ວັນທີ 28 ພະຈິກນີ້, ບໍລິສັດອາລີເພຈີນຈຳກັດໄດ້ປະກາດຕໍ່ພາຍນອກວ່າ: ຈຳນວນຜູ້ໃຊ້ອາລີເພທົ່ວໂລກມີຫຼາຍກວ່າ 900 ລ້ານຄົນ. ສ່ວນຈຳນວນຜູ້ໃຊ້ອາລີເພທົ່ວໂລກທີ່ບໍລິສັດຕົນໄດ້ປະກາດໃນທ້າຍປີ 2016 ແມ່ນ 450 ລ້ານຄົນ.
ເມື່ອເວົ້າເຖິງສາເຫດທີ່ພາໃຫ້ຈຳນວນຜູ້ໃຊ້ອາລີເພສູງຂຶ້ນ,ກຸ່ມບໍລິສັດໃຫ້ບໍລິການທາງການເງິນ ANT ຈີນກ່າວວ່າ: ໃນເງື່ອນໄຂໂລກາພິວັດ,ບໍລິສັດຕົນໄດ້ເພີ່ມການລົງທຶນ,ເຊິ່ງບໍ່ພຽງແຕ່ໄດ້ໃຫ້ບໍລິການແກ່ນັກທ່ອງທ່ຽວຈີນທີ່ໄປທ່ຽວຢູ່ຕ່າງປະເທດໂດຍຜ່ານການນຳໃຊ້ອາລີເພເທົ່ານັ້ນ,ຫາກຍັງໄດ້ສ້າງຮູບແບບ “ເພື່ອການເດີນທາງທີ່ສະດວກ”,ໃນການຮ່ວມມືກັບບໍລິສັດການເງິນທ້ອງຖິ່ນຂອງ 9 ປະເທດອີກດ້ວຍເຊັ່ນ: ອິນເດຍ,ປາກິສະຖານ,ໄທ,ຟີລິບປິນ,ອິນໂດເນເຊຍແລະມາເລເຊຍເປັນຕົ້ນໂດຍຜ່ານການນຳໃຊ້ຮູບແບບການຄ້າແລະເຕັກໂນໂລຊີຂອງຈີນ,ແລະກໍໃຫ້ເປັນຮູບແບບໃໝ່ “9+1” ຂອງໂລກ,ເພື່ອຮ່ວມກັນໃຫ້ບໍລິການຕະຫຼາດຜູ້ບໍລິໂພກທີ່ມີຈຳນວນຫຼາຍກວ່າ 3 ຕື້ຄົນເຊິ່ງລວມທັງຈີນ.