຕາມການເຊື້ອເຊີນຂອງທ່ານ ມໍຣີຊີໂອ ມາຄຣີ ປະທານາທິບໍດີສາທາລະນະລັດອາກຊັງຕິນ.
ຄະນະຕິດຕາມທ່ານ ສີຈິ້ນຜິງ ເດີນທາງຢ້ຽມຢາມໃນຄັ້ງນີ້ມີ: ທ່ານນາງ ເພີງລີ້ຢວນ ພັນລະຍາຂອງທ່ານ ສີຈິ້ນຜິງ; ທ່ານ ຕິ່ງເຊວ່ຊຽງ ກຳມະການກົມການເມືອງສູນກາງພັກ, ເລຂາທິການສູນກາງພັກ, ຫົວໜ້າຫ້ອງການສູນກາງພັກກອມມູນິດຈີນ; ທ່ານ ຢາງເຈຊື ກຳມະການກົມການເມືອງສູນກາງພັກ, ຫົວໜ້າຫ້ອງການຄະນະກຳມະການວຽກງານການຕ່າງປະເທດສູນກາງພັກກອມມູນິດຈີນ; ທ່ານ ວາງຢີ້ ທີ່ປຶກສາແຫ່ງລັດ, ທັງເປັນລັດຖະມົນຕີກະຊວງການຕ່າງປະເທດຈີນ; ທ່ານ ເຮີລີ້ເຟິ່ງ ຮອງປະທານສະພາປຶກສາການເມືອງປະຊາຊົນແຫ່ງຊາດຈີນ, ປະທານຄະນະກຳມະການປະຕິຮູບແລະພັດທະນາແຫ່ງລັດຈີນ ແລະ ທ່ານອື່ນໆ.