ວັນທີ 11 ທັນວານີ້, ທ່ານຫວາງຢີ້ ທີ່ປຶກສາແຫ່ງລັດ, ທັງເປັນລັດຖະມົນຕີກະຊວງການຕ່າງປະເທດຈີນໄດ້ເຂົ້າຮ່ວມ ແລະກ່າວປາໄສໃນພິທີເປີດກອງປະຊຸມສຳມະນາກ່ຽວກັບສະຖານະການສາກົນ ແລະການທູດຈີນປີ 2018 ທີ່ໄດ້ຈັດຂຶ້ນຢູ່ນະຄອນຫຼວງປັກກິ່ງໂດຍສະຖາບັນຄົ້ນຄວ້າບັນຫາສາກົນຈີນ ແລະກອງທຶນຄົ້ນຄວ້າບັນຫາສາກົນຈີນ.
ທ່ານຫວາງຢີ້ກ່າວວ່າ: ປີ 2018, ການທູດຈີນສາມາດສະຫຼຸບໄດ້ 5 ຄຳສັບ ຄື: ການເປີດປະຕູສູ່ພາຍນອກ, ການຮ່ວມມື, ຄວາມກ້າວໜ້າຢ່າງໝັ້ນທ່ຽງ, ການນຳພາ, ຄວາມຮັບຜິດຊອບ ແລະການຍຶດໝັ້ນ.
ທ່ານກ່າວຕື່ມວ່າ: ປີ 2019 ເປັນປີທີ່ສປ ຈີນສະຖາປະນາປະເທດຄົບຮອບ 70 ປີ. ຈີນຈະສືບຕໍ່ຍົກສູງຄັນທຸງສ້າງປະຊາຄົມຮ່ວມຊາຕາກຳມວນມະນຸດ, ສຸມໃສ່ການຈັດເວທີປຶກສາຫາລືສຸດຍອດການຮ່ວມມືສາກົນ “ໜຶ່ງແລວໜຶ່ງເສັ້ນທາງ” ຄັ້ງທີ 2 ໃຫ້ມີຜົນສຳເລັດ, ຊຸກຍູ້ການຮ່ວມມືບົນຈິດໃຈມິດຕະາບກັບບັນດາປະເທດໃນໂລກ, ຕັ້ງໜ້າຮັກສາຄວາມໝັ້ນຄົງ ແລະຄວາມສະຫງົບຂອງພາກພື້ນ ແລະໂລກ, ລົງເລິກເຂົ້າຮ່ວມ ແລະນຳພາການບໍລະຫານທົ່ວໂລກ, ສ້າງແນວທາງໃໝ່ດ້ານການທູດປະເທດໃຫຍ່ທີ່ມີສີສັນພິເສດຂອງຈີນ.