ແຫຼ່ງຂ່າວຈາກໜັງສືພິມ “ປັກກິ່ງລາຍວັນ” ໃຫ້ຮູ້ວ່າ ຫວ່າງມໍ່ໆມານີ້, ອົງການປົກຄອງນະຄອນຫຼວງປັກກິ່ງ ໄດ້ປະກາດ “ແຜນການສ້າງເຂດທົດລອງສັງລວມການຄ້າເອເລັກໂຕຣນິກຂ້າມຊາດຈີນ(ປັກກິ່ງ)” ໂດຍລະບຸວ່າ: ນະຄອນຫຼວງປັກກິ່ງຈະພະຍາຍາມຄົ້ນຄວ້າແລະຈະປະຕິບັດໃຫ້ເກີດຜົນຈິງໃນໄລຍະ 5 ປີ ເພື່ອສ້າງວິສາຫະກິດບໍລິການສັງລວມການຄ້າເອເລັກໂຕຣນິກຂ້າມຊາດໃຫ້ໄດ້ເຖິງ 100 ແຫ່ງ, ສ້າງສາງເຄື່ອງແລະສາງພັກສິນຄ້າຕ່າງປະເທດການຄ້າເອເລັກໂຕຣນິກຂ້າມຊາດ 100 ແຫ່ງ, ຮ້ານຄ້າເອເລັກໂຕຣນິກຂ້າມຊາດ 100 ແຫ່ງ, ເຂດນິຄົມອຸດສາຫະກຳການຄ້າເລັກໂຕຣນິກຂ້າມຊາດ 20 ແຫ່ງ ແລະ ໃຫ້ມູນຄ່າການຄ້າສົ່ງອອກ-ນຳເຂົ້າການຄ້າເອເລັກໂຕຣນິກຂ້າມຊາດກວມເອົາມູນຄ່າການສົ່ງອອກ-ນຳເຂົ້າໃຫ້ບັນລຸຫຼາຍກວ່າ 20%.
ເດືອນກໍລະກົດປີນີ້, ນະຄອນຫຼວງປັກກິ່ງໄດ້ຮັບການອະນຸຍາດໃຫ້ເປັນເຂດທົດລອງສັງລວມການຄ້າເອເລັກໂຕຣນິກຂ້າມຊາດງວດທີ 3. ເພື່ອຊຸກຍູ້ການສ້າງເຂດທົດລອງຢ່າງຮອບດ້ານ, ອົງການທີ່ກ່ຽວຂ້ອງຂອງນະຄອນຫຼວງປັກກິ່ງໄດ້ຮ່ວມກັນຄົ້ນຄວ້າແລະວາງແຜນການດັ່ງກ່າວ ເຊິ່ງໄດ້ກຳນົດເປົ້າໝາຍການກໍ່ສ້າງແລະ 10 ໜ້າວຽກທີ່ສຳຄັນຢ່າງຈະແຈ້ງ.