ກະຊວງປ້ອງກັນປະເທດຈີນເປີດເຜີຍໃນວັນທີ 12 ທັນວານີ້ວ່າ: ຕາມສັນຍາລະຫວ່າງສອງກອງທັບຈີນ-ຫວຽດນາມ, ກຳປັ່ນຂອງກອງທັບເຮືອເຂດສູ້ຮົບພາກໃຕ້ກອງທັບປົດປ່ອຍປະຊາຊົນຈີນແລະກອງທັບເຮືອຫວຽດນາມເຂດທີໜຶ່ງຈະຮ່ວມກັນລາດຕະເວນເປັນຄັ້ງທີ 25 ທັງຈັດການຝຶກຊ້ອມຄົ້ນຫາແລະກູ້ໄພຢູ່ເຂດທະເລອ່າວເປີຍປູ້ແຕ່ວັນທີ 13-14 ທັນວານີ້.
ຂ່າວແຈ້ງວ່າ: ຈີນໃຫ້ຄວາມສຳຄັນຕໍ່ສາຍພົວພັນສອງກອງທັບຈີນ-ຫວຽດນາມ ແລະຍິນດີຮ່ວມກັບຫວຽດນາມຮ່ວມກັນສຸມທຸກຄວາມພະຍາຍາມເພື່ອປົກປັກຮັກສາຄວາມເປັນລະບຽບຮຽບຮ້ອຍແລະສະຖຽນລະພາບຂອງເຂດທະເລອ່າວເປີຍປູ້ແລະເຂດປະມົງຮ່ວມ ທັງຊຸກຍູ້ສາຍພົວພັນສອງກອງທັບໃຫ້ຂະຫຍາຍຕົວຢ່າງປອດໃສແລະໝັ້ນທ່ຽງ.