ສະຖາບັນວິທະຍາສາດສັງຄົມແຫ່ງຊາດຈີນໄດ້ເປີດເຜີຍ “ປື້ມປົກຟ້າເສດຖະກິດ: ການວິເຄາະແລະຄາດຄະເນສະພາບເສດຖະກິດຈີນປີ 2019” ໃນວັນທີ 24 ທັນວານີ້ຢູ່ນະຄອນຫຼວງປັກກິ່ງ ໂດຍລະບຸວ່າ: ຄາດວ່າປີ 2019, ລວມຍອດຜະລິດຕະພັນພາຍໃນ ຫຼື GDP ຂອງຈີນຈະເຕີບໂຕ 6,3%.
ປື້ມປົກຟ້າ ຊີ້ໃຫ້ເຫັນວ່າ: ປີ 2018, ເສດຖະກິດຈີນມີການພັດທະນາຢ່າງໜັກແໜ້ນໂດຍພື້ນຖານ ແລະ ສືບຕໍ່ຢູ່ໃນສະພາບທີ່ພັດທະນາຢ່າງປອດໃສ.
ຄະນະຄົ້ນຄວ້າ ສະຖາບັນວິທະຍາສາດສັງຄົມແຫ່ງຊາດ ໄດ້ສະເໜີວ່າ: ປີ 2019, ຈີນຈະຕ້ອງດຳເນີນການປະຕິຮູບຢ່າງເລິກເຊິ່ງແລະເປີດປະຕູສູ່ພາຍນອກໃຫ້ກວ້າງຂວາງອອກຕື່ມອີກ, ການປະຕິຮູບໂຄງປະກອບການສະໜອງຈະຫັນໄປສູ່ການເພິ່ງພາອາໄສພາຫະນະການຕະຫຼາດເປັນຕົ້ນຕໍ; ຈັດຕັ້ງປະຕິບັດນະໂຍບາຍການເປີດປະຕູສູ່ພາຍນອກໃຫ້ກວ້າງຂວາງອອກຕື່ມອີກແລະປັບຫຼຸດອັດຕາພາສີ, ເປີດກວ້າງການນຳເຂົ້າຢ່າງເໝາະສົມ, ປົກປ້ອງຊັບສິນທາງປັນຍາຢ່າງເຂັ້ມງວດ, ແກ້ໄຂບັນຫາຄວາມຂັດແຍ້ງທາງການຄ້າໃຫ້ເໝາະສົມ ແລະອື່ນໆ.